Veldu þér tölu:

Fjötur

Henrik
Þingeyingurinn
Þóra Elísabet
(Arngunnur
Bessi
Edda og Egill
Jón Emil
Kristján
Söllenbergers)

Kátir piltar
Mottumaðurinn
Walrus

Gamalt og gott

janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
febrúar 2009
mars 2009
apríl 2009
maí 2009
júní 2009
júlí 2009
ágúst 2009
september 2009
október 2009
nóvember 2009
desember 2009
janúar 2010
febrúar 2010
mars 2010
apríl 2010
maí 2010
júní 2010
júlí 2010
ágúst 2010
september 2010
október 2010
nóvember 2010
desember 2010
janúar 2011
febrúar 2011
mars 2011
apríl 2011
maí 2011
júní 2011
júlí 2011
ágúst 2011
september 2011
desember 2011



29 september 2006

Áherzluforskeyti

Áherzluforskeyti tvö hafa borizt mér til eyrna síðustu misseri. Eru þau hvort öðru skemmtilegra. Sjáum dæmi:

A: ,,Á hann C ekki börn?"
B: ,,Júhú, og það eru sko hunangsfínir krakkar!"

Sjáum dæmi um hitt forskeytið, svolítið torskildara en skilar sínu, góðir hlutir koma hægt (fínt máltæki?):

A: ,,Á hann C ekki börn?"
B: ,,Vó, DéJà Vu."
A: ,,Ha?"
B: ,,Fyrirgefðu, hvað varstu að segja?"
A: ,,Á C ekki börn?"
B: ,,Júhú, og það eru sko istanfínir krakkar!"

Stór eða lítill stafur er ekki alveg ljós í þessu forskeyti en skemmtilegt er það.


Þetta var skrifað kl. 17:17 |

=================

28 september 2006

English words

Hello, I am person. I like food and girls. I am English. I want to teach English. Can you help me?

For me, would you read the following words aloud? Yes, don't be shy, this will be fun. And remember: pronunciation.









Table













Cotton













Instrument













Necessary













Seperate













Machine













Damage













Jurtate













Engin














Flaska













Jæja, ertu búin(n) að skipta yfir í íslenzku? Hvenær gerðirðu það? Hvað þýðir jurtate? Var þetta gaman?


Þetta var skrifað kl. 12:44 |

=================

22 september 2006

Ég var að semja lag. Ég er ekki alveg kominn með textann eða formið en ég er búinn að ákveða að það skal ekki vera mikið vit í textanum og ég segi yeah svona tuttugu sinnum. Þá er bara að stofna hljómsveit. Hefur einhver áhuga á að vera í hljómsveit og spila lag með miklu af yeah-um? Ég vil það að minnsta kosti.

Ég vil líka vera í hljómsveitinni Ske. Það lítur út fyrir að vera skemmtilegt. En ég kann ekki nógu mikið á neitt hljóðfæri nema trommur til að komast í Ske. En Ske voru að fá sér nýjan trommara með mikið krullað hár og Liverpool-hreim. Ég á ekki séns í svoleiðis.

Annað sem Liverpool-trommarinn hefur fram yfir mig er trommusett. Ekki það að hann eigi betra trommusett en ég heldur að hann eigi trommusett og ekki ég. Já, lesendur góðir, móðir án barns, blóm án blaða, Breiðhyltingur án hnúajárns, trommari án trommusetts.

Þá er um að gera að kaupa sér.

Hvernig er það með seinasta ár í framhaldsskólum almennt, hvort er meira eða minna að gera? Hættir maður að mæta í skólann?



Þetta var skrifað kl. 23:03 |

=================

20 september 2006

LFC NUFC

Í kvöld leikur uppáhaldsliðið mitt við það lið sem er í mestu uppáhaldi hjá Sv. Ef leiknum lyktar með jafntefli munum við tveir útkljá málið á morgun í gryfjunni fyrir utan Háskólabíó.

Þeim sem þekkja Hlyn Hafliðason gæti brugðið í brún við að líta á þessa mynd. Kannski eru sumir sem þekkja hann, horfa á myndina og eina ályktunin sem þeir draga er sú að ég sé klikkaður. Ekki í fyrsta sinn.



Þetta var skrifað kl. 13:35 |

=================

18 september 2006

Myndir

Það eru komnar myndir frá því á föstudaginn. Farið til hægri frá ykkur séð og smellið á haustferð.


Viðbót 19.09:

Þeir sem fíla ekki stærð myndanna geta smellt hér.

Tölvuvísir kunna að stækka þær.


Þetta var skrifað kl. 14:06 |

=================

13 september 2006

Otrabörnin

Otrabörnin er teiknimyndaþáttur fyrir börn úr smiðju Disney og Jim Jinkins. Þátturinn er um otrafjölskyldu og vini þeirra en þau búa öll í húsbátum á Húrra-vatni. Otrafjölskyldan samanstóð af fimm otrum, foreldrunum Ólöfu og Árna og börnunum Pinna, Bínu og Jenný (á ensku Peanut, Butter & Jelly). Þættirnir snerust oftast um otrabörnin þrjú og vini þeirra. Meðal vina þeirra voru öndin Frikki, bjórinn Kjamsi og hinir ofurríku púðlutvíburar. Vandamál leystust í hverjum þætti eftir að börnin höfðu dansað núðludansinn. Eftir dansinn ákváðu þau að nota heilann.

Helztu persónur

Pinni Otur: Elzta barn otrafjölskyldunnar og oft málsvari skynseminnar. Rauður á lit og dálítið þybbinn auk þess að vera mikill bókaormur. Þrátt fyrir að vera skynsamur er hann oft tregur til að byrja að dansa núðludansinn en er samt oft langseinastur að hætta.

Jenný Otur: Yngri systir Pinna, fjörkálfur með mjög virkt ímyndunarafl. Löng og mjó með fjólubláan feld. Fær oft alveg fáránlegar hugmyndir sem falla mjög auðveldlega um sjálfar sig.

Bína Otur: Eina barnið með nokkuð náttúrulegan lit á feldinum sínum. Bleyjubarnið sem eltir systkini sín hugsunarlaust og segir fátt, en eitthvað þó.

Ólöf Otur: Móðir barnanna. Heimavinnandi húsmóðir sem er skilningsrík í garð barna sinna.

Árni Otur: Pabbinn sem er mikið fyrir stangveiði. Hann rekur, að því er bezt er vitað, einu verzlun bæjarins. Þess má geta að Árni og Ólöf eru nefnd í höfuðið á hjónum sem eru góðvinir einhverra greinilega valdamikilla í hljóðsetningargeiranum.

Frikki Önd: Bezti vinur Pinna og mikill prakkari. Þegar honum verður um og ó segir hann undantekningarlaust ?kex og ostur?. Hann notar lítið flughæfileika sína en einu sinni vann hann þó auðveldlega langstökkskeppni með hjálp vængjanna.

Kjamsi Bjór: Mjög góðlegur vinur barnanna. Bezta skinn en á það til að borða hina óheppilegustu hluti, það er ef þeir eru gerðir úr tré.

Klípa: Þvottabirna sem er góðvinkona annarra barna við Húrra-vatn. Hún á þó ekki margt sameiginlegt með hinum því að henni finnst allir dúllulegir hlutir hin mesta skemmtun. Teboð, ballett og fleira eru hennar ær og kýr.

Ormur og Irma: Þau eru tvíburar sem búa hinum megin við Húrra-vatn. Þau eiga heilu fjöllin af leikföngum sem lítið er gagn af ef rafhlöðurnar klárast. Þau ættu, og reyna stundum, að tileinka sér ímyndunarafl otrabarnanna.

Gamli-Geir: Blár otur sem, eins og nafnið gefur til kynna, er gamall og vitur. Alltaf þegar börnin hitta hann er hann með eitthvað magnað á prjónunum, til dæmis hugði hann einu sinni í ferð um Húrra-vatn í fínum kafbáti úr tré. Ætli Kjamsi hafi klúðrað málunum?


Þetta var skrifað kl. 23:51 |

=================

12 september 2006
Þetta var skrifað kl. 11:27 |

=================

11 september 2006

Þá er hún farin í atvinnumennsku, held ég. Ætli mörkunum fækki?

Knattspyrnuaðdáendum lízt vel á.


Þetta var skrifað kl. 22:48 |

=================



32

Magic Johnson var alltaf númer 32 í gamla daga. Þessi færsla er einmitt þrítugasta og önnur færslan sem ég set hér á netið síðan Sv setti sína síðustu. Sú var 13. júní.

Þetta er auðvitað erfitt að fyrirgefa en ég er tilbúinn að gleyma ef næsta færsla Sveins verður fljótlega og í henni verði ljóð eftir hann sjálfan. Langt skal það vera og ríma.

Ég ætlaði að skrifa um eitthvað allt annað en þið verðið bara að bíða eftir því að ég muni hvað það er.


Blogg nota menn oft til smáauglýsinga. En ég auglýsi aldrei neitt. Þó vil ég benda mönnum sem sáu mig leika í Skuldbindingu í vor að það er hægt að sjá það aftur í haust ef áhugi er fyrir hendi. Einnig ef ykkur er vel við annað fólk getið þið bent því fólki á hversu skemmtileg þessi sýning er. Þeir sem lesa þetta og sáu mig ekki leika í vor og sáu eftir því hoppa nú hæð sína af gleði, þið megið auðvitað koma líka. Sérstaklega ef þið eruð í forsvari fyrir fyrirtæki, þá getið þið fengið alla vinnufélagana með á sérstökum tilboðsprís.


Þetta var skrifað kl. 15:56 |

=================



Er Chris Brown sonur Foxy Brown? Nógur er svipurinn með þeim.


Þetta var skrifað kl. 11:28 |

=================

04 september 2006

E = mc^2

Þessi blogger leyfir manni ekki að gera margt. Kannski maður ætti að skipta þangað sem hægt er að gera, ja, alla vegana gæsalappir.

Margir reyna að sýnast gáfaðir með því að skrifa formkornið í fyrirsögn á ýmsa staði. Til eru margar myndir af fólki sem þykist vera að útskýra þessa jöfnu. Það er gott og gilt, ég vil bara var við einu.

Algengur misskilningur er að það skipti ekki máli hvort stafirnir eru háir eða lágir. Það er eins og fólki sé erfitt að skipta úr háum yfir í lága og öfugt.

Ef þið viljið sýnast gáfuð skuluð þið skrifa stórt E, lítið m og lítið c.



Þetta var skrifað kl. 16:07 |

=================

01 september 2006

Tangó-tríó­ið Tango Plat­ense leik­ur fyr­ir dansi í Iðnó

Hvernig gat stofnendum Tango Platense yfirsézt hið fullkomna nafn á bandið?














En já, dansinn dunar laugardagskvöldið klukkan 22.


Þetta var skrifað kl. 14:47 |

=================