Svári...og þú skilur ekki

Daginn daginn

Jújú...skemmtileg helgi og allt það. Vísindaferðin á föstudeginum í Marel var skemmtileg þó svo að bjórinn hefði klárast tiltölulega snemma. Því næst ruddumst við inn til Ólafar, þar systir hennar var með matarboð. Matargestir ,sem reyndust allir vera stelpur, glöddust víst mikið yfir því að fá okkur háskólagaurana í húsið og leyndu ekki gleði sinni.
Ég var þó áminntur oftar en tvisvar og miklu oftar en þrisvar í þessu partýi. Ég er góður í að blanda geði við annað fólk, og þegar maður er í mikilli mannmergð þá er um að gera að blanda sem mestu geði og tala við sem flesta. Ég fór að tala við einn matargestanna og komst að mörgu. Stelpan er á eðlisfræðideild II, eins og ég fyrir tveimur árum, hún vinnur í Kauphöll Íslands, sem mér finnst gífurlega töff, henni finnst Davíð Þorsteinsson skemmtilegur, eins og mér..svona get ég haldið áfram fram eftir kvöldi, sem sagt mjög margt sem hægt var að tala um.
En alltaf var verið að hvísla þvi´að mér...hún á kærasta, Hún Á Kærasta, HúN á KæRaStA... og svo var þetta gengið svo langt að takmark kvöldsins var orðið það að kljúfa okkur í sundur.

Auðvitað geri ég mér fulla grein fyrir því að hún hefur verið með einhverjum gaur í 2 ár og ekki ætla ég að fara að skemma það, ég var bara að tala við hana því mér fannst það mjög svo skemmtilegt og henni fannst það líka. Mér finnst það ekki góð þróun ef fólk getur ekki átt samskipti án þess að aðrir séu farnir að draga ályktanir og ímynda sér e-ð bull, e'ða kannski er ég bara með svona stimpil á mér...er það kannski bara svarið?

Annars skemmti´ég mér mjög vel og vona að alir séu glaðir.

kv. Sv