Veldu þér tölu:

Fjötur

Henrik
Þingeyingurinn
Þóra Elísabet
(Arngunnur
Bessi
Edda og Egill
Jón Emil
Kristján
Söllenbergers)

Kátir piltar
Mottumaðurinn
Walrus

Gamalt og gott

janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
febrúar 2009
mars 2009
apríl 2009
maí 2009
júní 2009
júlí 2009
ágúst 2009
september 2009
október 2009
nóvember 2009
desember 2009
janúar 2010
febrúar 2010
mars 2010
apríl 2010
maí 2010
júní 2010
júlí 2010
ágúst 2010
september 2010
október 2010
nóvember 2010
desember 2010
janúar 2011
febrúar 2011
mars 2011
apríl 2011
maí 2011
júní 2011
júlí 2011
ágúst 2011
september 2011
desember 2011



31 janúar 2007

Kærasti Brynju Bjarkar sagði og var heppinn að röddin brast ekki:

- Brynja Börk, ég elska þig úti' á lífinu.


Þetta var skrifað kl. 18:34 |

=================

30 janúar 2007

Heimur versnandi fer

Vopnahlé á Gaza í gær. Menn eru bjartsýnir því það hefur verið virt að mestu hingað til.

Það þarf að hafa sig allan við til að komast hjá því að sjá og heyra Jónínu Ben tala um ristilinn á sér.

Eitt er þó jákvætt: íslenzka landsliðið í handbolta er gott.


Þetta var skrifað kl. 22:42 |

=================

29 janúar 2007

... og hvað varðar leikinn gegn Þjóðverjum var jógúrtin of stór biti fyrir okkar menn.


Þetta var skrifað kl. 16:00 |

=================

28 janúar 2007

Þá er sokkabandsárum mínum lokið.

Já, ég henti sokkabandinu mínu í gær, fannst það bara orðið óþægilegt. Til hvers var maður með sokkaband til að byrja með?


Þetta var skrifað kl. 19:36 |

=================



Þá er blogger farinn að neyða mann til að skipta yfir í þetta nýja rusl sem flestir hafa átt í vandræðum með, helvítis rusl.


Þetta var skrifað kl. 19:18 |

=================

26 janúar 2007

Þegar Róbert Gunnarsson skoraði mark af miklu harðfylgi í leiknum gegn Pólverjum í gær varð mér að orði: „Hann skorar alltaf.“

Þar rataðist mér rétt orð á munn því Róbert er enn með fullkomna skotnýtingu á þessu móti. Hann er minn uppáhaldslandsliðsmaður og Alexander fylgir honum fast á eftir.


Þetta var skrifað kl. 17:16 |

=================



Ef áramótaheitið þitt var að fara meira í taugarnar á fólki er ég með ráð fyrir þig.

Nú er janúar og það er ljóst að þá ber janúar oftar á góma en aðra mánuði. Svo er það ráðið: Þegar einhver segir „janúar“ skalt þú hefja upp raust þína og syngja lagið sem við þekkjum öll um mánðuðina tólf, byrjaðu á febrúar.

- Nú? Og hvenær er þá próf?

- Núna í janúar.

- Febrúar, marz, apríl, maí, júní, júlí, ágúst, september, október, nóvember og desember.


Þetta var skrifað kl. 14:39 |

=================



Barn 2:

- Ja hérna, hér!

Uppáhaldsbarn:

Jan Hermann hér!


Þetta var skrifað kl. 13:24 |

=================



Rödd hennar var full sjálfsfyrirlitningar:

- Be tender, Mr. Bartender.


Þetta var skrifað kl. 11:10 |

=================

25 janúar 2007

Örsögur

Eitt

Já, meistari hans var illur. En honum fannst hann bara sætur; hann var illur... en á góðan hátt.

Tvö

- Hvað er í gangi? Djöfulsins rugl er þetta! Bíddu, af hverju eru allir svona grunsamlega dreymnir á svip? Auðvitað, mig er að dreyma!

Þrjú

Hann fór sem stormsveipur um partýið með aðeins eitt markmið: að skilja eftir jafnmörg brostin hjörtu og skiptin sem hans hafði verið brostið.

Fjögur

- Hvað er það, Lassí, af hverju geltirðu svona?

- Voff, voff!


Þetta var skrifað kl. 11:20 |

=================

24 janúar 2007

Af hverju unnu Íslendingar núna?

Vegna þess að Garden Party blés þeim baráttuanda í brjóst.


Þetta var skrifað kl. 19:18 |

=================

23 janúar 2007

- Hér hafa verið geimverur.

- Nú? En það eru engin merki um þær.

- Einmitt, geimverur skilja aldrei eftir sig merki.


Þetta var skrifað kl. 10:36 |

=================

22 janúar 2007

Tap gegn Úkraínu

Einmitt það sem þeir þurftu?


Þetta var skrifað kl. 20:57 |

=================



- Til hamingju!

- Já, (hrygl), takk.

- Og veiztu kynið?

- Já, jújú, það er strákur.

- Strákur! En gaman! Til hamingju!

- Takk, takk.

- Hugsaðu þér bara!

- Mhm.

- En gaman!

- Einmitt.

- Að eiga bara svona lítinn strákling, lítinn strák, ha!

- Jújú.

- Vá, hvað ætlarðu að gera þegar hann kemur?

- Bara...

- Já, hvað? Hvað?

- Bara, sitja á honum eða eitthvað.


Þetta var skrifað kl. 13:48 |

=================

21 janúar 2007

Við stöndum stjörf og horfum á skýin, bíðum þess að þau færi sig og sólin láti sjá sig. Og sjá! Biðin var þess virði. Guðdómleg birtan hellist yfir okkur og við rembumst við að halda augunum opnum. Enginn vill missa af svo miklu sem sekúndubroti af dýrðinni. Tárin flæða en viljinn er viðbrögðunum yfirsterkari. Fjandinn hafi afleiðingarnar!


Þetta var skrifað kl. 14:26 |

=================

19 janúar 2007

Ég sit á sjóbörðum klettunum og horfi út á haf. Ég hugsa um þig. Reyni að reikna út í huganum hvað eru margir kílómetrar í hrokkna kollinn þinn. Og ég hugsa fast; sendi bros yfir hafið, bros til marks um hvað ég er glaður að þú ert horfin. Sendi von yfir hafið, von um að sjá þig aldrei aftur.


Þetta var skrifað kl. 11:50 |

=================

18 janúar 2007

Hvernig þekkir maður slepjulega menn frá hinum?

M: Mhm, aha.
K: Hvað ertu að hugsa?
M: Hvernig get ég byrjað daginn á betri hátt en að njóta ásta með minni fögru eiginkonu?


Þetta var skrifað kl. 18:17 |

=================



Bloggfærslur verða alltaf leiðinlegri ef bloggarinn fer í ritilinn án þess að vita hvað skal skrifa.


Þetta var skrifað kl. 14:26 |

=================

17 janúar 2007

Sorglegt lag

Ég ætla að semja sorglegt lag með hröðum (og vonandi grúví) takti.


Þetta var skrifað kl. 15:42 |

=================

15 janúar 2007

All-, jafn-, hálf- og lang-, alltaf áfast

Um daginn tók ég eftir ósamræmi milli ritreglna og málfarsbanka Íslenskrar málstöðvar. Eftir að hafa sent tilkynningu um uppgötvun mína á kari@islenskan.is (sem er öfundsvert netfang) hefur nú ósamræminu verið útrýmt. Eftir stendur að Íslensk málstöð leyfir að skrifa jafn slitið frá orði ef það stendur þar í merkingunni eins.

Netfangið mitt er ekki jafn gott.

En auðvitað hafa það áfast.


Þetta var skrifað kl. 15:28 |

=================



Að finnast maður sjálfur fallegur er ekki það sama og að líta út eins og maður heldur að aðrir fíli.


Þetta var skrifað kl. 12:33 |

=================

13 janúar 2007

Hamingjan er að láta engan vita að þú lest DV í laumi.


Þetta var skrifað kl. 18:00 |

=================

12 janúar 2007

- I'd rather be an omen than a no-man

sagði Kaninn rétt áður en hann stakk sér í gíginn.


Þetta var skrifað kl. 14:26 |

=================



Jæja, svona gengur þetta. Svona hefur þetta þróast. Kannski ég gangi alla leið og raki á mér hvirfilinn.


Þetta var skrifað kl. 13:48 |

=================



Vantraust

Vantraust hennar á öllum karlmönnum gerði henni erfitt fyrir þegar hún komst að því að eiginmaður sinn var tvíkynhneigður.


Þetta var skrifað kl. 12:55 |

=================

11 janúar 2007

,,Poor Leno"

Þetta var á allra vörum. Vikan sem átti að vera glæst kveðjuvika spjallþáttarstjórnandans hafði snúizt upp í andhverfu sína. Skilnaður, bílskúrsbruni og háð annarra fyrirmenna.

Einhverjum fannst þetta þó skemmtilegt og einhverjir græddu á þessu. Í einu reykfylltu bakherbergi hlógu burgeisarnir Brundtland og Berge. Peningarnir streymdu inn.


Þetta var skrifað kl. 15:42 |

=================



Traust

Þar eð hún gat ekki treyst eiginmanni sínum setti hún heilsíðuauglýsingu í blaðið þar sem hún biðlaði til kynsystra sinna:

Ekki sofa hjá þessum manni.


Þetta var skrifað kl. 15:28 |

=================



Línulega háður er stærðfræðilegt hugtak. Fjölskylda er stærðfræðilegt hugtak. Stundum eru fjölskyldur línulega háðar.

Nú ættu allir að kunna að meta brandarann sem ég bjó til:

Það má segja að fjölskylda kókaínneytendanna hafi verið línulega háð.


Þetta var skrifað kl. 11:30 |

=================



Í miðju laginu Yellow Submarine er kafli þar sem eihverjir óskilgreindir (kannski óskilgetnir) menn hrópa óskiljanlega hluti. Þar af hljómar eitt hrópið mjög íslenzkulega. Til eru margar tilgátur um hvað er sagt en ég hef heyrt ,,eitt núll fyri Ísland" sem verður að teljast ólíklegt því Íslendingar höfðu aldrei náð forystu í neinu þegar lagið var gefið út. Aðrir segja að hér sé sagt ,,hljómsveitin er íslenzk". Það gefur tilefni til stórra samsæriskenninga um norrænan uppruna Lennons og McCartneys. Hins vegar er í raun sagt eitthvað í líkingu við ,,full speed it is, sir". Hrópin eru þessi:

Full speed ahead, Mr. Boatswain.
Full speed ahead.
Full speed it is, sir.
Action stations! Action stations!
Aye, sir. Aye.
Captain, Captain!


Þetta var skrifað kl. 11:20 |

=================



Uppáhaldsbarn:

- Sama og þegið.

Barn 2:

- Sama og þegiðu.


Þetta var skrifað kl. 11:10 |

=================

08 janúar 2007

Hugi.is

Ég hef tvisvar sent eitthvað á huga punktur is. Það er langt síðan. Greininni minni var hafnað vegna kvenfyrirlitningar. Ljóðinu var hafnað vegna þess að það var of pólitískt.


Þetta var skrifað kl. 23:44 |

=================



,,Full speed it is, sir!"


Þetta var skrifað kl. 15:28 |

=================





Var að taka eftir því að með góðum vilja gæti verið hægt að lesa úr nokkrum síðustu færslum að ég eigi von á barni. Þó hefur enginn spurt mig enn þá hvort að sú sé raunin. Kannski breytist sagan í meðförum manna og foreldrar mínir frétta eftir nokkra mánuði að ég sé þegar búinn að eignast launkróga.

Sú sem er næst mér og ég veit til þess að er ólétt er kærasta sonar systur mömmu minnar.

Jæja, já, já, já.


Þetta var skrifað kl. 11:10 |

=================

04 janúar 2007

Hann:

- Þú ert með svo stóran maga að það er vandræðalegt að slá þér gullhamra. Mér finnst eins og einhver sé að hlusta, eins og við séum ekki ein inni í herberginu.

Hún:

- Ó, þú ert svo rómantískur!


Þetta var skrifað kl. 15:56 |

=================



Æ, æ, ég fékk hársápu í augun. Það var ekki gott. Skárra hefði það verið ef ég hefði notað gula gumsið frá Johnson og Johnson.

Hann var of örmagna til að hreyfa sig. Útlimir lágu fullkomlega hreyfingarlausir fyrir utan að elta þungan andardráttinn eilítið. Líkaminn var kyrr. Þá fór hugurinn af stað. Af þessum stað og á annan, og svo annan. Vel valið, hugur. Góðir staðir. Einn gulur, annar grænn, enn annar bæði gulur og grænn. Þessi grænblái var mjög góður, minnti á Húsavík. Það síðasta sem flaug í gegnum huga hans áður en hann sofnaði líka var: Lifi landsbyggðin!


Þetta var skrifað kl. 14:52 |

=================

03 janúar 2007

Það er ekki oft sem maður saknar smábarnasjampósins af hagnýtum ástæðum.


Þetta var skrifað kl. 22:00 |

=================



Þegar maður stendur sig vel eftir að hafa verið gefið annað tækifæri vaknar alltaf sú spurning af hverju maður stóð sig ekki bara vel fyrst.

Allir vita að það er bannað með lögum að fleka meðborgara sína til að hefja upp raust sína og syngja á götum úti.

Andinn hefur ekki enn flekað mig.


Þetta var skrifað kl. 14:52 |

=================



3*3*223=


Þetta var skrifað kl. 03:30 |

=================