Svári...og þú ert skilinn eftir í lausu lofti

Sæl sæl...

Varð svo heppinn að fá að sækja Maríu, Unnbjörgu og Þórhönnu á frjálsíþróttaæfingu áðan. Ég áttaði mig ekki á því fyrr en eftir á hversu gaman það er í raun og veru. Þær trillur eru að æfa frjálsar með fjölskyldufélaginu Ármanni og standa sig með stakri prýði og klára æfingar um 8 leytið á þriðjudögum.
Ég kem niður í laugardal og labba inn í húsið þar sem Maria og Þórhanna standa, en engin Unnbjörg. Hún kom þó skömmu seinna valhoppandi, eins og ekkert hefði í skorist. Við settumst inn í bílinn og kveiktum á útvarpinu. Nánast undantekningalaust vilja þær hlusta á allt annað en ég vil hlusta á, þe. þær vilja hlusta á fm - 957 en ég bara e-ð annað! Ég var sniðugur í dag og var með Pulp Fiction diskinn í bílnum og skellti honum strax í og Pumpkin og Honey Bunny gáfu tóninn. Ég var nokkuð viss um að Unnbjörg myndi fíla lagið, sem hún svo sannarlega gerði og eftir það var ekki aftur snúið. Ég spilaði brot úr mörgum lögum af disknum og fræddi þær aðeins um þessa frábæru mynd en tók þó skýrt fram að hún væri stranglega bönnuð!
Unnbjörg hló nú bara að því og sagiðst sko hafa horft á stranglega bannaða mynd þegar hún var 10 eða 9 ára. Skömmu seinna kom í ljós að myndin var í raun og veru CSI þáttur...

Ég reyni að kenna þeim margt sem gott er eins og til dæmis stærðfræði, en verð þó að viðurkenna að Unnbjörg og Þórhann voru þær sem kenndu mér sjálfa Ausuregluna. "Kanntu hana ekki? " spurðu þær í stríðnistón þegar þær komust að því að ég bara kannaðist ekkert við nafnið á þessari reglu. En ja, ég tók upp á því snjallræði í dag að kenna þeim á umferðaljósin. Þær sögðust nú kunna allt um þau en ég ákvað að gefa mér smá tíma á leiðinni til að kenna þeim hvað gula og rauða ljósið gerir, gaf mér að græna væri auðskilið. Þeim fannst það asnalegt í byrjun en svo þegar allt kom til alls þá höfðu þær lært fullt.

Já, þessi bílferð var skemmtileg. Var spurður hvort ég ætlaði aftur til útlanda í skóla næsta vetur sem ég svaraði neitandi en þá gerðist það. Allt í einu heyrði ég, en hvað með vin þinn, ætlar hann í Hogwart? Ég sprakk úr hlátri þvi þetta er eitur-fyndið. Spyrillinn leiðrétti sig í snarhasti og tókst að koma með rétta spurningu, en hún var ekki næstum því eins skemmtileg.

Já, svona geta þessar bílferðir verið frábærar...


Enjoy life!