Hæ hó...

Nóttin var löng og erfið hjá félögunum þremur. Litli fuglinn varð rosa hræddur þegar lítill hreysiköttur bankaði uppá tjaldinu þeirra. Hreysikötturinn var villtur og vantaði leiðbeiningar. Herra Kartöflumaður gat hjálpað honum og því næst fór hreysikötturinn sínar eigin leiðir. Herra Kartöflumaður eldaði fyrir hópinn, því eins og allir vita kunna fuglar og mýs ekki að fara með eld. Hann grillaði silung yfir eldinum og allir borðuðu hann með bestu lyst. Seinna um kvöldið tók að dimma og vindurinn lét til sín taka. Þybbna músin gat ekki sofnað og neyddist herra Kartöflumaður að syngja hana í svefn en litli fuglinn var rosa duglegur og gat sofnað alveg sjálfur. Seinn og síðan meir sofnuðu allir en fyrir utan tjaldið var margt að gerast. Tveir ræningjar og einn hundur voru e-ð að snuðra fyrir utan tjaldið. Þeir voru einnig á leið til bæjarstjóranns og bæjarstjórafrúarinnar en ekki til þess að gefa þeim gjafir, heldur ætluðu þeir að ræna húsið og skilja hundgreyjið eftir hjá þeim. Músin rumskaði og heyrði e-a vera að tala saman um hið fullkomna rán en hún var rosa sybbin og fór aftur að sofa.
Daginn eftir vöknuðu vinirnir þrír og tóku saman föggur sínar og héldu af stað. Ræningjarnir voru þá á bak og burt. Litla og þybbna músin mundi eftir draumnum sínum og sagði hinum frá en fuglinn og herra Kartöflumaður hlóu að henni. Músin varð leið, en ein og allir vita geta mýs sem búa í Glaðabæ ekki verið í fýlu meira en 5 min. í senn svo að hún tók gleði sína aftur á ný, eins og hendi væri veifað. Nú var ekki nema dagsleið að áfangastaðnum og tóku því vinirnir á sprett, rétt eins og lagleg hross. En eins og glöggir lesendur hafa tekið eftir var litla músin þybbin, en þybbin þýðir það sama og feitur. Hún gat því ekki tekið á sprett eins og laglegt hross. Herra Kartöflumaður og fuglinn urðu því að hægja á sér og þótti þeim það mjög leitt. Þeir sem eru kunnugir í landafræði vita að Fljótið mikla rennur í gegnum skóginn. Herra Kartöflumaður, litli fuglinn og þybbna músin komu að fljótinu, en það sem verra var að ´þybbna músin var búin að týna tréflautunni sinni. Hvað áttu þau til bragðs að taka?

1.
2.
3.