svári

2011-12-24T17:55:00.000+01:00

Faðir Abraham og hans synir og hans synir, faðir Abraham.

Gleðileg jól.

2011-09-23T00:00:00.000+02:00

Of ólíklegt til að geta verið tilviljun?

Nei.

2011-09-22T11:55:00.000+02:00

Tilviljun?

Já.

2011-09-21T12:48:00.000+02:00

Ég hef verið með axlabönd síðustu vikur vegna þess að ég finn ekki beltið mitt.

Þegar ég finn beltið mitt set ég það á mig tafarlaust. Líklega tekur við tími þar sem ég er bæði með belti og axlabönd áður en ég skipti algerlega.

2011-09-19T20:36:00.000+02:00

Hundrað þú

2011-09-17T18:32:00.000+02:00

Ég fékk búst með morgunmatnum í morgun

og ég er enn mjög bústaður.

2011-09-13T20:20:00.000+02:00

Ég á vini á Egilsstöðum sem að bíða mín í röðum.

2011-08-12T14:28:00.000+02:00

Kimono og Rickshaw eru íslenzkar hljómsveitir.

Nöfnin á þeim eru bara kúl ef maður veit ekki hvað þau þýða.

2011-08-07T16:48:00.000+02:00

Loksins man ég hvað Kompan var! Það var einhvers konar heimalærdómsdagbók.

Síðustu fjórtán mánuðum sannarlega vel varið í hugleiðingar um þetta mál.

2011-08-06T16:32:00.000+02:00

Ach, wie groß ist der Hunger.

2011-08-05T16:16:00.000+02:00

Það er erfitt að borða móður.

Þ.e. að vera móður og borða á meðan.

En það er bara svo fjandi sexí.

2011-07-02T12:00:00.000+02:00

Gleðilegt mitt ár.

2011-06-29T08:16:00.000+02:00

Ef ég vissi ekki betur héldi ég að

2011-06-21T13:52:00.000+02:00

„Skrítið. Síðasti yfirmaður minn hét líka Dagur. Ég virðist bara vera ráðinn af Dögum.“

2011-05-29T19:38:00.000+02:00

klám
kynslóð
þumalputta

2011-05-28T10:30:00.000+02:00

„Ég trúi því ekki að við ætlum að láta ofan í okkur svona svartan og heitan drykk.“

- Edda Halldórsdóttir.

2011-05-27T13:26:00.000+02:00

Mjóbak

Bakið mitt er mjótt alls staðar.

2011-05-26T13:13:00.000+02:00

Einn prófessorinn hérna telur að óstundvísi mín hafi örugglega eitthvað með eldgos að gera. Ég sé ekki tenginguna en hef ákveðið að vera sammála.

2011-05-25T16:16:00.001+02:00

Ég sá tvífara JIMs í neðanjarðarlestinni í fyrradag. Hann var nákvæmlega eins og JIM með örfáum undantekningum:

1 Hann var enn styttra klipptur.
2 Hann var feitari.
3 Hann var með yfirvaraskegg og síðan hökutopp.
4 Hann bar mittistösku.
5 Hann var með eyrnalokk í báðum.
6 Hann var klæddur fyrir erfiðisvinnu.

Ég ákvað að biðja þennan ekki um hjálp með forknippin sem voru að plaga mig þá stundina.

2011-05-24T10:30:00.000+02:00

Ég er meistari líkingamálsins, eins og Megas á sveppum.

2011-05-23T10:20:00.002+02:00

Örsaga á ensku

Malia Ann and Sasha asked: Daddy, can we please go to Disneyland?

Their father replied: Yes, we can - but we won't.

2011-05-05T09:36:00.001+02:00

Þroski

Fyrir nokkrum vikum var ég að nóttu til á skemmtistaðnum Bakkusi. Þar stóð ég og spjallaði við tvo félaga mína. Til okkar gengur tvær huggulegar stúlkur á aldur við okkur. Þær voru í sleikkeppni sín á milli og vildu vita hvort við værum til í að minnsta kosti tveggja sekúndna sleik. Okkur fannst þetta skrítin keppni og afþökkuðum.

Önnur þeirra (sú sem var undir í keppninni) þröngvaði þá sleik upp á félaga minn og á meðan spurði hin okkur hvað við værum eiginlega gamlir, tólf ára?

Þá rann það upp fyrir mér að, þveröfugt við það sem ég hafði haldið, okkur strákana skorti þroska.

Fyrst þótti mér það leiðinlegt en nú sé ég það jákvæða. Það er gott að eiga smá þroska inni.

2011-05-04T09:27:00.000+02:00

Ég er þakklátur fyrir skilningarvitin.

2011-05-03T09:18:00.004+02:00

El clasico

Hvað sem öllum vangaveltum um hvað gert hefur verið eða á að gera við hræin tvö líður fer fram fótboltaleikur í kvöld. Erkifjendurnir Real Madrid og Barcelona takast á í enn eitt sinnið.

Ég horfði á síðasta leik fyrir tæpri viku. Daginn eftir fylgdist ég með fréttum af honum. Það kom mér töluvert á óvart að flestar fyrirsagnir voru á þessa leið:

Messi skoraði tvö í sigri Barcelona

Og greinarnar voru í takt við fyrirsögnina. Jú, vissulega skoraði Messi tvö mörk í þessum leik. Og Barcelona vann. En það er alls ekki það sem þessi leikur skildi eftir sig. Ég bjóst frekar við fyrirsögnum á borð við:

Hópur aumingja saurgar góða íþrótt

Það var nefnilega skömm að þessum tveimur tímum. Til að vinna leikinn horfðu menn ekki á mark andstæðinganna heldur til dómarans. Barcelona, lið sem gerir tilkall til titilsins „bezta fótboltalið allra tíma“, notaði þetta kerfi ívið meira. Eftir þennan leik mun ég aldrei samþykkja þennan titil.

Kerfi Real Madrid í þessum leik var: (a) Verjast og sæta færis. (b) ...

Kerfi Barcelona var hins vegar: (a) Verða einum fleiri. (b) Gefa á Messi.

Casillas, Xavi, Ronaldo, Messi, Alonso. Þessir leikmenn, og margir fleiri í liðunum tveimur, eiga að geta séð til þess að fótboltaleikur verði hin bezta skemmtun. Í síðustu viku klúðruðu þeir verkefninu rækilega. Reyndar hélt einn þeirra því fram að umrætt kvöld hafi einhver sigur unnizt fyrir fótboltann. Sorrí, Xavi, en ef það gerðist var það svo sannarlega ekki á Estadio Santiago Bernabéu. Og mjög líklega hvergi á Spáni.

2011-04-21T09:18:00.000+02:00

Ég kynntist Róa í gær.

Ég þekki Róa í gegnum Emélie. Emélie kynntist Róa í gegnum Brynjar. Brynjar kynntist Emélie í gegnum mig.

2011-04-19T14:14:00.000+02:00

Að gefnu tilefni

Já við Icesave III!

2011-04-11T15:45:00.000+02:00

R.I.P.-partý!

2011-04-09T13:13:00.001+02:00

Til já-sinna

Ekki gefast upp! Þetta er spurning um að þykja vænt um land og þjóð.

Þú borgar þá fyrir mig líka, er það ekki? Ég tók alltjent ekki þátt í þessu rugli!

Ekki tala um eitthvað sem þú veizt greinilega ekkert um, þú getur bara farið heim.

Ekki láta kúga þig!

Hugsaðu um þorskastríðin!

Ef þetta er þín skoðun ertu fáfróður og ættir að kynna þér málefnið betur.

Þú ert hálfviti fyrir að hafa þessa skoðun.

Ég trúi því ekki að þú ætlir að veðsetja börnin þín.

2011-04-07T11:00:00.000+02:00

Allir vita að láréttar rendur láta mann líta út fyrir að vera breiðari en maður er í raun og veru. Allir vita að lóðréttar rendur eru að sama skapi grennandi.

Þess vegna eru láréttar rendur grennandi og lóðréttar fitandi.

Þegar önnur efnisgrein þessarar færslu verður á allra vitorði víxlast þetta aftur.

Að lokum kemst á jafnvægi.

2011-04-04T11:22:00.000+02:00

Ég horfi út á haf. Sólin er setzt og bleikur bjarminn er að fjara út. Skýin virðast vera í seilingarfjarlægð, þau eru grafkyrr. Pegasos hreyfir hvorki legg né lið. Af öllum tilfinningum sem hægt er að fyllast horfandi út á haf fyllist ég af innþrá. Ef það er orð.

True story.

2011-04-01T13:52:00.001+02:00

Gamla eða nýja ísinn?

Sjomleh.

2011-03-17T15:15:00.000+01:00

Móðins

Skóli án aðgreiningar.

Persónumiðað nám.

2011-03-16T09:18:00.000+01:00

Hafið þið heyrt um ljóskuna sem hringdi í 10-11 og spurði hvenær væri opið?

Hún fékk þau svör að allar búðir væru opnar allan sólarhringinn.

2011-03-11T12:24:00.000+01:00

Að drekka áfengi í góðu hófi á meðgöngu er ekki hættulegt fóstrinu.

En vissulega er sú iðja dálítið eins og að beina óhlaðinni byssu að barni sínu.

Hættulítið en, tja, ósmekklegt.

2011-02-21T12:12:00.002+01:00

Karllæg gildi

Karllægur er fávitalegt orð. Ég vona að sá sem sagði það fyrst skammist sín.

Æ, kannski tek ég of djúpt í árinni. Sá sem smíðaði orðið vissi líklega ekki að það yrði að óþolandi nýklisju.

Rétt í þessu bjó ég til orð. Vonandi fer betur fyrir því.

Karlægur er hins vegar gott og vannýtt orð.

2011-02-07T14:42:00.000+01:00

Wikipedia er minn hirðir. Mig mun líklega eitthvað bresta.

2011-01-22T12:36:00.000+01:00

Fólk sem notar hamar svo mikið að það þarf sérstakan hamarshanka í buxurnar er annaðhvort smiðir eða raðmorðingjar.

2011-01-21T12:24:00.000+01:00

Ég ætla að eignast tvö börn, Rán og Koðrán.

2011-01-10T16:16:00.000+01:00

Vertu vanafastur,
veldu venjurnar vel.

2010-12-25T14:14:00.000+01:00

Jól

Ég skráði mig inn á Facebook áðan og samkvæmt fyrstu tölum voru núll vina minna innskráðir. Það þótti mér jólalegt.

Það kom reyndar í ljós að þeir væru um þrjátíu.

En ég skráði mig út.

Gleðileg jól, vinir, og gerið það sem þið viljið um jólin.

2010-12-07T11:11:00.001+01:00

Kosningar til stjórnlagaþings

Fyrir nokkru kusu (fáeinir) Íslendingar 25 manns til að gera tillögur að breytingum á stjórnarskránni. Athygli vakti … Þessar kosningar vöktu nær enga athygli en líklega hefur mest verið talað um litla þátttöku. Tveir þriðju hlutar þjóðarinnar ákváðu að kjósa ekki, eða voru aaðeins of seinir á kjörstað.

Í framboði voru yfir fimm hundruð manns og meirihluti þeirra sem komust að eru þjóðþekktir menn. Það hefur verið gagnrýnt, þetta varð ekki alþýðuþingið eins og menn vonuðust eftir heldur þing þekktra andlita og nafna.

Ekki samt láta eins og þetta hafi komið ykkur á óvart. Auðvitað er þekkt fólk með forskot. Auðvitað er minni áreynsla sem fylgir því að vita hvað Þorvaldur Gylfason stendur fyrir og hvers hann er megnugur en Jóhann Ólafsson kerfisfræðingur. Þetta kerfi býður upp á þetta og ekkert annað. Það var aldrei neinn listi 25 óþekktra manna að fara að koma upp úr kjörkössunum.

Ef þetta er svona slæmt þarf að breyta kerfinu. Ein leiðin til þess er að nýta sér eðli frægðarinnar. Óvinsældir fylgja frægð alveg eins og vinsældir.

Þá væri hægt að láta kjósendur búa til tvo lista. Einn yfir frambjóðendur sem þeim hugnast og annan yfir frambjóðendur sem þeir vildu að næðu ekki kjöri. Þorvaldur Gylfason, Katrín Oddsdóttir og Gísli Tryggvason hefðu örugglega fengið mörg mótatkvæði ef það hefði verið í boði.

Kannski er þetta skelfileg hugmynd. Ef hún hefði verið notuð í forsetakosningum í Bandaríkjunum er ekki ólíklegt að Ralph Nader hefði einhvern tímann náð kjöri.

Þá er það spurning. Hefði það verið jákvætt?

Kannski er málið að láta mótatkvæði gilda minna en meðatkvæði.

Já, mér fannst kerfið eins og það var ekki aaalveg nógu flókið.

2010-12-06T13:52:00.001+01:00

Trú og rökfræði - Óendanleikinn

Gerum ráð fyrir öllum frumsendum rökfræðinnar ásamt valfrumsendunni. Gerum einnig ráð fyrir að helztu rök trúmanna, sem hafa gaman af því að færa rök að trú sinni, séu góð og gild, þ.e. að sköpun leiði af sér skapara.

Við vitum að heimurinn er til. Köllum skapara heimsins guð. Guð er til samkvæmt trúfrumsendunni. Þar af leiðir að einhver skapaði guð. Einhver skapaði þann skapara svo auðveldlega má fá skapararunu.

Þá er tvennt mögulegt:

(i) Runan er takmörkuð að ofan. Samkvæmt lemmu Zorns er þá til skapari sem enginn skapaði. Það er í mótsögn við trúfrumsenduna. Þá hlýtur hitt tilvikið að vera satt.

(ii) Runan er ótakmörkuð. Það er ekki til neinn alguð.

Hugleiðingar: Ef við köllum n-ta guð fyrir ofan okkur G_n, til hvers þeirra eigum við að biðja? Líklega er G_k kröftugri en G_l ef k > l. Eigum við að biðja til G_1 af því að hann er í beztu sambandi við okkur og er hann það? Eða eigum við að biðja til G_n fyrir hærra n, G_1000? Ef já, af hverju þá ekki G_99999999999999999999? Hvar eigum við að stoppa?

2010-12-05T11:00:00.000+01:00

Þegar byrjað er að halda brunaútsölur á bókum er þess ekki langt að bíða að haldnar verði brunaútsölur á fólki.

2010-12-04T10:50:00.001+01:00

Fæst orð bera minnsta ábyrgð

Ef manni er mikið niðri fyrir er ágætt að muna þetta:

Fæst orð bera minnsta ábyrgð.

Þetta eru fimm orð. Ef maður ætlar að segja þetta getur maður því eins sagt

þú ert aumingi og fífl

en það eru einmitt líka fimm orð. Sumir kjósa að nota þessi fimm orð á aðeins annan hátt:

Ég sef hjá móður þinni.

Þekkt er að menn vilji jafnvel leggja enn minni ábyrgð á herðar sínar, með því til dæmis að nota einungis fjögur orð:

Þú ert viðbjóðslegur fæðingarhálfviti.

Þegar við erum komin á þessa braut enn færri orða má nefna í framhjáhlaupi að menn hafa gengið svo langt að segja núll orð. Það kallast á fagmáli að þegja.

2010-12-03T10:20:00.000+01:00

Bakkalárinn

Mörgum er enn í fersku minni íslenzki bachelorinn sem átti sinn eigin þátt á Skjá einum. Sumir muna jafnvel eftir því að Íslensk málnefnd sendi sjónvarpsstöðinni áminningu fyrir að nota orðið bachelorinn. Lengi var á huldu hvað stóð nákvæmlega í bréfinu en það hefur loks verið gert opinbert og er birt í heild sinni hér á eftir:

Kæri Skjár einn,

okkur hefur borist fjöldinn allur af ábendingum um frjálslegt málfar og leti við málvernd í dagskrá þinni. Sú síðasta ofbauð okkur.

Orðið 'bachelor' fellur í besta falli hræðilega inn í íslenska stafsetningu, framburð og beygingu. Að setja greini á orðið er móðgun við Íslendinga.

Við leggjum til að nafni þáttarins verði breytt í Piparsveininn eða eitthvað aðeins skárra en núverandi nafn. Ef ekki verður farið að beiðni okkar vonumst við þá að minnsta kosti til að í framtíðinni verði betur hugað að því í hvaða landi dagskráin er send út.

Fyrst við erum byrjuð að skrifa bréf eru svo sem nokkur atriði sem okkur langar til að spyrja um. Af hverju var Steingrímur Randver valinn í þennan þátt? Hann er örugglega fínasti drengur en hann er ekki andlitsfríður, ekki ríkur og ekki vaxinn eins og grískur guð. Hann er því langt frá því að vera sá eftirsótti piparsveinn sem þáttur sem þessi þarf á að halda. Ef tekið er mið af því hvernig jakkafötin sem hann notar í þættinum passa á hann mætti halda að hann eigi ekki einu sinni sín eigin jakkaföt. Það leiðir okkur að næstu spurningu. Hvar í ósköpunum náðuð þið í allar þessar skemmdu stúlkur á Íslandi? Ar ðei for ríl? Var Steini að trekkja?

Takk fyrir alla unaðskjánahrollana,

Íslensk málnefnd.

Es. Er hún lessa?

2010-12-02T10:10:00.000+01:00

2010-12-01T10:00:00.001+01:00

Catalina Ncogo er hið dökka man. Hún er samt föl. Eða var það að minnsta kosti í eina tíð.

2010-11-22T15:45:00.000+01:00

Í gær fór ég til Potsdam. Þegar ég lagði af stað var bjart en þegar ég kom þangað var allverulega farið að dimma.

Klár forsendubrestur.

Það má búast við aðgerðum frá mér á næstunni.

2010-11-12T14:14:00.000+01:00

Hausinn á mér er fullur af hugmyndum sem jafnan sleppa þegar ég hef lagzt til hvílu.

Ef þær flýja allar á sama stað er það skemmtilegur staður sem ég hefði gaman af því að heimsækja.

2010-11-05T19:38:00.000+01:00

Lífstakmark 638

Að einhver kalli mig „Mr. Scientist“ með vanþóknun í röddinni.

2010-11-03T10:10:00.000+01:00

Söngleikir

Fyrsta lektía:

Do re mí fa so la tí do reeeeee!

2010-10-30T02:30:00.001+02:00

Ástfanginn.

2010-10-28T15:30:00.000+02:00

Trúboð

Vonandi hefur nýja jóladagatalið, Jul i svingen, ekkert með Jesúm að gera. Ríkissjónvarpið getur auðvitað ekki stundað trúboð í barnatímanum.

Við getum því gleymt því að fá að sjá aftur

Jól á leið til jarðar (Lykla-Pétur og Mikael erkiengill eiga ekki að fá að sjást á skjánum),
Stjörnustrák (Jesúbarnið er nefnt í Jólalagi Ísafoldar svo dæmi sé tekið),
Á baðkari til Betlehem (skandall að þetta hafi verið leyft, krúttlegt dæmi um trúgjarna þjóð - til allrar hamingju eru tímarnir breyttir),
Tvo á báti (sjómaðurinn er prestur)
eða
Leitina að Völundi (Jólastjarnan kemur fyrir, en hún er úr Biblíunni).

Einnig finnst mér líklegt að Klængur sniðugi innihaldi trúboð enda úr smiðju Davíðs Þórs Jónssonar guðspekings. Líklega fyrir beztu að láta það líka liggja óhreyft í kjallara Rúv.

2010-10-27T16:16:00.000+02:00

Π-dagurinn

Fólk er að tala um π-daginn. Hann á að vera í marz; ekki er það rökrétt; það er ekki þristur fyrr en í níunda aukastaf.

Það eru bara þrjátíu dagar í apríl og það eru bara tólf mánuðir í árinu. Því væri π-dagurinn helzt 3. janúar og það þykir mér aumt, þangað til árið 4159. Kannski er π-dagurinn einhver trylltur feldisdagur, en þá kallaðist hann Π-dagurinn.

2010-10-26T14:42:00.002+02:00

Hann var í hlaupaskóm án þess að vera hlaupari.

Hann var í smíðabuxum en var ekki smiður.

Hann klæddist útivistarúlpu þó að hann væri bara á leiðinni í skólann.

Hann var með hár í framan sem var samt ekki skegg.

Hann var lúði.

Hann blístraði áhyggjulaus.

2010-10-25T14:14:00.000+02:00

Ekki láta stjórnast af efnislegum hlutum. Hangtu á alnetinu.

2010-10-24T14:28:00.000+02:00

Nærbuxur á neðanjarðarlestarstöðinni

Það voru margar nærbuxur á neðanjarðarlestarstöðinni. Flestar voru þær fyrir innan annars konar buxur og gegndu því hlutverki sem þeim var ætlað. Einar lágu á jörðinni og gerðu ekkert gagn. En þær voru sjáanlegar og vöktu athygli. Það vakti ekki öfund hinna nærbuxnanna; athyglin var ekki jákvæð. Enginn sýndi of mikla athygli. Hvaðan komu þær? Enginn vildi í raun vita það. Hver átti þær?

2010-10-23T13:52:00.001+02:00

Þig langar ekkert sérstaklega í gallabuxur, er það?

Horfðu á þessa mynd.

Nú finnurðu fyrir þrá og þörf fyrir að kaupa þér gallabuxur, frá Armani.

Svona getur menntaður auglýsingasálfræðingur farið með þig.

Háskólinn
- brotizt til mennta.

2010-10-20T10:50:00.000+02:00

Nýtt vopn í rökræðum

Ég er ekki svartsýnn, ég er raunsær.

2010-10-17T23:46:00.000+02:00

Lítt þekkt staðreynd

Dagbók Önnu Frank, Dagbók Berts og Dagbókin hans Dodda,

allar skrifaðar af sama manninum.

2010-10-15T13:13:00.000+02:00

[au:striða]

2010-10-15T12:48:00.000+02:00

Ómerkilegt: Svo virðist sem Móna Lísa horfi í augun á manni hvort sem maður horfir beint á hana eða frá hægri eða vinstri.

Merkilegra: Flest annað.

2010-10-09T17:34:00.000+02:00

Maður verður að vera mjór til að hugsa.

Fyrst mjór. Svo ká.

2010-10-08T17:51:00.000+02:00

Fyrsta skref afskinkunar er að endurspegla skinkuna.

2010-10-07T18:36:00.001+02:00

Hjá honum hafði vaknað áhugi á Body-art.

Hann vildi gera sína eigin.

Hvert átti hann að snúa sér?

Hringja í útfararstofu?

2010-10-06T18:54:00.000+02:00

Pasistaávarpið

Ég hata fólk sem labbar hægt fyrir framan mig.

2010-10-05T19:00:00.000+02:00

Gollrir átti vænt safn af gollum.

2010-10-04T19:19:00.000+02:00

Nei, þú mátt ekki setja í mig,

ég fæ teygjufar.

2010-10-03T23:23:00.000+02:00

Tónleikar eru skemmtilegir vegna þess að maður má missa einbeitinguna.

2010-10-03T19:38:00.000+02:00

Veiztu hver sagði veiztu hver sagði hlíðin er svo fögur??

2010-10-02T21:21:00.000+02:00

It's funny 'cause it's true

Ég er mjög hrifinn af it's funny 'cause it's true-húmor.

Ég hlæ til dæmis miklu meira að innlenda annálnum en áramótaskaupinu.

2010-10-02T15:15:00.000+02:00

Sú fáheyrða staða er komin upp í íslenzkum stjórnmálum að stjórnarandstaðan vill að þing sé rofið fljótlega og boðað til nýrra kosninga en þingmeirihlutinn vill það ekki.

2010-10-01T19:57:00.000+02:00

Dagar sem eiga sér handrit eru oftast skemmtilegri en aðrir dagar. Þess vegna eru kvikmyndir svona skemmtilegar.

Með allt á hreinu er undantekning.

2010-09-30T20:00:00.000+02:00

Tanmax

Tanið var þeim hugleikið þennan dag.

Foreldrar hans gáfu honum nafnið Max. Þau voru sumsé útlenzkt par,

í grennd við Saxland.

Unga parið var ekki hæfileikaríkt en á móti nokkuð frumlegt.

Það fór reyndar lítið fyrir frumleika í nafngiftinni. Verulega frumlegt útlenzkt par hefði valið nafn á borð við Svein.

Djöfull ertu að maxa tanið, negri! sagði Brynja Börk síðar og Max hataði hana fyrir.

En það er önnur saga,

sagan af Tan-Max.

2010-09-29T20:20:00.000+02:00

Ein mynd úr Lassímyndaflokknum fjallaði um frænku Lassíar sem átti erfiða ævi. Sú mynd komst þó aldrei í kvikmyndahús þar sem pólitísk rétthugsun var farin a ryðja sér til rúms.

2010-09-28T20:40:00.000+02:00

Hvað sagði bíllinn við hinn bílinn?

- Það er bara bíll við bíl!

2010-09-06T23:21:00.000+02:00

Sá bezti á afmæli í dag,
því syngjum við hátíðarbrag.

2010-08-10T15:51:00.000+02:00

Allar hinar merkingarnar
voru öfundsjúkar út
í orðsins fyllstu merkingu.

2010-08-03T11:33:00.000+02:00

Dagurinn sem ég komst að því að ég væri í sama skóla og Frida Kahlo

Dagurinn sem ég komst að því að ég væri í sama skóla og Frida Kahlo var mjög svipaður öðrum dögum. Ég bara sá hana. Fátt annað um hann að segja. Ég var líklega hissa en satt að segja man ég ekki mikið. Það er langt síðan að þessi dagur leið sitt skeið.

2010-07-20T10:40:00.000+02:00

Enginn Nokkurn Tíma

„Nú, þá er það staðfest. Ekkert líf eftir dauðann,“ hugsaði ENT.

2010-07-19T01:42:00.000+02:00

Hvenær verður sumarið fyrir Boltafélag Ísafjarðar?

2010-07-18T12:00:00.000+02:00

Hægrimenn vilja að ríkisvaldið geri sem minnst. Vinstrimenn vilja að ríkið geri meira.

Samt er það svo að hægrimenn eru líklegri til að vera fylgjandi því að ríkið drepi fólk.

2010-07-17T14:56:00.000+02:00

En ekki eru allir einskis.

2010-07-16T15:30:00.000+02:00

Bless, Friðþjófur forvitni

Bye, Curious George.

2010-07-15T19:19:00.000+02:00

Raus um ráð

Það er mikilvægt að deyja ekki ráðalaus.

Óttar gamli átti ráð við öllu. Svo dó hann. Hann dó samt ekki ráðalaus.

Dússi var barþjónn sem lenti í vandræðum. Hann hafði ekki nokkra hugmynd um hvað hann ætti að gera. Hann var algerlega ráðalaus. Hann dó samt ekki ráðalaus.

Adam var ekki lengi í Paradís. Hann eyddi samt einhverjum tíma þar. Það hefur verið skemmtilegt. Fyrir utan það að Adam var einmana. Hann dó samt ekki ráðalaus, hann hafði ráð undir rifi hverju.

2010-07-14T10:40:00.000+02:00

Atychiphobia

2010-07-13T12:48:00.000+02:00

Þáttaskil

Áður varð ég víðsýnni með árunum.

En núna finn ég hvernig allt lokast og þrengist, ég þróa með mér fordóma og neita að læra nýja hluti.

Áður fullorðnaðist ég.

Nú er ég byrjaður að eldast.

2010-07-12T10:10:00.000+02:00

Fallegasta íslenzka orðið?

Sólheimaglott.

2010-07-11T16:16:00.000+02:00

Um daginn vaknaði ég við eldingu. Sjaldan hef ég vaknað og vitað jafnnákvæmlega hvað er að fara að gerast.

Þrumur og eldingar eru svo skemmtilega rökréttar. Fyrst kemur blossi (810551) og svo koma drunur.

2010-07-10T19:19:00.001+02:00

Jólin eru tími kærleika og friðar. Þá á maður að vera góður við náungann og fyrirgefa óvinum sínum. Við minnumst fæðingar Jesú Krists og trúaðir sem vantrúaðir reyna að bæta í gleði heimsins.

Þannig að, bara, gó nötts.

2010-07-09T11:44:00.000+02:00

Heyrði hollenzku í lestinni um daginn.

Eða það hélt ég.

Kom í ljós að þetta var þroskaheftur spunkur að tala þýzku.

2010-07-08T09:54:00.000+02:00

Æstir blaðamenn

- Kári! Hvað segirðu um viðtökurnar við endurkomu Svára?

- No comment.

2010-07-07T21:42:00.000+02:00

Þetta verður gott kvöld. Ég finn á mér.

2010-07-07T18:18:00.000+02:00

Þetta verður gott kvöld. Ég finn það á mér.

2010-07-06T22:22:00.000+02:00

Enginn er allra.

2010-07-05T22:00:00.000+02:00

Gaman fyrir þýzkumælandi

Sá gamlan mann í litríkum fötum, þar á meðal bol með áletruninni

Ich werde nicht älter

- ich werde besser.

Þess má geta að hann var alveg sérlega gamall.

2010-07-05T15:15:00.000+02:00

Hamingjan

Í hverju felst hamingjan?

Pabbi minn er klár karl og skemmtilegur. Af vörum hans hrökkva stundum spakmæli sem vert er að hafa eftir. Hann til dæmis ráðlagði mér að „skemmta [mér] fallega“ þegar ég fór í ferð til Þingeyjarsýslnanna með vinum mínum. Ég fór eftir því (að mestu leyti).

Hann hefur oft ráðlagt mér í sambandi við nám mitt. Ef ég færi eftir þeim ráðleggingum væri dagurinn í dag til dæmis aðeins betri.

Reyndar lífgaði pabbi upp á daginn. Ég sendi honum stuttan tölvupóst í morgun og hann sendi mér álíka stuttan tölvupóst til baka. (Síðan ég flutti til útlanda hef ég kynnzt nýrri hlið á foreldrum mínum. Ritað mál fólks er öðruvísi en talmál. Ég hef komizt að því að báðir foreldrar mínir eru hörkupennar, gera mismerkilegar sögur að heiman og spurningar til mín stórskemmtilegar með góðum stíl.) Tölvupóstur pabba í dag innihélt svarið við spurningunni sem ég setti fram að ofan. Hann óskaði mér þess að venjulegir dagar væru góðir dagar.

Ég las setninguna tvisvar og hugsaði: Það er hamingjan.

Á næstu dögum læt ég það uppi hvað það er að vera góð manneskja.

2010-07-04T21:42:00.001+02:00

Listinn yfir hluti sem ég ætla að gera áður en ég dey hefur fengið viðbót:

Að spreða í Pólverja og pípara samtímis.

Listinn yfir hluti sem ég ætla að gera eftir að ég dey er enn þá tómur.

2010-07-03T11:33:00.001+02:00

Að vera með brjóstin úti og að vera kynþokkafull eru óháðir atburðir.

2010-07-02T23:23:00.000+02:00

Spáir 34 stiga hita á morgun.

Hver er til í hottjóga með mér?