Veldu þér tölu:

Fjötur

Henrik
Þingeyingurinn
Þóra Elísabet
(Arngunnur
Bessi
Edda og Egill
Jón Emil
Kristján
Söllenbergers)

Kátir piltar
Mottumaðurinn
Walrus

Gamalt og gott

janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
febrúar 2009
mars 2009
apríl 2009
maí 2009
júní 2009
júlí 2009
ágúst 2009
september 2009
október 2009
nóvember 2009
desember 2009
janúar 2010
febrúar 2010
mars 2010
apríl 2010
maí 2010
júní 2010
júlí 2010
ágúst 2010
september 2010
október 2010
nóvember 2010
desember 2010
janúar 2011
febrúar 2011
mars 2011
apríl 2011
maí 2011
júní 2011
júlí 2011
ágúst 2011
september 2011
desember 2011



27 febrúar 2006

Kaldhæðnislegt?

Ef norskan mín er ekki að klikka þýðir Det Betales það borgar sig. Er þetta kaldhæðnislegt eða er tungumálakunnátta mín kaldhæðin?


Þetta var skrifað kl. 22:41 |

=================



Tæbreiker

Flokkur: Tónlistarmyndbönd.

1. Í hvers konar vistarverum er myndband við lagið Burn Baby Burn (Ash) upp tekið?
2. Bob Dylan, George Harrison og fleiri eru að djamma í lest á hreyfingu í tónlistarmyndbandi nokkru. Hvaða hljómsveit á myndbandið?
3. Don't Phunk With My Heart er góð skemmtun. Einn í myndbandinu beitir lúabrögðum til að knýja fram sigur í þeirri keppni sem þar fer fram. Hvaða lúabrögð eru þetta?


Þetta var skrifað kl. 09:43 |

=================

25 febrúar 2006

Myndir

Ég ætla mér að fara á stúfana með myndavél og taka betri og nýrri myndir af nýju spöðunum en þetta er alla vegana staðfest. Hnignun Ásgeirs Birkissonar er staðfest.

Vitabarinn vondur er
og vont er þar að snæða.
Jukkerí og júlluger,
það er ég sem þarf að blæða.


Þetta var skrifað kl. 12:12 |

=================

24 febrúar 2006


































-Ræðu, Andhverfu-Hlynur, ræðu!

-Já, ég var nú ekki búinn að undirbúa neitt. Ég vil bara þakka öllum andhverfanlegum (ekki það að það skipti mig máli) sem lögðu hönd á plóg og gerðu þennan draum að veruleika. Bara, ekki hætta að hlusta á eðlisfræðinema og andhverfið öllu!

-Veeeeiii!

Ritstjórn Svára fríar sig ábyrgð á svona persónuárásaskrifum. Skoðanir vefmiðilsins endurspegla ekki skoðanir okkar.


Þetta var skrifað kl. 11:36 |

=================

23 febrúar 2006

Fræðsluhorn Kára

Ég hef bara tíma fyrir litla íslenzkupunkta, ég er að fara að tippa.


Skúr í merkingunni ,regndemba' er oft karlkynsorð fyrir norðan.

Sykur er stundum hvorugkynsorð á norðanverðu Vesturlandi.

,,Ég hangdi bara í búðinni í gær" og ,,Já, þú hefur löngum hangt þar" þykja eðlilegar setningar á Norðurlandi.

Fólk á Suðausturlandi lengja sig og segja ,hérnana' og ,þarnana'.

,Grjúpán' og ,sperðill' eru algeng orð yfir bjúga. Og til eru margir sem myndu undrast það að ég vekti máls á því.

,Púki' getur þýtt stálpaður krakki á Norðurlandi.

Fressið að sunnan hitti högna að norðan og stegg frá Vestfjörðum. Og eins og þeirra er von og vísa fóru þeir að tala um læður og bleyður.

,,Ég er að flýta mín! Á ég að keyra þér eða ekki!", sagði maðurinn sem var ættaður bæði að norðan og austan. ,,Í bíl með þér? Nei, ég þori því ekki", sagði Vestfirðingurinn.


Íslenzkan, sko.


Þetta var skrifað kl. 13:11 |

=================



,,Rétt skref fyrir mína framtíð", segir Bjarni Guðjónsson

Fótbolti, fótbolti, handbolti. Síðasta vika hefur verið dálítið erfið fyrir fótboltann. Fótleggur Alan Smith brotnaði illa um daginn og Francesco Totti spilaði fyrir áhorfendur og sneri ökklanum í hring við mikinn fögnuð. Momo Sissoko fékk spark með ilinni í hausinn og hlaut sár á augað. Nú sér hann voða lítið. Svo er auðvitað alltaf erfitt að horfa upp á Liverpool tapa. Og síðan var það dómarinn sem rak Del Horno út af í leik Chelsea og Barcelona í gær. Þetta brot minnti á stympingar í íþróttasal Háskóla Íslands á laugardögum og allir sem þekkja til og sáu brotið vita að rautt spjald mjög fáránlegt. Gott að Chelsea er liðið sem ég á einna auðveldast með að vorkenna ekki.
Á meðan við bíðum eftir úrslitum úr XFM-verðlaununum ætla ég að henda inn smá spurningum.

1. Hver vill geta stundað sína kókaínneyzlu í friði frá myndavélasímum?
2. Hvaða hljómsveit leikur Ankle Blues?
3. Hvaða lag sungu kátir áhorfendur á leik Liverpool og Manchester rétt eftir að Alan Smith brotnaði?


Þetta var skrifað kl. 09:48 |

=================

21 febrúar 2006

Fræðsluhorn Kára
Big booty, big booty, big booty...

Ég tel að á Íslandi fyrirfinnist urmullinn allur af áhugamönnum um mállýzkur. Ég er einn af þeim, en ég hef aldrei nennt að læra almennilega hvaða máleinkenni tíðkast hvar, eins og það væri nú auðvelt að læra það í eitt skipti fyrir öll, og muna! Þess vegna ætla ég að læra það hér og nú í beinni útsendingu, og þið megið vera með (fín komma?).

Harðmæli
Sveitalubbar: Tapa, loka, lækir.
Reykvíkingar: Taba, loga, lægir.
Sveitalubbar þessir búa allt frá Héraðsvötnum í Skagafirði og austur í Suður-Múlasýslu.

Raddaður framburður
Sveitalubbar: Stampur, stúlka (raddað m og l).
Reykvíkingar: Stampur, stúlka (óraddað m og l).
Sveitalubbar þessir búa í Eyjafirði og Þingeyjarsýslum.

ngl-framburður
Sveitalubbar: Kringlan, tunglið (loka géinu).
Reykvíkingar: Kringlan, tunglið (bera einungis fram uppgómmælt nefhljóð)
Sveitalubbar þessir búa við vestanverðan Eyjafjörð og í grennd.

bð- og gð-framburður
Sveitalubbar: Habði, saggði.
Reykvíkingar: Havði, sagði.
Sveitalubbar þessir búa við Eyjafjörð og í S-Þingeyjarsýslu.

hv-framburður
Dreifarar: Húað, hað eða hvað (þar sem h-ið fær g-hljóðið í ,,sagt" og ú-ið fær ekki eigið atkvæði)
Reykvíkingar: Kvað?
Þessir dreifarar búa í dreifbýlinu í Skaftafellssýslum og Rangárvallasýslu.

Skaftfellskur einhljóðaframburður
Sveitalubbar: Haji, loji.
Reykvíkingar: Hæji, loíji.
Sveitalubbar þessir búa í Skaftafellssýslum.

rn- og rl-framburður
Sveitalubbar: Erna, Erla.
Reykvíkingar: Erdna, Erdla.
Sveitalubbar þessir búa í A-Skaftafellssýslu.

Vestfirzkur einhljóðaframburður
Sveitalubbar ársins: Löng göng fyrir langa Manga.
Reykvíkingar: Laung gaung fyrir lánga Mánga.
Sveitalubbar þessir búa á gettu þrisvar!

Önnur mállýzkueinkenni þykja mér ekki eins merkileg og þau er þegar hafa upp verið talin. En við sjáum að Skaftfellingar og Þingeyingar eru duglegastir við að breyta út af norminu (þótt það sé oftast réttara að segja að allir hinir hafi breytt) og það er ein af ástæðum þess að ég er stoltur Þingeyingur.


Ég kveð á þjóðlegu nótunum með þessum fyrriparti og mjög mikilvægum tónlistarspurningum.

1. Ég ætla að breyta út af vananum og leyfa áhugasömum að spá fyrir um úrslit, sem enn hafa ekki verið kunngjörð, í Tónlistarverðlaunum XFM. Það sem er öðruvísi er að þú mátt endilega gizka á það sama og einhver annar hefur áður gert og þú mátt spá í öll úrslit, þ.e. hin margumtalaða n-regla gildir ekki hér. Jæja, hverjir vinna:
a) Verðlaun fyrir plötu ársins?
b) Verðlaun sem nýliðar ársins?
c) Verðlaun fyrir lag ársins?
d) Verðlaun fyrir að vera tónleikaband ársins?
e) Verðlaun fyrir að vera bjartasta vonin?

Botnið þetta:

Á Íslandi er öllum tamt
að elska drykkinn góða
...



Þetta var skrifað kl. 15:17 |

=================

18 febrúar 2006
Þetta var skrifað kl. 21:10 |

=================

17 febrúar 2006

Kærasta

Ég á kærustu sem heitir Edda. Hún er æði.

En í dag var mér brugðið. Ég fann í rúminu hennar kvenmannsnærbuxur. Og þær voru ekki mínar!

Vafasamt.


Þetta var skrifað kl. 16:25 |

=================

16 febrúar 2006

Viðbjóður








Þetta var skrifað kl. 21:30 |

=================

15 febrúar 2006

Valentínusardagur liðinn

14. febrúar ár hvert taka þeir sem ekki hafa efni á blómum upp kúlupennann, dusta rykið af honum og semja ljóð. Því er algert klúður að ég hafi ekki komið með fyrri part í gær. Ég geri það bara núna og vona að menn séu enn í rómantísku stuði.

Rósablöð og rómantík
róa mig jafnan niður.



Ég biðst afsökunar á því að gera mikið úr þessum katólska/ameríska degi.


Þetta var skrifað kl. 09:23 |

=================

14 febrúar 2006

Það fá ekki allir svona póst...



Hæ Sveinn Friðrik Gunnlaugsson!



Takk fyrir að skrá þig á Orkubók Latabæjar!



Kveðja,

Íþróttaálfurinn


Æðislegt!


Þetta var skrifað kl. 14:27 |

=================



Valentínusardagur

Eins og allir vita er valentínusardagur einn elzti hátíðisdagur Íslands og þó víðar væri leitað. En hver var þessi Valentínus? Margir telja að Valentínus hafi verið Íslendingur, svo rótgróin er hátíð hans á landinu, en svo er ekki.

Kannski var hann prestur í Róm sem var uppi á tímum Kládíusar II.
Kládíus fékk þá flugu í höfuðið að einhleypir menn væru betri hermenn en þeir sem áttu kvensu. Þess vegna bannaði hann allar frekari giftingar í landinu. Valentínus var alls ekki sáttur við að vegið væri svona að ástinni og hélt áfram að gifta ung og ástfangin pör á laun. Þegar valdamenn komust að þessu tóku þeir hann auðvitað af lífi.

Kannski var hann fangi.
Valentínus var fangi sem beið dauðans. Dóttir fangavarðarins var yngismær sem heimsótti hann oft og felldu þau hugi saman. Áður en Valentínus var tekinn af lífi sendi hann ástkonu sinni bréf þar sem hann játaði eldheita ást sína á henni. Þaðan kemur bréfahefðin sem hefur varla farið fram hjá neinum Íslendingi.

botnið
1. Oh my darling, oh my darling, oh my darling...
2. Oh darling, please believe me...
3. You make me feel like a natural...


Þetta var skrifað kl. 11:32 |

=================

09 febrúar 2006

Þeir sem hafa tök á því að hlusta á Fat City Strull með Mandrill, geri það

Ég er nemandi í Háskóla Íslands. Ég er í námskeiðum sem heita Inngangur að líkinda- og tölfræði, Málnotkun, Mengi og firðrúm & Rökfræði og gagnrýnin hugsun. Mér finnst skemmtilegt í öllum þessum fögum sem setur mig í bobba. Í dag fór ég í iLT og íslenzku, og það var gaman.

Það hefur svo mikið gerzt í íslenzku máli síðustu vikurnar að við höfum ekkert komizt í efnið. Um daginn var haldin ráðstefna áhugamanna um íslenzkt mál og þar var íslenzkri tungu spáð öllu illu en núna er verið að gefa út skýrslu sem einhver viðskiptanefnd gerði undir forystu rektors HR að ég held. Hún er algert flipp, leggur til að byrjað verði á enskukennslu strax í fyrsta eða öðrum bekk og að bækur á ensku skyldu notaðar í einhverjum greinum í grunnskóla auk þess sem mjög jákvætt væri að sum fög skyldu einfaldlega kennd á ensku og þá opnast möguleiki á því að ráða erlenda kennara sem augljóslega eykur á víðsýni í skólakerfinu. Málið leyst!

Hvaða rugl?!

Svo er þessi skýrsla svo skrítin að hún fer líka mjög fögrum orðum um að einnig þurfi að varðveita íslenzka tungu.

Þetta kallast að reyna að fá bæði haldið og sleppt. Pereat.

Eftir íslenzkutíma fóru tvær skólasystur mínar að tala saman. Stelpa A þeirra var í fjárhagskröggum af því að svo mikil útgjöld hlytust af kettinum hennar. Stelpa B var mjög hissa á þessu svo og ég en það sem kom mjög flatt upp á mig voru orð hennar um þetta mál: "I say you shouldn't have a cat."! Í málnotkunartíma.

Ég hef áhuga á því að efla og varðveita íslenzka tungu auk þess að tala hana fallega sjálfur. Þess vegna er ég skráður í þetta námskeið. En þessi? Þessi hefur örugglega brennandi áhuga á bókmenntum eða almennum málvísindum og er að drepast úr leiðindum í þessum tíma en verður að taka hann til að klára.

En ég fékk þrjá fyrir fyrsta heimaverkefni mitt í þessum kúrsi. Ég vil þakka öllum þeim sem hjálpuðu mér við það.

1. Með hvaða lagi sló Avril Lavigne í gegn?
2. Hvert er millinafn Paul McCartney?
3. Fyrir hvað er Pete Best þekktastur?


Þetta var skrifað kl. 15:42 |

=================

07 febrúar 2006

KosningaRöskva og kosningaVaka,
kosningaHáskólalisti...


Þetta var skrifað kl. 15:51 |

=================

04 febrúar 2006

Vísbendingaspurning

Ég er að rifna úr stolti yfir því að hafa haft svo djúpa mynd að þið náðuð ekki réttu svari í vísbendingaspurningu. En ágizkanir voru sannarlega skemmtilegar.

XXX Rottweiler-hundar (Tenging: Vin Diesel lék xXx í samnefdri kvikmynd).
Quarashi (Tenging: Vin lék í 2 Fast 2 Furious og Quarashi átti þar lag).
Muse (Tenging óskast).
Right Said Fred (Tenging: Vin er líkur meðlimum sveitarinnar í útliti).
Pacifier (Vin lék í samnefndri mynd).

En þá skulum við demba okkur í aðra vísbendingu. Tvö stig.

Sveitin er brezk og er starfandi í dag. Hún hefur gefið út helvíti mikið af diskum en annar diskurinn þeirra er mjög skemmtilegur (og ég er ekki frá því að hann hafi tilfinningalegt gildi fyrir einn lesanda síðunnar). Flestir þekkja aðeins tvo í sveitinni, gítarleikara og söngvara, enda auðveldara að muna nöfn þeirra en flestra annarra tveggja manna. Annars byrjar heiti annarrar plötu þeirra á tákninu ,,(".


Þetta var skrifað kl. 20:44 |

=================

03 febrúar 2006

Vísbendingaspurning

Hver er hljómsveitin?

Þrjú stig fyrir rétt svar í fyrstu ágizkun. Hér er vísbendingin.




Þetta var skrifað kl. 11:19 |

=================