Kosningar...NÝ TÍÐINDI!

Ef þið gátuð ekki kosið þá það, en ekki halda að þið getið gefist upp því margt býr í myrkrinu. En já, mál málanna er auðvitað ránið á Bíldudal. Ég veit ekki hvaða persóna getur gert svona lagað. Þið vitið kannski ekki hvað ég er að tala um. Ég er þekktur fyrir að vera svolítið dularfullur. Hef fengið að heyra það frá vinum og stelpu. En já, þannig er mál með vexti að í fyrrakvöld var framið rán í sjoppunni á Bíldudal. Ég nota greini því sjoppan er aðeins ein á staðnum. En allavega, í fyrrakvöld kom eigandi sjoppunnar að opnum dyrum þ.e. um miðja nótt. En nú vaknar upp spurning, hvað var þessi eigandi að gera þarna um miðja nótt. HVer veit, en þetta er mjög dularfullt. Já hann kom að dyrunum opnum og sá að ekki var allt með felldu. Hann gekk inn, framhjá bensínvörunum og leit upp í nammihilluna. Jú, svona er þetta úti álandi sko. Sjoppan ag bensínið er undir sama þaki, og eigandi sjoppunnar því einnig bensínstjóri. Hann gekk inn og leit í nammihilluna og sá að einn af Doritos pokunum vantaði. Jú enn og aftur nota ég greini því sjoppan selur aðeins eina tegund af Doritos, blár sko.
Hann hljóp strax út og hringdi á Lögguna. Jú enn og aftur greinir því auðvitað er bara ein lögga á staðnum. Löggan kom á staðinn og hringdi strax til Reykjavíkur og lét stöðva alla umferð frá Bíldudal um leið. Það varð til þess að mjólkurbíllinn sem átti að fara vestur á firði til bændanna til að sækja mjólk komst hvorki lönd né strönd.
Ekki er vitað til þess að þjófurinn sé fundinn en Sigursteinn Másson og co. eru komnir á staðinn til að taka upp efni fyrir Sönn íslensk sakamál. Vægast sagt mjög dularfullt. Ekki er búið að opna sjoppuna en það stendur til í næstu viku.

Þetta er verk fyrir dularfulla Dúóið eða Harry og Heimi...