Veldu þér tölu:

Fjötur

Henrik
Þingeyingurinn
Þóra Elísabet
(Arngunnur
Bessi
Edda og Egill
Jón Emil
Kristján
Söllenbergers)

Kátir piltar
Mottumaðurinn
Walrus

Gamalt og gott

janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
febrúar 2009
mars 2009
apríl 2009
maí 2009
júní 2009
júlí 2009
ágúst 2009
september 2009
október 2009
nóvember 2009
desember 2009
janúar 2010
febrúar 2010
mars 2010
apríl 2010
maí 2010
júní 2010
júlí 2010
ágúst 2010
september 2010
október 2010
nóvember 2010
desember 2010
janúar 2011
febrúar 2011
mars 2011
apríl 2011
maí 2011
júní 2011
júlí 2011
ágúst 2011
september 2011
desember 2011



31 ágúst 2006

Árétting á umferðarlögum

Hjólreiðamenn mega ráða því hvort þeir hlíti lögum um gangandi vegfarendur eða farartæki á götum úti.

Ég er hjólreiðamaður og kýs að hjóla á gangstéttum, enda minni truflun fyrir vini mína á bílunum. Sumir bifreiðaökumenn er þó ekki vinir mínir.

Þegar þú ert við umferðarljós og ætlar að beygja til vinstri verðurðu fyrst og fremst að bíða eftir því að grænt ljós lýsi á þig. Ef það er grænt ljós máttu fara af stað ef allar aðstæður eru til þess. Helztu reglur um það eru eftirfarandi:

i) Bílar sem koma á móti þér og ætla að beygja til hægri eiga að fara á undan þér.
ii) Þú átt líka að bíða eftir bílunum ef þeir fara beint áfram.
iii) Oft þegar það er grænt ljós hjá þér er líka grænn kall fyrir gangandi vegfarendur sem eru í samsíða stefnu og þá áður en þú leggur af stað. Þú átt að bíða ef einhver er á leiðinni yfir götuna.

Hafa skal í huga að ef þú þekkir ekki reglurnar og fólk sem hefur rétt fram yfir þig nýtir þann rétt áttu ekki að flauta frekjulega. Jafnvel þótt þú sért með Fram-búning hangandi úr baksýnisspeglinum. Þú átt að gera þér grein fyrir að þú ert fávís. Hálfviti.


Þetta var skrifað kl. 20:53 |

=================



Haltu mér, slepptu mér

SkjárEinn hefur verið iðinn við kolann. Eitt af því sem hann er iðinn við er að sýna myndbönd, sömu tónlistarmyndböndin aftur og aftur, að því er virðist, því minni vinsældum sem lögin hafa að fagna, því betra.

Eitt téðra laga heitir Ten Speed og er með hljómsveitinni Coheed And Cambria. Í hvert sinn sem ég sé myndbandið í sjónvarpinu fer hrollur um mig. Ætli þetta sé ekki hinn margumtalaði kjánahrollur sem hefur aukið vinsældir sínar jafnmikið og heitar lummur hafa dalað í vinsældum síðustu árin. Ég held að lagið sé um reiðhjólið þeirra. Eins kjánalegt og það er er það ekki orsök hrollsins vonda. Allt annað en það.

Lagið er flatt og leiðinlegt. Þeir halda líklega að þeir leiki þungarokk. Það er kjánalega flatt.

Söngvarinn er með þykkan svartan lubba. Ef ofurstigullinn Baldur væri kominn með svona lubba væri hann löngu búinn að klippa sig. Hann er kjánalega þykkur.

Hann er búinn að lita lubban hvítan hvorum megin andlitsins. Það er kjánalegt.

Kraftmikil vifta er í gangi allan tímann. Hún sést ekki en lubbi söngvarans er til marks um þetta. Það koma ekki fallegar bylgjur í lubbann heldur klessist hann upp við haus og andlit aumingja mannsins. Kjánalegt er ekki nógu sterkt orð.

Tveir hljómsveitameðlimir eru svo venjulegir að það er engu lagi líkt. Að þeir geti verið vinir söngvarans er bara ekki trúlegt. Kjánalegt.

Ég á erfitt með að slíta mig frá skjánum þegar lagið kemur. Ég er kjáni.


Þetta var skrifað kl. 14:38 |

=================

30 ágúst 2006

ÍBV, eru þeir ekki að fara niður í svaðið. Flest rauð spjöld, fæstir áhorfendur, fæst M í Mogganum, fæst stig.

Mér dettur fátt í hug að segja.

Hvað er betra en að fara í heitan pott? Viltu að ég svari eða?

Þessi færsla fer að minna á... nei, hún minnir ekki á neitt.

Við verðum fyrst að gera leyniþjónustu á Íslandi áður en við stofnum mafíu.


Þetta var skrifað kl. 15:51 |

=================

26 ágúst 2006

Fyrir utan fjórðungsmörk

7.31 -> 7.26


Þetta var skrifað kl. 01:07 |

=================

22 ágúst 2006

Taka út athugasemdaívilnun?

Hvað finnst ykkur?


Þetta var skrifað kl. 21:34 |

=================



Spreða í Pólverja?

Ég veit ekki af hverju en mér finnst eitthvað fyndið við að tvíburabræður gegni embættum forseta og forsætisráðherra Póllands.


Þetta var skrifað kl. 19:43 |

=================



Köntrí

Þegar ég er í stuði breyti ég hlutum í Blaðinu eftir eigin geðþótta þótt allt sé satt og rétt sem stendur fyrir. Ég á það til dæmis til að breyta kántrí í köntrí eingöngu vegna þess að það er svo fyndið og skemmtilegt.

Svo viriðist sem það hafi slegið í gegn því á morgun mun birtast grein þar sem orðið ,köntrí' kemur tvisvar fyrir og ekki að mínu undirlagi. Köntríið á sigurinn vísan enda miklu skemmtilegra orð. Húrra fyrir köntrí!


Þetta var skrifað kl. 17:09 |

=================

21 ágúst 2006

Trúlegt

Ég notaði orð í dag. Og orðið var trúlegt.

Aumingja trúlegt, það þýðir alltaf allt annað en því var upphaflega ætlað.

A: -Ég fór á sjóræningjamyndina í gær
B: -Nú, og hvernig var?
A: -Hún var mjög skemmtileg, Johnny var æðislegur sem Jack.
B: -Það er trúlegt.

Einhvern veginn fær maður það á tilfinninguna að B sé lítill aðdáandi verka Johnnys Depps.

Ég hvet fólk til að fara að nota trúlegt í upphaflegum skilningi. Ætlið þið að gera það? Í alvöru? Það er svona mátulega trúlegt.


Þetta var skrifað kl. 14:30 |

=================

20 ágúst 2006

Vantar ykkur nafn á fótboltalið? Þessi eru ekki í notkun þessa dagana:

Fluþþluþþ
Sonur minn, Sinfjötli
Bessi
Flækingskisuklappararnir


Þetta var skrifað kl. 19:21 |

=================

17 ágúst 2006

Leiðindagaur

Það er aumur stráklingur í vinnunni minni sem segir fátt og gerir ekki annað en að leiðrétta fólk. Ekki furða að hann á fáa vini á vinnustaðnum.


Þetta var skrifað kl. 15:41 |

=================

11 ágúst 2006

Jafnlyndi

Þeir eru mjög sniðugir, nammisjálfsalarnir þar sem svona gormur snýst og stanzar á meðan kaupandinn bíður í ofvæni eftir því að nammið detti. En það er bara happa glappa hvort það gerist yfirleitt. Ég setti pening í svona sjálfsala áðan.

Eftir að hafa ekki fengið drauminn minn sýndi ég enn og aftur jafnlyndi mitt í verki.


Þetta var skrifað kl. 20:42 |

=================



Hvað eru mörg err í því?

Rómverskir riddarar réðust inn í Rómaborg, rændu þar og rupluðu radísum og rófum.


Þetta var skrifað kl. 12:28 |

=================

10 ágúst 2006

Mótorhjólamaður

Mótorhjó
lamaður

Tilviljun?


Þetta var skrifað kl. 12:52 |

=================

09 ágúst 2006

Chippendales

Á laugardagskvöldið var ball með Stuðmönnum í Fjölskyldu- og húsdýragarðinum. Ég vildi ekki fara af mörgum ástæðum. Fyrst og fremst eiga Stuðmenn álíka veglegt safn af óhemju leiðinlegum lögum og af skemmtilegum Stuð-lögum. Að skrifa um þetta og reyna að halda huganum frá téðum lögum gefur mér óútskýranlegan hroll. Önnur ástæða þess að ég fór ekki er stemmningin sem ég var viss um að myndaðist. Fjölskyldufólk, sem hefði endilega viljað fara á útihátíð en gat það ekki, reynir að bæta upp fyrir glataða helgi, svo ekki sé minnzt á öll glötuðu árin þar á undan. Sumir mega vera fullir og syngja hástöfum eftir því, aðrir geta ekki verið fullir en bæta upp fyrir það með því að syngja hástöfum ,,mikið líturðu vel út beibí", grípa í konuna sína og horfa sljóum augum á hana. Þessa stemmingu vil ég fyrir alla muni forðast.

Ég var að ýkja þegar ég sagði ,,fyrir alla muni". Það er einn munur: Ef valið stæði á milli þess að upplifa fyrrnefnda stemmingu og að fara á Chippendales-sýningu væri valið auðvelt. Sjálfumglaðir, vaxaðir gaurar, klæddir litlu öðru en flibbahnappi (úff, ég vona að Gunna' á nýju skónum-pabbinn hafi verið í einhverju öðru) að dansa samhæfða dansa. Auglýsingin er nógu slæm. Flokkur fullkomnustu karlmanna heims með aðeins eitt í huga, algera dýrkun kvenmannsins. Svona minnir mig að hún hljómi. Hjálp, Stuðmenn, bjargið mér!

En auðvitað geri ég það sem er vinsælt þegar svona ber undir, snúa þessu við. Þið sáuð þetta fyrir en ég bara verð.

Flokkur fullkomnustu kvenmanna heims (í þessu tilfelli, eins og hinum megin, er verið að meina stereótýpeseraðasta og amerískasta fólk heims) dansar samhæfða dansa til að gera fjölskyldufeður landsins óða!

Já, ég fordæmi Chippendales og skammast mín fyrir þjóð mína ef það selst upp á þennan viðbjóð.


Þetta var skrifað kl. 14:26 |

=================

08 ágúst 2006

Orðtök

Mér finnst málvillur skemmtilegar. Ég er þakklátur fyrir það að eiga frænda sem er svo sterkur íslenzkumaður að húmor hans er stundum bara á þá leið að hann hendir málvillu inn í tal sitt.

En hvað sem því líður er engum hnöppum um það að hneppa að skárra er að sleppa orðatiltækjum heldur en að nota þau rangt.


Þetta var skrifað kl. 14:32 |

=================

03 ágúst 2006

Rás 2 færir þér fréttir af öllum útihátíðum um helgina.

Mér finnst þetta ljót auglýsing.

Er ég einn um að finnast útihátíð vera ljótt orð?

Er ekki viðeigandi að hrópa ,,Útihátíðarhátíð!" þegar maður rekur sköflunginn í?

Oj barasta, það verður langt þangað til ég fer á svoleiðis aftur.

Það var reyndar mjög gaman síðast, 1998.



Þetta var skrifað kl. 00:23 |

=================