Veldu þér tölu:

Fjötur

Henrik
Þingeyingurinn
Þóra Elísabet
(Arngunnur
Bessi
Edda og Egill
Jón Emil
Kristján
Söllenbergers)

Kátir piltar
Mottumaðurinn
Walrus

Gamalt og gott

janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
febrúar 2009
mars 2009
apríl 2009
maí 2009
júní 2009
júlí 2009
ágúst 2009
september 2009
október 2009
nóvember 2009
desember 2009
janúar 2010
febrúar 2010
mars 2010
apríl 2010
maí 2010
júní 2010
júlí 2010
ágúst 2010
september 2010
október 2010
nóvember 2010
desember 2010
janúar 2011
febrúar 2011
mars 2011
apríl 2011
maí 2011
júní 2011
júlí 2011
ágúst 2011
september 2011
desember 2011



29 júní 2007

Orð 28. júní: Kvöld og millibankamarkaður.

Orð 29. júní: Krókaflamarksbátur.


Þetta var skrifað kl. 18:32 |

=================

28 júní 2007

Hún var svo illa vaxin að þegar hún var nakin leit hún út fyrir að vera í síðu pilsi.


Þetta var skrifað kl. 17:30 |

=================



Starfsmannaleigan VOOT hefur auglýst grimmt síðustu vikur. Leigan hefur samt, með góðum árangri, reynt að breiða yfir hvert fullt nafn fyrirtækisins er: VOOT, ég er ekki lessa.

Í Fréttablaðinu um daginn var gerð úttekt á stærstu tónlistarmönnum landsins. Athygli mína vakti að Björk var ofarlega á þessum lista en Siggi í Hjálmum var þar hvergi. Glöggir menn hafa tekið eftir að Siggi er álíka stór og lamadýr.


Þetta var skrifað kl. 17:15 |

=================

26 júní 2007

- Sjáðu hvað þessi er heltannaður.

- Hver?

- Þessi þarna.

- Hver þá? Hver þeirra?

- Sérðu það ekki?

- Þessi með afróið?

- Já.


Þetta var skrifað kl. 13:22 |

=================

25 júní 2007

Brúðhjónin voru búin að skera tertuna og allir klöppuðu. Þegar fagnaðarlátunum slotaði heyrðist í Füller frænda: „Nennið þið að skera eina fyrir mig líka!?“


Þetta var skrifað kl. 21:38 |

=================

22 júní 2007

Brandari fyrir enskumælandi fólk

Tveir lesblindir ganga inn í brjóstahaldara …


Þetta var skrifað kl. 17:45 |

=================



Orð dagsins eru mustarður og bastarður.


Þetta var skrifað kl. 17:30 |

=================



Skyldu menn sem heita Ármann vera oft kallaðir Giorgio?


Þetta var skrifað kl. 17:00 |

=================



Vidi Vici Bologna er körfuboltalið, það þykir mér fallegt liðsnafn.

Hizbollah-samtökin eru soo last year.

Ég las grein um tortilla-bakka frá Sóma og ég fékk bjórbragð í munninn. Ég hlakka til næst þegar ég fæ bjór og tortilla frá Sóma.

Ég var að keyra Ártúnsbrekkuna fyrir þrem dögum og fyrir framan mig var bifhjólamaður. Hann krúsaði bara á rúmlega áttatíu. Ég hugsaði með mér hvað þetta væri yndislegur bifhjólamaður, stilltur og nálægt hámarkshraðanum. Á meðan ég hugsaði þetta þutu tvö bifhjól fram úr okkur, bæði hægra og vinstra megin. En mikið var þessi eini yndislegur.


Þetta var skrifað kl. 14:12 |

=================



Orð dagsins

20. júní: Undrabarnið.
21. júní: Alex.


Þetta var skrifað kl. 12:50 |

=================

20 júní 2007

Orð dagsins eru barnaklámstjarna og skrítilegt.


Þetta var skrifað kl. 00:22 |

=================

18 júní 2007

Orð dagsins

Gulleitur.


Þetta var skrifað kl. 19:17 |

=================



Handbolti

Gaman að sjá íslenzkan Sigurð.


Þetta var skrifað kl. 16:28 |

=================

17 júní 2007

Í Fréttablaðinu í dag er réttilega bent á að nú er afmælisdagur eins merkasta Íslendings allra tíma, Jóns Sigurðssonar. Það er hefð í þessu blaði að hafa tilvitnun í fræg afmælisbörn. Og í blaðinu í dag er þetta rangt. Það eru engin skjöl þess efnis að Jón hafi nokkurn tímann sagt „vér mótmælum allir“. Hann gæti hafa sagt það: „Strákar, helvíti var flott áðan þegar þið sögðuð allir „vér mótmælum allir“. Ég er ánægður með ykkur.“ Það er hins vegar alls ekki víst.



Hér er mynd af Jóni Sigurðssyni og að ofan er félagi hans, Jón Sigurðsson.


Þetta var skrifað kl. 14:48 |

=================

16 júní 2007

Ísland 1 - 0 Frakkland

Sérlega ánægjuleg úrslit. Bæði sigur Íslands og sigur varnarleiksins. Þóra B. stóð sig yndislega.


Þetta var skrifað kl. 17:45 |

=================



Orð dagsins í gær

Ámigkomulag.


Höfundur orðsins er Brynjar.


Þetta var skrifað kl. 15:52 |

=================



Eftir nokkrar mínútur hefst landsleikur Íslands og Frakklands. Frakkar eru víst með ívið sterkara lið, sjötta sæti á heimslistanum. En við Íslendingar erum auðvitað bjartsýnir og við vitum að það er raunhæfur möguleiki á sigri. Ég er jafnvel á því að það séu álíka miklar líkur á sigri Frakka og sigri Íslendinga.

En, með það í huga að það verða eintómar konur á vellinum, ég spái því að leikurinn fari 0-4.


Þetta var skrifað kl. 15:39 |

=================

15 júní 2007

Hvenær kemur Brúðkaupsspilið Já?


Þetta var skrifað kl. 19:34 |

=================



700. færslan

Það er umræða á þessari síðu um alls kyns hluti sem betur mættu fara. Lífsleiknikennslan sem við fengum í gamla daga var annaðhvort léleg eða við munum ekkert sem fór fram í þessum tímum. Þess vegna erum við að ráðleggja hver öðrum núna, fimm árum eftir að við „útskrifuðumst“ úr lífsleikni.

Brynjar ráðleggur okkur að taka ábyrgð á lífi okkar og leita að orsökum hlutanna frekar en að líta á alla skapaða hluti sem tilviljanir. Ég er sammála að mestu en þetta má ekki ganga út í öfgar og ef þessar dýpri ástæður eru hjátrú eða eitthvert annað rugl skaltu sleppa því.



Jón Emil ráðleggur okkur að hafa ekki áhyggjur af hlutum sem við getum ekki breytt. Þetta er hófsamur punktur á pól við punkt Brynjars og legg ég til að allir taki þetta til sín.

Ég ráðlegg okkur að eyða ekki of miklum tíma í að finna okkur sjálf. Ég bara kaupi ekki að hægt sé að leggjast í leit og allt í einu spretturðu upp og maður hugsar: „Nú? Svona er ég þá.“ Ég segi: „Vertu sá sem þú vilt vera.“

Þá gæti einhver sagt: „En ég veit ekki hvað ég vil.“

Eitthvað hlýtur þig að langa, ef ekki ertu skrút.


Þetta var skrifað kl. 12:40 |

=================

14 júní 2007

Ef ég nenni geri ég þetta alla daga sem ég vinn í sumar:

Orð dagsins

Hestaníðingur


Þetta var skrifað kl. 19:34 |

=================



Eins og hálfs árs gamalt barn
horfði ég stórum augum á þig.


Þetta var skrifað kl. 00:22 |

=================

13 júní 2007

flengríða
s ríða í spretti, ríða hratt.


Þetta var skrifað kl. 15:52 |

=================



„Þann 19. júní næstkomandi geta konur víðs vegar um land fagnað því að það er 92 ár síðan íslenskar konur fengu kosningarétt.“

Þá er ein spurning sem vaknar. Er til sú kona sem hefur haft kosningarétt á Íslandi í 92 ár, þ.e. frá byrjun? Ekki veit ég svarið við því en ég veit það að kosningaaldur kvenna var fjörutíu ár árið 1915. Meint kona væri þá minnst 132 ára.


Kynsystir er afskaplega skrítið orð. Allar konur eru kynsystur hver annarrar. Kynbróðir er ekki til og það er ósanngjarnt að ég eigi enga kynsystur. Pfuff.


Þetta var skrifað kl. 15:26 |

=================

12 júní 2007

- Er flugið svona langt. Fjandinn sjálfur. Af hverju tekur svona langan tíma að fljúga?

- Vegna þess að tíminn flýgur líka.


Þetta var skrifað kl. 17:15 |

=================

11 júní 2007

Blómey valhoppaði um engið. Sólin skein og Blómey fann freknurnar myndast á litla nebbanum sínum. Hún beygði sig niður og sleit upp eitt blóm, þegar blómið snerti nebbann fann Blómey yndislega lykt. Blómey lét sig falla aftur fyrir sig og mjúkt grasið greip hana. Eftir að hafa legið þar um stund stóð hún upp og fann fyrir golunni leika létt um vanga sinn. Hún vissi að golan kom frá Guði. Golan var refsing fyrir að hafa slitið blómið upp. Blómey grét.


Þetta var skrifað kl. 16:42 |

=================



„Örsögur í nútíð gætu líka verið skemmtilegar,“ hugsar Kári og teygir úr sér. Skyndilega kemur snákur undan borðinu og bítur hann í magann, hvílíkur kjálki. Skríðandi á sjúkrahúsið ákveður Kári að hafa allar sínar örsögur í þátíð.


Þetta var skrifað kl. 14:12 |

=================



Zetukennsla

Hér sést maður með önd í bandi en annað eins hefur ekki sézt áður.


Þetta var skrifað kl. 13:22 |

=================

10 júní 2007

Tvær djarfar stúlkur
gengu í veg fyrir bíl.
Bíllinn hægði á sér
og stúlkurnar gengu fram hjá.


Þetta var skrifað kl. 18:48 |

=================

07 júní 2007

Nú er þáttur um Formúlu 1. Fínn þáttur, en mér finnst alveg hryllilegt hvað Fernando Alonso hefur farið aftur í ensku síðan hann lék í auglýsingunni fyrir nokkrum mánðuðum. Hryllilegt.


Þetta var skrifað kl. 18:48 |

=================

05 júní 2007

Einu sinni var maður sem gekk um bæinn í buxum sem höfðu engan rass. Maðurinn var með rass, en buxurnar ekki. Fólk stakk saman nefjum og sagði að þessi maður væri nú stórskrítinn, já, bezt geymdur á Kleppi. En þarna voru fordómarnir í fólkinu að tala. Kannski vissi maðurinn ekkert að rassinn vantaði á buxurnar.


Þetta var skrifað kl. 22:40 |

=================



Það sem sniðugt er að segja

Ef þú vilt vera málhreinsiklútur:

- Viltu meiri köku?
- Nei, ég er góður.
- Ég veit ekki hvað gæzka þín hefur með þetta að gera …


Ef þú vilt hafna stúlku:

- Sorrí, þetta er bara svona. Ef ég er Rómeó ert þú Mína Mús.


Þetta var skrifað kl. 14:48 |

=================

02 júní 2007

Þú getur ekki bæði haldið og sleppt. Sérstaklega ef þú getur ekki haldið til að byrja með.

Ef þú ert, eða ætlar, að gera eitthvað sem þú ert ekki alveg viss hvort þú eigir að gera það skaltu búa þér til vog.

1. Hversu margt og gott fólk gleður aðgerðin?
2. Hversu margt og gott fólk særir aðgerðin?

Svo ætti vogarskál tvö að fá smá forskot. Bezt er að særa engan.

Ég biðst velvirðingar ef lesandi skilur ekki færsluna. En hún særir engan, vona ég.


Þetta var skrifað kl. 23:42 |

=================





Jæja, þá hafa talingarmennirnir lokið sínum störfum og þetta er endanlega komið á hreint.

Sjón er Sögu ríkari.



Þetta var skrifað kl. 22:40 |

=================

01 júní 2007

Stúlkur, athugið.

Líkamsvöxtur Meredith Grey er hvorki fallegur né heilsusamlegur.

Hann er því ekki eftirsóknarverður.


Þetta var skrifað kl. 16:14 |

=================