Veldu þér tölu:

Fjötur

Henrik
Þingeyingurinn
Þóra Elísabet
(Arngunnur
Bessi
Edda og Egill
Jón Emil
Kristján
Söllenbergers)

Kátir piltar
Mottumaðurinn
Walrus

Gamalt og gott

janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
febrúar 2009
mars 2009
apríl 2009
maí 2009
júní 2009
júlí 2009
ágúst 2009
september 2009
október 2009
nóvember 2009
desember 2009
janúar 2010
febrúar 2010
mars 2010
apríl 2010
maí 2010
júní 2010
júlí 2010
ágúst 2010
september 2010
október 2010
nóvember 2010
desember 2010
janúar 2011
febrúar 2011
mars 2011
apríl 2011
maí 2011
júní 2011
júlí 2011
ágúst 2011
september 2011
desember 2011



27 maí 2006

Svári...og vorið leikur um hár þitt


Já, bjartari tímar eru framundan. Allt mun verða betra, fallegra, heilbrigðara og flottara. Ég veit ekki alveg hverjum ég á að trúa í þessum efnum en þetta verður spennandi. Já kæri lesandi, það eru spennandi kosningar í vændum.

Nú hef ég horft og tvo umræðuþætti á NFS og RUV varðandi kosningarnar á morgun. NFS hélt s.k. borgarafund í gær sem heillaði mig mjög mikið. Þátturinn var mjög góður og mikill hiti var á milli manna. Simmi frændi fór á kostum og stjórnaði þættinum af mikilli hörku. RUV þátturinn var einnig áhugaverður og hafði margt fram að bjóða. Ég hef fylgst mikið með undirbúningi þessara kosninga og mun nú koma með "mína skoðun" (sorry Valtýr, varð bara að nota þetta) á flokkunum fimm. (Röð flokkanna var valin óháð persónulegri skoðun)

1. Vinstrihreyfingin Grænt framboð

Ég sá hann, las greinina, lokaði augunum og fór reiður í bragði. Mynd af Degi litla, ganga út af samningarfundi um framhald R-listans blasti við Íslendingum á síðu Moggans. Ég missti allt álit á flokknum og fór að leita á önnur mið. En, ég er búinn að taka flokkinn í sátt. Oddviti flokksins hún Svandís hefur heillað mig töluvert í þessari kosningabráttu. Hún kemur vel fram, er heiðarleg, ákveðin og hefur skýra stefnu.
Ég veit ekki hversu mikið fylgi flokkurinn fær og hvort hann fær yfir höfuð stuðning minn en ég vona bara að flokknum gangi vel. Hann á skilið a.m.k. 2 menn og vonandi fær hann þann þriðja.

2. Sjálfstæðisflokkurinn

Ég bara veit ekki hvar ég á að byrja...en eitt er víst að Vilhjálmur Þ. hefur ekki heillað mig með framkomu sinni í þessari kosningabaráttu. Hann hefur setið á ófáum fundum með Degi B. og hafa þeir tveir tekist mikið á. Vilhjálmur er með skítkast út í Dag þátt eftir þátt, grípur fram í með litlum leiðindarorðum og síðast en ekki síst væntir hann um lygi. Sjálfstæðisflokkurinn hefur breytt áherslum sínum hvað eftir annað í anda félagshyggunnar og svo að lokum segir Vilhjálmur í Fréttablaðinu að það væri möguleiki að hafa flugvöllinn á sínum stað þrátt fyrir að hafa eitt miklu púðri í að styðja þá tillögu um brotthvarf vallarins úr Vatnsmýrinni. Hann er hræddur við Frjálslynda í þessum efnum. Reynir að ná til kjósenda F-listans með því að segja korteri fyrir kosningar að það væri góður möguleiki að hafa flugvöllinn á sínum stað. Ég verð að segja að mér finnst þessi flutningur ekki trúverðugur og vona að fólk sjái í gegnum svona þvaður.
Ég hef komist að niðurstöðu hvað Sjálfstæðisflokkinn varðar. Ég mun ekki kjósa hann á morgun, svo mikið er víst. Vilhjálmur hefur hrapað allsvakalega í áliti hjá mér síðustu daga.

3. Framsóknarflokkurinn

Hmm....ég hef ekki margt gott um Björn Inga að segja. Hann hefur þó haldið sig á mottunni í kosningabaráttunni og hrósa ég honum fyrir það. Mér finnst Bingi ekki trúverðugur, veit ekki hvort ég myndi treysta honum fyrir kettinum mínum.
Stór og mikil loforð eru á stefnuskrá x-bé manna og hvert af öðru dýrara. Ég bara get ekki trúað því að Framsóknarmenn sorry, x-bé menn finni peninga til að fjármagna gjaldfrjálsan leikskóla, ókeypis strætóferðir, vatnsrennibrautagarð og flugvöll á Lönguskerjum án þess að hækka skatta. Jú, flokkurinn er með mikinn stuðning, það er ekki um að villast. Hér á ég við fjárhagslegan stuðning, því framsóknarflokkurinn hefur auglýst áberandi mest og eytt áberandi mestum peningum í auglýsingar. Þeir geta eflaust leitað til þessara manna til að fjármagna öll þau loforð sem flokkurinn hefur kynnt. 250.000kr er ágætis peningur. Bingi hefur lofað mér sem borgarbúa í Reykjavík þessari upphæð í pósti á næsta kjörtimabili ef x-bjé nær kosningu. Ekki láta blekkjast kæri lesandi. Þetta er eitt mesta rugl sem ég hef heyrt og ætla ekki að eyða fleiri orðum í þetta af augljósum ástæðum.
Ég mun alls ekki stuðla að því að Bingi verði borgarstjórn og vona að sem fæstir geri það. Innri starfsemi flokksins segir allt sem segja þarf.

4. Samfylkingin

Dagur og félagar tala mikið um hversu skýr valkostu Samfylkingin er fyrir kjósendur. Ég verð bara að segja að mér finnst Samfylkingin vera mjög óskýr kostur, eins og reyndar fleiri framboð. Samfylkingarmenn hafa þó verið heiðarlegir í þessari kosningabaráttu og hafa haldið sinni stefnu, sínum lit og síðast en ekki síst hefur Samfylkingin haldið nafninu sínu óbreyttu. Dagur hefur þurft að þola mikið skýtkast frá honum Vilhjálmi síðustu daga sem hefur ekki verið Villa til framdráttar eins og kom áður fram og einnig hefur Samfylkingin þurft að þola ýmiss óþokkabrögð frá Sjálfstæðisflokknum. Til að mynda tóku Sjálfstæðismenn sig til og báru út bækling í Breiðholtinu sem innihélt eintóm fúkyrði og ósannindi í garð Samfylkingarinnar, bar þar hæst hið s.k. stöðumælamál. Segir mikið um starfsemi Sjálfstæðismanna
Samfylkingin lofar gjaldfrjálsum leikskóla eins og margir. Ég er alls ekki sammála því að gjaldfrjáls leikskóli sé besta lausnin. Auðvitað vilja allir fá allt frítt, en það þarf ekki hámenntaðan hagfræðing til að sjá að einhver þarf að borga. Auðvitað eiga skattar ekki að hækka og velferð á að aukast, en eins og áður sagði þarf einhver að borga þessi ósköp.
Steinunn Valdís hefur ekki verið áberandi í þessari kosningabaráttu hjá Samfylkingunni og er það vel. Ég er hæstánægðu með að hún hefur lítið sem ekkert blandað sér í báráttuna og það væri fróðlegt að vita hvort það væri af ásettu ráði eða bara eintóm tilviljun að minni hálfu.
Samfylkingin er óskýr kostur en hefur besta borgarstjóraefnið að mínu mati.

5. Frjálslyndir

Frjálslyndir hafa heillað mig í þessari kosningabaráttu. Ekki það að ég sé sammála því sem þeir segja heldur aðeins þessi heiðarleiki og einlægni sem mér finnst einkenna flokkinn. Ég vil flugvöllinn burt úr Vatnsmýrinni og er ekki mikill Laugavegaverndunarsinni en það er e-ð sem heillar mig við framboðið.
Frjálslyndir tala mikið um hversu litla ábyrgð þeir bera á alls kyns málum sem betur hefðu mátt fara, en raunin er einfaldlega sú að þeir hafa ekki verið í afstöðu og haft nægjanlegt fylgi til að geta borið ábyrgð. Þeir tala vel um þá sem minna mega sín og leggja mjög mikla áherslu á að gera þeim gott. Mér líkar svoleiðis stefna.
Frjálslyndir er eiga skilið einn mann í borgarstjórn en ekki meira.


Já, hér hef ég sagt mína skoðun á þessum málum. Auðvitað hefði ég getað tala mikið meira um hvern flokk, nema kannski Frjálslynda, en þetta nægir í bili. Ég skipa öllum sem kosninagrétt hafa til að nýta sér hann því hann er ekki sjálfsagður hlutur.

Kosningakveðjur Sveinn Gunnlaugsson


Þetta var skrifað kl. 01:26 |

=================

24 maí 2006

Ég nenni þessu ekki

Ekki búast við færslu frá mér næstu vikuna að minnsta kosti.


Þetta var skrifað kl. 16:28 |

=================



Mæja Mæja...en ég mætti þér um nóttina niður á kæja...

Jú, ég er mættur og kominn á ról. Ekki það að ég sé glaður en það er nú ekkert nýtt. Síðustu dagar hafa verið dularfullir og mjög svo erfiðir, ekki líkamlega heldur andlega...hvað ef? Já, hvað ef...ég vil bara ekki hugsa þetta til enda heldur verð bara að vona það besta.

Hugsum til barnanna, unglinga, gamlingja...

Ég er byrjaður að vinna. Ég vinn í Reiknings- og hagdeild SPRON. Það er gaman! Ég er að vísu bara búinn að vinna í viku en á þessum stutta tíma hef ég lært fullt. Til dæmis kann ég að borga alls kyns reikninga og breyta vöxtum á erlendum lánum. Í SPRON er frábært mötuneyti með heitri máltíð í hádeginu. Loksins gat ég sagt skilið við brauðið og jógúrtið í öll mál og þess í stað fengið mér lasagna, fisk, pizzu og svínakjöt.
Ekki var ég búinn að vinna lengi hjá SPRON þegar ég komst að því að sumarhátíð væri væntanleg. Jú, sumarhátíð SPRON var haldin síðasta föstudag með öllu tilheyrandi. Fullt fullt af bjór og fullt fullt af mat. Mér fannst ég varla eiga þetta skilið eftir að hafa unnið aðeins í 2 daga en ég fór nú samt. Sýnishorn hér til hliðar...


Jamm...ég bið bara að heilsa og vona að þetta fari nú allt saman vel


Kveðja Sveinn Gunnlaugsson





Þetta var skrifað kl. 01:19 |

=================

20 maí 2006

Sást til Óla lokbrá

Nokkur ungmenni, sem voru með drykkjulæti síðastliðið miðvikudagskvöld eftir að hafa verið á tónleikum með Veggteppi á Kaffibarnum, sögðust hafa séð Óla lokbrá yppi á sviði í fylgd með Tinky-Winky, teletubbíinu fræga. Uppi hafa verið tilgátur um að Tinky-Winky sé hommi þó hann neiti því alfarið sjálfur. Óli hefur lítið látið fara fyrir sér síðustu árin eftir að hafa gift sig og fáir trúa að hann sé til. Vitni segja að þessir tveir hafi látið vel að hvor öðrum og strokið rassinn á hvor öðrum. Þá er stóra spurningin hvort Óli sé nokkuð tvíkynhneigður. Vinir og vandamenn Óla segjast ekki líða svona framkomu gagnvart Ólöfu, konu Óla. Ólöf vildi ekki tjá sig um málið við okkur og var með stæla. Hún heldur víst að hún sé yfir okkur hin hafin því hún á frægan mann. Bara þó hann ráði draumum allra mann þýðir það ekki að kona hans geti verið með yfirgang og persónumeiðingar gagnvart heiðvirðum fréttamönnum sem hugsa um fólkið á götunni. Þau eiga rétt á að vita sannleikann. Ég er bara að vinna mitt starf hér og hef fullan rétt til þess.

Seltjarnarnesi, 12.3 '01
Kári Sigurðsson


Þetta var skrifað kl. 02:20 |

=================

18 maí 2006

Falskasti flytjandinn

Næst eru Eistarnir. Þriðja síðasta atriðið. Hún er á tóni. Ágætt.

Nú ætla ég að veita viðurkenningu fyrir falskasta flytjanda Júró, aldrei að vita nema þetta verði árlegt, teygi jafnvel anga sína í aðrar keppnir og/eða tónleika.

Ef næstsíðasta atriðið verður ekki stórslys er engin sem er með hælana þar sem söngkonan frá Mónakó er með tærnar. Hún var nokkuð lág allan tímann en fór að nálgast tóninn alltaf þegar réttu tónarnir fóru að lækka. Eftir lagið mætti halda að tónsvið hennar væri einungis þríund. Lagið krafðist samt ferundar. Til hamingju, Severine.


Þetta var skrifað kl. 22:33 |

=================

16 maí 2006

Svári...og tíminn er með þér í liði

Jú, kæru lesendur lifandi. Ég er búinn að hugsa mikið síðustu daga, næstum of mikið. Ég hef svo mikið að segja en málið er að ég veit ekki hvar ég á að byrja...


Þetta var skrifað kl. 19:04 |

=================

15 maí 2006

Rokký

Allir sem hafa spilað rommí sjá að þessi leikur upp í fimm hundruð hefur verið allsvakalegur.

175 - 125
75 - 260
195 - 135
85 - 245
195 - 390
310 - 445
445 - 405
600 - 570

1. Hvað mun fyrsta sólóplata Dóra DNA heita?
2. Hver rappar mest með Dóra í Bæjarins bestu?
3. Hvaða lag hafa bæði Birgitta Haukdal og Ragnhildur Gísladóttir sungið inn á plötu?


Þetta var skrifað kl. 15:14 |

=================

14 maí 2006

Kosningabarátta

Þegar ég var í prófum þá hugsaði ég dálítið um af hverju ég væri að missa í þjóðmálum. Kosningavor er ávísun á skemmtun í fréttum og fréttatengdum þáttum. Svo kláraði ég prófin. Samt fór ekki sú tilfinning að ég væri að missa af einhverju. Hvar er baráttan? Svona ósýnileiki kemur ekki upp í huga mér þegar ég hugsa um orðið baráttu. Barátta er að rífa sparipeysur í gangaslagnum. Barátta er að gera allt sem í manns valdi stendur til að enda á toppnum. Fréttirnar sýna ekki baráttu.

Björn Ingi og Bummerinn eru búnir að draga sig í hlé. Þeir misreiknuðu sig í nýja framboðinu, exbé. Það er skiljanlegt. Þeir héldu, eins og ég, að barátta væri í vændum. Þess vegna reyndu þeir hvað þeir gátu að skilja sig frá öðrum flokkum, draga skýrar línur, skýran valkost. Nú hefur þetta runnið út í sandinn af því að það gerði enginn neitt á móti og auglýsingarnar (sem eru vel útfærðar, stuttar og hnitmiðaðar) eru bara orðnar kjánalegar.

Sá sem heldur baráttunni áfram er Jón Ársæll. Hann var með Villa í síðasta þætti sínum. Ég held að hann hafi bara verið í því að kyssa ungbörn og hjálpa gamalmennum yfir götuna. Næst er Dagur Bergþóruson. Dagur veit hvað hann hefur pottþétt fram yfir Villa. Það er efri hlutinn. Þeir fara í sund. Samanburðurinn við Jón mun fara Degi vel og hann mun drukkna í atkvæðum.

Nei, í alvöru, þið hafið tvær vikur, notið þær.

Svo er það Yaris-auglýsingin sem ég hef oft gert grín að. Fögur rödd Egils Ólafssonar segir: Þegar eitthvað lítið hefur eiginleika þess sem er miklu stærra, hvort sem það er í stærð (svo!)...

Svo-ið var mitt því að ég skil ekki hvernig nokkrum manni gæti dottið það í hug. Þetta er svona tíu sinnum hallærislegra en slagorð Samfó: Reykjavík er frábær!

Vá, ég fékk hroll í alvörunni að hugsa um þetta tvennt í sömu andrá.


Þetta var skrifað kl. 20:50 |

=================

11 maí 2006

Spaðastörf

Háskólanám er ekki bara til þess að fá gott starf þegar maður er búinn. Ég hef tekið eftir því að háskólanám hefur mjög mikil áhrif á sumarstarfamarkaðinn.

Þeir sem hafa tiltölulega skýra stefnu og standa sig vel í því sem þeir gera eru vinsælir hjá fyrirtækjum. Jú, þau vilja tryggja sér framtíðarstarfsmann og þjálfa hann í leiðinni. Þeir fá því það sem ég kýs að kalla spaðastörf. Ég fell ekki í flokkinn sem ég lýsti hér að ofan en ég fell nú samt í flokk með mönnum sem falla í hann, nefnilega Hössa, Jomma og Svenna.


Meðfylgjandi mynd er af okkur félögunum, rauðeygðum á góðri stund.

Sveinn Friðrik vinnur hjá Sparisjóðnum í sumar. Sparisjóðurinn er vinalegur banki sem setur viðskiptavini sína í fyrirrúm. Ég veit ekki nákvæmlega hvað hann er að fara að gera en ég veit að hann þarf að vera nokkuð snyrtilega klæddur í vinnuna á hverjum degi. Má nú ljóst vera að starf hans er spaðastarf.

Höskuldur Pétur er líklega einn eftirsóttasti sumarstarfsmaður Íslands og þarf því ekki að koma neinum á óvart að stærsti banki Íslands og einn stærsti banki Norðurlanda,Kaupþing Búnaðarbanki banki, hafa landað stráknum. Já, hann mun vinna í áhættustjórnun í sumar og treysti ég honum til að stýra nógu vel til að KB komi út í gróða í sumar. Hann vinnur spaðastarf.

Jón Emil gegnir stöðu í sumar sem ekki er víst að margir viti af. Hann verður sumarstarfsmaður hjá Einkaleyfastofunni. Öll samfélög sem eitthvað eru komin í þróunarstiganum þurfa á svoleiðis að halda og ég er ekki frá því að aðeins einn sumarstarfsmaður sé ráðinn á ári hjá þeim. Jón er spaðastarfsmaður.

Kári hefur ekki millinafn eins og félagar sínir en það hefur Karl Garðarsson heldur ekki. Kári hefur skrifað þennan pistil tvisvar og í bæði skiptin alveg ambagnalaust og því er ekki skrítið að hann verði prófarkalesari Blaðsins. Þótt það sé 70% vinna í 4-5 vikur er það spaðastarf.


Þetta var skrifað kl. 17:43 |

=================



Vá hvað ég nenni ekki að skrifa þetta aftur.


Þetta var skrifað kl. 16:48 |

=================

10 maí 2006

Færsla númer fjögur hundruð

Hvaða krakki er það sem kengúrur tala við
og keppist við að fræðast um umhverfið?
Hann á bók með öllum dýrum í heimi hér
en hefur alltaf fiskinn sinn með sér.


Þetta var skrifað kl. 20:27 |

=================

08 maí 2006

1. Hver er kærasta gítarleikara Bon Jovi?
2. Hver var kærasta gítarleikara Bon Jovi?
3. Í hvaða lagi er sungið ,,sæðarann kyssti létt á kinn"?


Þetta var skrifað kl. 20:03 |

=================

05 maí 2006

Framhald

Ad Misericordiam
Þú verður að samþykkja að 1+1=46, ég er nú einu sinni með alnæmi

Ad ridiculum eða eitthvað svoleiðis
Styðja feminista? Hah, kannski þegar konur fara að borga fyrir drykki sína!


Þetta var skrifað kl. 23:59 |

=================



Rökvillur

Það hefur reynzt vel að skrifa blogg um það sem maður er að læra. Nú mun fræðslupistillinn minn vera um rökvillur. Mínar uppáhalds-rökvillur. Meira verður lagt upp úr skemmtanagildi en fræðslugildi.

Ad hominem
A: Vindlingareykur er óhollur!
B: Bíddu, sazt þú ekki í fangelsi fyrir tíu árum, ekki ætla ég að trúa glæpamanni?

Ad baculum
A: Sálin lifir jafnlengi og líkaminn, karlinn minn.
B: En hugsaðu þér, okkar jarðneska lífi lýkur og ekkert bíður okkar nema mold og ormar. Sálin hlýtur að lifa eftir líkamans daga.

Æ, komst ekki lengra.


Þetta var skrifað kl. 21:00 |

=================

04 maí 2006

Veðmál

Hagyrðingurinn Vilhjálmur Steingrímsson er ekki einungis hagur að orðum heldur er honum ýmislegt annað til lista lagt. Hann er fluggáfaður á mörgum sviðum auk þess sem hann er einn beittasti leikmaður hinu ekki svo forn- en hinu mjög svo fræga liði Söllenbergers.

Enn er eitt ótalið þar sem enginn er fremri en einmitt Villi en það eru veðmál. Ef einhver sauðurinn lætur hann plata sig í veðmál er slátrun vís. Einn þessara sauða heitir Kári Sigurðsson, það er einmitt ég, og var veðmálið að þessu sinni óvenjulegt. Ekkert var lagt undir nema heiðurinn. Sá vinnur sem fær sumarvinnu seinna en hinn. Ég veit ekki nema hann sé enn atvinnulaus en ég get varla þolað þetta lengur. Ef ég ætla að fá einhverja vinnu í sumar verð ég, bara upp á andlega heilsu, að tryggja mér hana rétt fyrir eða rétt eftir helgina sem nú fer í hönd.

Ég játa mig þó ekki sigraðan.

1. Á hvað spilaði Stjáni Stjáni Stjáni Stjáni?
2. Hver var útsmoginn og snar án þess þó að nokkur vissi hver hann var?
3. Hvaða frægi tónlistarmaður er fyrirmynd Lous (are you sure?) í hinum mjög svo skemmtilega og vinsæla grínþætti Little Britain? Þess má geta að Andy er líka skopstæling á öðru stórmenni, vini tónlistarmannsins.


Þetta var skrifað kl. 20:54 |

=================

02 maí 2006

Langsótt

Ég er með samsæriskenningu. Hún er langsótt. Hún er svo langsótt að ég þori varla að skrifa hana niður en í grófum dráttum held ég að undirmeðvitund mín sé með samsæri gegn mér. Auðvitað heldur undirmeðvitundin að hún viti alveg hvað er mér fyrir beztu en ég er ekki svo viss. Þess vegna berst ég hatrammlega við hana í þessum töluðu orðum. Veiztu hvað? Hún er greinilega að vinna. Oj, að tapa fyrir manns eigin undirmeðvitund.


Þetta var skrifað kl. 00:13 |

=================

01 maí 2006






Getraun

1.-4. Hvaða tónsnillingar eru þetta?
5. Hvernig tengir RÚV þá alla saman í hjörtum okkar?

Nei, þið megið bara svara þrem.


Þetta var skrifað kl. 14:51 |

=================