Veldu þér tölu:

Fjötur

Henrik
Þingeyingurinn
Þóra Elísabet
(Arngunnur
Bessi
Edda og Egill
Jón Emil
Kristján
Söllenbergers)

Kátir piltar
Mottumaðurinn
Walrus

Gamalt og gott

janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
febrúar 2009
mars 2009
apríl 2009
maí 2009
júní 2009
júlí 2009
ágúst 2009
september 2009
október 2009
nóvember 2009
desember 2009
janúar 2010
febrúar 2010
mars 2010
apríl 2010
maí 2010
júní 2010
júlí 2010
ágúst 2010
september 2010
október 2010
nóvember 2010
desember 2010
janúar 2011
febrúar 2011
mars 2011
apríl 2011
maí 2011
júní 2011
júlí 2011
ágúst 2011
september 2011
desember 2011



31 október 2006

,,Jæja, þetta verður ekki verra en þetta" hugsaði hann og í þann mund bankaði Yoko Ono létt í öxlina á honum.


Þetta var skrifað kl. 09:00 |

=================

30 október 2006

Undirmaðurinn gekk út úr geimskipinu og við honum blasti hlíð full af þybbnum stelpum í skærappelsínugulum regnbuxum.

Öll þessi ár sem fóru í rannsóknir, öll þessi ár sem fóru í smíði, öll þessi ár sem fóru í ferðina sjálfa og hvert var hann kominn? Á útihátíð.


Þetta var skrifað kl. 15:30 |

=================

29 október 2006

Nýyrði

Ég var að skrifa nokkur orð um daginn. Svo vildi ég skrifa orðið besserwisser. Þar eð ég aðhyllist hreintungustefnunni meira en ekki vildi ég alls ekki skrifa þetta orð. Þá lagði ég höfuðið í bleyti og endaði á því að skrifa vitbetrungur. Svo var ég að lesa Fréttablaðið í dag og þar lenti einn greinaþýðandinn í einmitt þessu sama. Hann skrifaði aftur á móti beturvitungur.

Hvort er betra?

Vitbetrungur gegn beturvitungi.

Kannski er ég bara svona dísætur en mér finnst sætar stelpur í sætum kjólum og pilsum sætar.


Þetta var skrifað kl. 15:00 |

=================

25 október 2006

Vincent

Um daginn var ég að raka mig með sköfu. Ég var eitthvað æstur og það hafði þær afleiðingar að fyrsta strokan varð að láréttri stroku í hægra eyrað. Þeir sem hafa kynnt sér eðlisfræði slíkra skafna skilja að það var ekki þægilegt.

Kannski var Van Gogh bara svona ótrúlega æstur á sínum tíma. Kannski ætlaði hann að raka sig í fyrsta sinn í langan tíma, hefur á endanum ákveðið að halda skegginu, fannst hann vera búinn að losa sig við nóg þann daginn.


Þetta var skrifað kl. 14:14 |

=================



SMS

Midasalan á
BASSHUNTER i fullum
gangi i Skor.is!
Srádu tig i FLASS
klubbinn og fádu midann
á 2000
---
Skrifstofan í vasanum.
Kynntu tér málid á
siminn.is


Hvað eru þessir menn að hugsa? Heyrðu, hver ætli hafi áhuga á svona rusli, sendum Kára sms-ið, gáum hvað gerist?

Miðasala? Leiðinlegt.
Basshunter? Sænskur, en viðbjóður.
Skor.is? Rusl.
FLASS? Óvinir mínir, urr.
FLASS klúbbur? Eitt það kjánalegasta sem ég hef heyrt um auk þess sem það er í tveim orðum.
2000? So six years ago.

Au revoir!


Þetta var skrifað kl. 12:29 |

=================

24 október 2006

Cello
83%
Tuba
83%
Bassoon
75%
French Horn
75%
trombone
67%
Flute
58%
Violin
50%
String Bass
42%
Oboe
33%
Trumpet
33%
Viola
17%
Clarinet
17%
Percussion
8%

Hér að ofan eru niðurstöður úr dægradvöl sem heitir því óhemju ljóta nafni persónuleikapróf. Niðurstöðurnar eru fyrir mig þegar ég tók það í febrúar. Ég man ekki hvort spurningin var hvaða sinfóníuhljómsveitarhljóðfæri ég væri eða spilaði líklegast á.

Glöggir hafa tekið eftir að það skemmtilega við niðurstöðurnar eru að hljóðfærið sem ég leik á er neðst á listanum.

Takk fyrir.


Þetta var skrifað kl. 20:00 |

=================



Hálsrígur

Síðustu vikur hef ég verið með hálsríg mikinn og þótti mér dularfullt mál hvaðan þessi hálsrígur kom. Þegar ég horfi á Soul Deep kemst ég í svo magnað stuð að það er engu lagi líkt, nema kannski Mr Pitiful með Otis Redding.

---

Þessi færsla hefði getað litið dagsins ljós um það leyti sem Halldór Ásgrímsson lét af embætti, en hún gerði það ekki.

Annars er það af mér að frétta að ég fékk mikinn gleðipóst á netinu í dag. Þannig er mál með vexti að Mtg Approval Center sendi mér póst þess efnis að ég hafi verið pre-qualified! Heppni mín er engu lagi lík, nema kannski Prúðuleikaralaginu. Annars er ég enn að bíða eftir hljómhlöðunni sem ég vann á sama vettvangi í sumar.


Þetta var skrifað kl. 19:30 |

=================



Snótir seytján vetra

,,Ohh, ég fæ svo mikinn varaþurrk af því að vera hérna!"
Hinar voru að sjálfsögðu algerlega sammála.

Hérna = Þjóðarbókhlaðan.


Þetta var skrifað kl. 19:00 |

=================

23 október 2006

Bú!

Nú ætla ég að gera tilraun til að skrifa hér blogg á meðan ég horfi á einn umtalaðasta þátt síðustu vikna, Bú!.

Nei, nú er þátturinn BÚinn og ég náði ekki að skrifa neitt. Það er einmitt það sem er skemmtilegt við smábarnaþáttinn atarna. Hann krefst gagnvirkni og þar með óskiptrar athygli. Ég varð fyrir nokkrum vonbrigðum með lagið sem við sungum saman í lok þáttar en textinn var eitthvað á þessa leið:

Veiztu hvað eða hver þetta er sem birtist hér?

Ágætt svo sem en það vantaði dansinn og almennan hressleika. Veiztu hvað hér vantar? er langtum betra.

Það sem var skemmtilegast við þennan þátt var að þátturinn átti sér stað á búi, hænsnabúi, og þegar Bú var fundinn á búinu var mikið hlegið hér í herberginu.

Einhvern tímann þegar það flæðir ekki yfir mig gæðabarnaefni nota ég alla mína athygli í það að skrifa skemmtilega færslu.

Annars er ég að leita að ritstjórn.


Þetta var skrifað kl. 20:30 |

=================

20 október 2006

ISG

Þegar Ingibjörg Sólrún Gísladóttir var spurð álits á öllum ráðherraskiptunum á þessu kjörtímabili vafðist henni ekki tunga um tönn heldur sagði hún:

,,Dýr er Haf­liði all­ur."

Ég er heldur ekki þekktur fyrir að sitja á skoðunum mínum og svara fullum hálsi.

,,Þér ferst að gelta, Flekkur."

Þessi færsla var í boði Óskiljanlegra vísana hf.


Þetta var skrifað kl. 20:02 |

=================



Grísk nöfn og rómversk

Seifur - Júpíter
Hera - Júnó
Póseidon - Neptúnus
Hades - Plútó
Aþena - Mínerva
Apollo - Apollo
Artemis - Díana
Ares - Mars
Afródíta - Venus
Persefóna - Prosperpína
Demeter - Ceres
Hefaistos - Vúlkan
Níke - Viktoría
Díonýsos - Bakkus
Krónos - Satúrnus
Hestía - Vesta
Úranos - Úranus

Er þetta allt rétt?


Þetta var skrifað kl. 14:31 |

=================

19 október 2006

Undirmaðurinn var orðinn nokkuð stressaður en lét á engu bera:

,,Hvað, það gengur ekkert að æsa sig svona! Mótorolía, matarolía, matarolía, mótorolía. Hver er svo sem munurinn?"


Þetta var skrifað kl. 20:03 |

=================



19. október

Ef einhver er farinn að velta því fyrir sér hvað hann ætlar að gefa mér í jólagjöf, eða hverjum sem er, veit ég um lausn allra vandamála.

Ég væri alla vegana til í nokkra miða á söngleikinn Abbababb í jólagjöf, takk.

Ég hef haft spurnir af því að hann verði frumsýndur í janúar. Hugsið ykkur bara, hetjurnar í Rauðu hauskúpunni taka Stóru strákana í bakaríið á meðan Herra Rokk og Systa sjóræningi standa hjá og passa upp á að allt fari vel fram.

Ný lög! Ástin er rokk og ról, Ástarlag Steindórs og Spákonulagið.

Þá kom önnur jólagjafarhugmynd: Diskurinn með lögum úr söngleiknum. Ef hann verður kominn út.


Þetta var skrifað kl. 14:23 |

=================



Fatðn


Stjóri, þetta er magnað. Þetta var sá þriðji í dag sem hringir og heldur að útlitið skipti ekki öllu máli.

rmíi?


Þetta var skrifað kl. 12:57 |

=================

18 október 2006

"
From : Sjálfstæðisflokkurinn
Sent : Wednesday, October 18, 2006 10:16 AM
Subject : Framboðsfrestur rennur út í dag í SV-kjördæmi kl. 17.00

Athygli er vakin á því að framboðsfrestur vegna prófkjörs í SV-kjördæmi rennur út í dag miðvikudaginn 18. október kl. 17.00.
Stjórn kjördæmisráðsins
"

Ætti maður að skella sér? Ætli það fari ekki bara eftir því hvort fjöldi áskorana ýti mér út í það.


Þetta var skrifað kl. 12:53 |

=================

17 október 2006

,,Ástæðan er einföld.

Mér þykir hún góð.

Svo benda rannsóknir líka til þess að hún sé holl."


Þetta var skrifað kl. 21:03 |

=================



Og við rjúfum þessa útsendingu, okkur var að berast frétt um að Ingibjörg Sólrún Gísladóttir sé algerlega ósammála ríkisstjórninni í aðgerðum vegna... Ha?

Hvílíkt aðhald!


Þetta var skrifað kl. 10:50 |

=================




Þá er veturinn loksins kominn. Skammdegið læðist yfir okkur.

Skammdegi! hættu þessu tísi og skelltu þér bara á.

Fyrr en varir verðum við farin að kveikja á kertum til að gera lífið bærilegra.

Svo koma jólin.

Og einhvern tíma á þessu tímabili verða eins og þrír dagar með snævi þakta grundu.

Ég ætla að nýta þessa daga sem bezt. Hús, virki, karlar, kerlingar, englar, pýramíðar, boltar, kúlur, korn, flyksur, tittlingar.

Ekkert án snjós samt.



Þetta var skrifað kl. 10:24 |

=================

15 október 2006

Kári says:
Bessi, kannast þú við að hafa verið að veita leyfi hægri vinstri í fimmtugsafmæli um helgina?
Bessi says:
nei ég hef engin leyfi gefið út!


Þetta var skrifað kl. 21:28 |

=================






Þetta var skrifað kl. 20:33 |

=================

13 október 2006



Þetta var skrifað kl. 17:40 |

=================



Öfugsnúið

Allt er öfugsnúið. Ég hringdi til að gleðja og gleðjast en einmitt það öfuga gerðist.

Allt er öfugsnúið. Pabbi stal af mér bjór. Hann vill auðvitað borga mér til baka en þetta er mjög öfugsnúið samt sem áður.

Ef allt er öfugsnúið á ég lítinn séns í að vinna nafnasamkeppni nýs félags framhaldsnema í verkfræði.

En hér er póstur sem ég sendi í gær:

Við erum nafnahópurinn Vinir veiðimannsins og við höfum sett saman lista yfir nöfn sem okkur þykir góð fyrir nýja félagið ykkar. Við höfum ákveðið að skipta tillögunum í hópa í aðaltillögur og aukatillögur.

AÐALTILLÖGUR:

Mastadon - Hvað er voldugra en fornfíll?

Karlsson - eftir hinum merka verkfræðingi, Þorbirni Karlssyni, eina manninum sem portrett er af í VR-II.

Meistaraverk - Hlýtur að vinna. Kommon.

Bölverkur - Eitt margra nafna Óðins. Hann bar það þegar hann þóttist vera verkfræðingur.

Páll - Eitt ástkærasta verkfæri Íslendinga í gegnum aldirnar.

Framverk - segir sig sjálft.

Klast - segir sig sjálft.

AUKATILLÖGUR:

FFV - Forysta, framfarir, verkvit!

Númi

Sindri

Kiðlingarnir

Stíflan

Kærleikskappar

Ísvirki

Bára

Vinir verks og vits

Víðar

Bakverkur

Málverk

Hjálmur

Garpur

Desi litli

Depill

Galsi

Gott mál

Verk fyrir brjósti

Svaðilfari

Naglfar

Kraninn

Bjartur

Gúndi

6-tant

Vafningur

Verkþór

Sköp

Brák

Geirfuglinn

Vitverk

Marco Polo

Hlöðver

Skrambinn!

Mási

Rokk fyrir smokk

Haraldur

Ratleiknir

Hreðjar

Snæland

Þorbjörn

Stoð

Stæða

Stykki

Virðingarfyllst,

Kári Sigurðsson, Höskuldur Pétur Halldórsson, Sveinn Friðrik Gunnlaugsson. Stærðfræðinemar.



Þetta var skrifað kl. 10:24 |

=================

12 október 2006

Heyrzt hefur...

...að Jón Baldvin Hannibalsson sé í raun að segja satt um hleranir.
...að Eiður Smári Guðjohnsen hafi sýnt svo slaka frammistöðu í landsleiknum að það ætti að taka hann út úr byrjunarliðinu.
...að Kári Sigurðsson hafi borðað heilt pesto-panini og að ofnæmisviðbrögðin hefðu verið kláðaflekkir út um allan líkamann.
...að of seint sé að mótmæla Kárahnjúkavirkjun.
...að Bjarni Gunnarsson ætli að láta sjá sig hjá Essi á laugardaginn.
...að ,,menntamál eru kosningamál" sé slagorðið sem vakti mesta lukku í meðmælunum í dag.
...að téður Bjarni Gunnarsson sé ekki enskukennari og hafi reyndar aldrei kennt ensku.


Þetta var skrifað kl. 21:22 |

=================

11 október 2006







Menntaskólaárin, úff. Menntaskólaárin voru góð. Verst hvað maður var vitlaus á meðan á þeim stóð. En einhvern tímann þarf maður að vera vitlaus og það er gott að það er ekki núna (stór orð?). En bekkurinn minn, 6. Y, það var sannarlega gáfumannabekkur. Ekki myndi Bjarni konrektor vilja láta bendla sig við bekkinn annars. Góður bekkur, en beztur allra var auðvitað Össur. Hann er fróður mjög og snotur, án yfirlætis og hvers manns hugljúfi. Segi það og skrifa: Hvers manns hugljúfi, hvers manns.

En Össur er einmitt ástæða þess að ég er hér að rifja upp menntaskólaárin. Því á laugardaginn ætlar hann að halda hóf fyrir sexta bekk uj og því ber að fagna. Við grillum og ef við erum enn svöng eftir það er um að gera að skella sér bara á KS!

Ég er bara farinn að hlakka til að hitta þau öll aftur, þ.e. eftir laugardaginn. Við skulum hittast í hressum gír aftur, ekki seinna en í vor. Og eftir það ekki sjaldnar en tvisvar á ári.

Össur, mundu eftir að bjóða Þressi líka. Einhver verður að geta tekið mynd af okkur öllum.


Þetta var skrifað kl. 23:32 |

=================



Hvað hét Halla hrekkjusvín í fyrstu bókinni um Latabæ?


Þetta var skrifað kl. 22:21 |

=================



Svári...og þú lifir á ruslfæði

"Ég gerði eitthvað af mér, já eitthvað gerði ég þér,
ég man bara ekki því miður, hvað það er"

Já, svona hljóðar textinn sem ég er búinn að vera að hlusta á í allan dag. Það hafa eflaust margir hugsað í svipuðum dúr og innihaldið í þessum texta gefur til kynna og hef ég oft lennt í þeirri leiðinlegu, djúpu gryfju.
Lífið er ekki alltaf dans á rósum og oftar en ekki leikur blákaldur raunveruleikinn mann illa, þegar má síst við því. Sigurvilji mannssálarinnar er mjög svo persónubundinn hverjum og einum og eiga menn miserfitt með að ná sér eftir að hafa verið leiknir grátt. Heimurinn er fullur af manneskjum sem munu kannski seint fagna sigri maraþonhlaupi lífsins en taka þó virkan þátt í því engu að síður. Þrátt fyrir mótlæti af alls kyns toga, bugast það ekki og reynir að standa sína pligt sem góðir borgarar.
Já, kæri lesandi...þarna úti er fullt af fólki sem þarf að ganga í gegnum mikið mótlæti á degi hverjum, en samt sem áður kvartar það ekki. Því bið ég þig, kæri lesandi, um að hugsa þig tvisvar um áður en þú ferð að vorkenna sjálfum þér næst. Leggðu þín lóð á vogaskálar réttlætisins!

Sjónvarpsþátturinn þessa stundina er þátturinn Bú! Barnaþáttur á mánudögum, klukkan 18. Þessi þáttur er mjög svo þroskandi og skemmtilegur sem býður upp á svo margt. Aðalpersónan, Bú, á það til að fela sig og eiga börnin oftar en ekki að reyna að finna kallinn. Fleiri persónur koma fyrir í þættinum, urrandi tígrisdýr, hlæjandi önd og fl.
Markmið þáttarins er að auka orðaforða ungra barna og í því samhengi er notuð aðferð sem felst einfaldlega í því að endurtaka orð og orðatiltæki. Í síðasta þætti var fjallað um körfuboltaspilara, þá var körfuboltaleikmanni líst í orðum og myndum og svo að lokum sagði rödd..."stökkvandi leikmaður" þá eiga börnin að endurtaka heima "stökkvandi leikmaður". Ég hef mikið álit á þessari aðferð og hun gleður mig líka óskaplega.

kv.Sv1


Þetta var skrifað kl. 02:40 |

=================

10 október 2006

Spurningar dagsins

Hvort bloggum við oftar eða skiptum um útlit?

Hvað hét hundurinn hans Tinna?

Hvaða York er tvífari Ólafs Teits Guðnasonar?

Hver ritsýrði nýju stafssetningaorðabókinni?

Hvor er betri, hljómsveitin Dr. Dog eða sjónvarpsþátturinn Dr. Dog?


Næsta haust er hugur í mörgum í stærðfræðiskor og eðlisfræðiskor og leggja land undir fót. Menn stefna á Uppsalir, Ósló og auðvitað Kaupmannahöfn. Jújú, maður skilur það vel, ekki vilja þeir missa af íslenzku útrásinni. Ef allt fer á bezta/versta veg verður einn Höskuldur dálítið einsamall haustið 2007. Við verðum að passa okkur á því (við, að því gefnu að ég fari út). Svona viðkvæmur maður eins og Höskuldur þarf aðhald. Ef við veitum ekki þetta aðhald gæti hann orðið að krakka.


Þetta var skrifað kl. 19:48 |

=================



Tengjast líf okkar allra saman?

Já, líf fjölskyldumeðlima.

Já, líf vina og fjölskyldna þeirra.

Já, líf landsmanna.

Líf fólks alls staðar í heiminum? Það er ekki gott að segja en svo virðist sem öllum hér sé sama um sumt fólk. Enda er það langt í burtu.


Þetta var skrifað kl. 19:21 |

=================

09 október 2006

Svári...og þú snýrð aftur!

Sælir, kæru lesendur.
Ekki hefur mikið á daga mína drifið síðan við hittumst síðan. Ég hef mest megnis eytt tímanum í alls konar vitleysu sem ég nenni ekki að fara út í hér, enda leiðinlegt hjal.
Ég tók þá ákvörðun í dag, að koma til baka og hef þar að leiðandi hugsað mikið hvað ég eigi svo að skrifa um. Mig langaði samt að fjalla um ákveðið mál í þessum pistli, efni sem snertir alla.

Enginn tvö snjókorn eru eins, og það sama gildur um okkur mannfólkið.

Kurteisi er erfitt að skilgreina í nokkrum hnitmiðuðum setningum. Lífið er ekki svo einfalt að hægt væri að skilgreina kurteisi í nokkrum línum og byggja svo gildi og viðmið fólks á þessari einu skilgreiningu. Kureisi byggist á mörgum mörgum þáttum og er oft erfitt að vita hvenær hún á við, en "þumalfingursreglan" er sú að ef þú ert í vafa, þá skaltu vera kurteis.

Ég heyrði dæmisögu í dag. Hún byrjaði svona...einn, tveir, þrír, fjórir, fimm, sex, sjö, átta, níu, tíu holdsveikir menn gengu niður götu. Hendur þeirra voru fölar og andlit þrútið, einn, tveir, þrír. fjórir, fimm, sex, sjö, átta, níu, tíu menn gengu niður götu.
Sagan hélt áfram og fjallaði í stuttu máli um 10 holdsveika menn sem báðu Jesú um að lækna sig. Eins og í öllu alvöru dæmisögu þá læknaði Jesú mennina 10 og urðu þeir allir heilir. Svo kom aftur...einn, tveir, þrír, fjorir, fimm, sex, sjö, átta, níu heilbrigðir menn gengu niður götu, sælir og glaðir. Ég áttaði mig strax á að e-ð vantaði og hugsaði með mér, "hver ætli boðskapurinn sé?". Jú, sagan endaði þannig að þessi eini varð eftir og þakkaði Jesú fyrir. Já, hann þakkaði honum fyrir..einfaldur boðskapur ekki satt?
Ég lendi oft í því að verða fyrir ókurteisi. Ég segi nú ekki daglega en allt of oft. Oftar en ekki gerir viðkomandi sér ekki grein fyrir því en ætlar sér alls ekki að vera vondur og ókurteis. Ég get nefnt fullt fullt af dæmum um svoleiðis mál, en ætla ekki að gera það. Eins og Frímann Gunnarsson myndi orða þetta...Kurteisi einkennist af einlægni og fágun, sem menn eiga miserfitt með að tjá.

Jæja nú ætla að ég að fjalla um allt annað...
Skjár einn er sjónvarpsstöð og í dagskrá stöðvarinnar má finna tvo æðislega þætti. Fyrst ber að nefna þáttinn Dýravinir í umsjón Guðrúnar Heimisdóttur betur þekkt sem Gæludýra-Guðrún. Þessir þættir eru á sunnudagskvöldum klukkan 8 og mæli ég með þessu þætti. Hin fagra og frábæra G.Guðrún fjallar um húsdýr á alls konar máta sem skilar sér beint heim í stofu til áhorfenda. Fjölskylduþattur af bestu sort...Tryggð gæði!

Næsti þáttur sem ég vil biðja fólk um að horfa á heitir Sigtið. Þessi þáttur er einn sá besti sem hefur litið dagsins ljós í íslensku sjónvarpi. (Á eftir Spaugstofunni og Fóstbræðrum). Í Sigtinu leitast sjónvarpsmaðurinn Frímann Gunnarsson við að dýpka skilning áhorfenda á lífinu. Markmið hans er, líkt og Opruh Winfrey og Kofi Annan, að gera heiminn að betri stað fyrir mig og þig... og ekki síst sjálfan sig.
Uppáhaldsþatturinn minn var þátturinn sem fjallaði um Kralla trúð og syni hans þrjá. Í þeim þætti lék Halldór Gylfason Kralla trúð, alkóhólista sem var einstæðum þriggja barna faðir leigubílstjori að atvinnu en lék Kralla trúð um helgar.

Sigtið er að hefja sína aðra seríu nú í október, en á fimmtudögum klukkan 21:30 eru gömlu þættirnir endursýndir og hvet ég alla til að horfa!

Vitneskja er öflugt vopn, en til er það fólk sem þetta vopn getur snúist í höndunum á. Þannig að ef þú telur þig hafa vitneskju, farðu þá vel með hana því hún er ekki sjálfsagður hlutur.

kv. Sv


Þetta var skrifað kl. 02:03 |

=================

08 október 2006

Brot úr keðjubréfi

"

því að þú ert byrjuð/aður að lesa þetta þá verðuru kysst/ur næstkomandi föstudag af ástini í lífinu þínu ef þú brýtur ekki keðjuna. þá mun morgundagurinn vera besti dagur lífs þíns . Ef þú sendir þetta ekki til minst 10 manns fyrir miðnætti þá mun kvíla á þér einhver eilifðar bölvun

"


Í alvöru, krakkar. Hvernig finnst ykkur þið þurfa að senda þetta áfram? Ég á í engum vandræðum með að hlæja að hálfvitanum sem bjó bréfið til og henda því síðan.

Það fylgir þeim elífðarbölvun sem tekur keðjubréf alvarlega. Þið eigið eftur að hafa áhyggjur af öllum mögulegum hlutum það sem eftir er.

Heyrzt hefur að Sveinn Friðrik Gunnlaugsson ætli að henda inn færslu klukkan ellefu í kvöld. Það eru enn fjórir tímar í það. Á meðan getið þið hlustað á lög í flutningi mínum og sem ég samdi.

Ódauðlegur. Ég samdi það þegar ég var að klára grunnskólann minnir mig. Upptakan er alla vegana tveggja og hálfs árs gömul.

Hitt lagið heitir Alsjáandi. Það var tekið upp fyrir rúmum tveim árum. Blábyrjunin er stolin af Bjarna O'Hara.

Ég reyndi mikið að koma hlekkjum á þetta hér í færslunni en ég gat það ekki. Lögin eru því hér hægra megin eins og svo margt annað.

Þess má geta að þetta er 49. færslan mín í röð án þess að Svenni geri á milli.


Þetta var skrifað kl. 20:18 |

=================

06 október 2006

Föstudagskvöld

Hver er munurinn á Gamla-Nóa og Voðanum?

Voðinn er ekki guðhræddur.


Þetta var skrifað kl. 15:47 |

=================



Jákvætt

,,I'm sorry, I was thinking about another guy," sagði Violeta Calian, kennari í Inngangi að hagnýttri stærðfræði.

Maður skyldi alltaf vera þakklátur þegar einhver kona, önnur en kærastan þín segir þessi orð. Vegna þess einmitt að það var ekki kærastan þín sem sagði þau.

Samantekt: Ég er glaður yfir því að Violeta Calian er ekki kærastan mín.


Þetta var skrifað kl. 15:47 |

=================

05 október 2006

Frétt

Grein í fréttablaðinu endaði með þeim ósköplegu fréttum að búið væri að setja kvikmyndina Ripley's Believe It Or Not í bið. Er svo að skilja að enginn vilji búa til mynd með þessum geigvænlega titli? Ég skyldi ætla það.


Þetta var skrifað kl. 21:02 |

=================



Hún hefur oft hjálpað við rót
en síðan ég skaut mig í fót.
Sjáðu mig, Lína,
ég ætla að sýna
iðrun og yfirbót.

Lína er ekki skáldsagnapersóna og á sér stoð í raunveruleikanum. Nafnið er upp á rímið.


Þetta var skrifað kl. 20:56 |

=================



Áttatíu dagar til jóla

Fór á KF Nörd - FH í gærkvöldi. Það voru skoruð 16 mörk í leiknum. Það var ágætt. Kannski maður skelli sér á leik í kvennaboltanum næsta sumar.


Þetta var skrifað kl. 12:16 |

=================

04 október 2006

Framtíðin

Ef í framtíðinni einhver vill hrósa mér og segir að ég sé djammari af guðs náð hef ég greinilega farið út af sporinu.


Þetta var skrifað kl. 10:14 |

=================

02 október 2006

Lít ég út fyrir að annast?

Ég hef í dag oftsinnis séð mann í bol með skemmtilegri áletrun. Eins og flestar aðrar skemmtilegar bolaáletranir á landinu var þessi á ensku:

Do I look like I care

Í hvert skipti sem ég sé hann vil ég fara að benda honum á að setningin lítur dálítið asnalega út án spurningarmerkis aftan við. En ég held að honum sé alveg sama.


Þetta var skrifað kl. 15:42 |

=================

01 október 2006

Örsögur

eitt

Feiti strákurinn brást ókvæða við og hrópaði á mjóa strákinn: ,,Heldurðu að ég ætli að labba heim úr Mjóddinni! Ertu hálfviti?"

tvö

Er kominn október? hugsaði hann. Og í þeim hugsuðu orðum sá hann að tánöglin var víst að detta af.

þrjú

Hún þurfti ekki annað en að nefna ástina og hann skildi. Hvernig væri lífið ef hann tryði ekki á ástina? Hann reyndi að setja sig í spor ástleysingja og komst að því, honum til mikillar ánægju, að honum var það ómögulegt.

fjögur

Einu sinni voru karl og kerling í koti sínu. Áttu þau þrjá sonu. Yngsti sonurinn og fagra prinsessan lifðu hamingjusöm til æviloka en ekki fór vel fyrir eldri bræðrunum og vondu stjúpunni. Já, og úlfurinn drukknaði. Köttur úti í mýri, setti upp á sig stýri, úti er ævintýri.

fimm

Árni vildi dansa. Hann skoðaði dansskó í gegnum búðarglugga. Hann sá fram á leiðinlega ævi. Einhvern tímann ætlaði hann að komast undan oki föður síns.

sex

Við bíðum eftir því að eitthvað gerist. Ekki ætlum við að taka frumkvæðið. Ef einhver vill fá okkur heim getur hann gert eitthvað í því sjálfur. Þetta finnst okkur. Ég er ekki viss um að ég sé sama sinnis.

sjö

Þegar ég var lítill dreymdi mig oft um að geta gerzt ósýnilegur. Nú er ég að verða ósýnilegur og mér finnst það ekki gaman.

átta

Hún fann fyrir mikill þörf fyrir að byrja að syngja hástöfum. En hún gerði það ekki. Hann myndi skammast sín.


Þetta var skrifað kl. 16:21 |

=================