Veldu þér tölu:

Fjötur

Henrik
Þingeyingurinn
Þóra Elísabet
(Arngunnur
Bessi
Edda og Egill
Jón Emil
Kristján
Söllenbergers)

Kátir piltar
Mottumaðurinn
Walrus

Gamalt og gott

janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
febrúar 2009
mars 2009
apríl 2009
maí 2009
júní 2009
júlí 2009
ágúst 2009
september 2009
október 2009
nóvember 2009
desember 2009
janúar 2010
febrúar 2010
mars 2010
apríl 2010
maí 2010
júní 2010
júlí 2010
ágúst 2010
september 2010
október 2010
nóvember 2010
desember 2010
janúar 2011
febrúar 2011
mars 2011
apríl 2011
maí 2011
júní 2011
júlí 2011
ágúst 2011
september 2011
desember 2011



31 júlí 2007

Sköfnunugur.


Þetta var skrifað kl. 20:52 |

=================



Þegar ég sá þessari manneskju bregða fyrir hélt ég að þetta væri kærastan þín. Þegar ég komst að því að þetta var karlmaður flaug mér í hug að þetta væri kannski kærastinn þinn. En sú hugsun flaug mjög fljótt burt; þau eru ekki einu sinni lík.


Þetta var skrifað kl. 18:16 |

=================



Lífið er of stutt til að hlusta á lélega tónlist.


Þetta var skrifað kl. 16:56 |

=================

30 júlí 2007

Alltaf þessi sífelldu mótorhjólaslys. Af hverju aldrei mótmælaslys?


Þetta var skrifað kl. 22:20 |

=================



„Sendiherra Íslands á Indlandi, Dr. Gunnar Pálsson, og ráðuneytisstjóri sjávarútvegsmála …“

Gunnar Hjálmarsson er alveg búinn að skemma fyrir öllum Gunnörum með doktorspróf.


Þetta var skrifað kl. 21:38 |

=================



Um helgina var ég skammaður fyrir að draga lappirnar í málum orðs dagsins. Því var fram haldið að ég hafi ekki staðið mig í þessum málum og hafi sleppt úr dögum. Þessu vísa ég alfarið á bug. Þeir sem lásu færsluna sem skrifuð var á afmælisdegi mínum (ég var tuttugu og eins árs og tíu mánaða) vita að orð dagsins kemur hér alla daga sem ég er að vinna. Maðurinn sem skammaði mig vissi ekki af þessu auk þess sem hann veit ekkert hvaða daga ég vinn. Nú getur hann þó reiknað það út. Það eru dagarnir sem eiga orð.

Orð dagsins: Bugur.


Þetta var skrifað kl. 21:19 |

=================



Uppáhaldsbarn: - … what appears to be a major breakthrough as well as a gift from God to many very sick people.

Barn 2: - what a swell ass!


Þetta var skrifað kl. 18:48 |

=================

27 júlí 2007

Kyrrþeyr.


Þetta var skrifað kl. 21:19 |

=================



Ekki fresta því að gera góðverk bara af því að fleiri munu taka eftir því ef þú bíður.


Þetta var skrifað kl. 15:13 |

=================

26 júlí 2007

Um aldamótin sautjánhundruðátjánhundruð hafði málvilla ein lætt sér inn í mál flestra landsmanna. Þeir fallbeygðu orð eins og lækni og helli bandvitlaust. Þeir töluðu um læknir og hellir og fleirtalan var læknirar og hellirar eða eitthvað álíka. Margir málhreinsiklútar (reyndar voru ekki margir málhreinsiklútar til á þessum tíma) höfðu gefið upp alla von um að snúa þessu við, svo algengt var það.

Núna bíður sá sem talar um læknir hins vegar hnekkir.


Þetta var skrifað kl. 20:36 |

=================



Afganistan, Kasakstan, Kirgistan, Pakistan, Tadsjikistan, Túrkmenistan og Úsbekistan.

Einhvern veginn fæ ég það á tilfinninguna að það sé ekki gott að búa í neinu af þessum löndum. Fæstir Vesturlandabúar hafa nokkurn hug á að flytja þangað og allt virðist vera í algeru rugli.

Hefur þetta eitthvað með heitin að gera? Hefðu nafngiftarmenn þessara landa betur hlustað á viðvaranir Guðmundar í Byrginu?


Þetta var skrifað kl. 20:18 |

=================



- Hvað gerir maðurinn þinn?

- Hann er í útgerð.

- Gerir hann þá út á aumingjaskap og atvinnuleysi?

- Já.


Þetta var skrifað kl. 20:00 |

=================



„Eigum við að koma í kapp?“ spurði Kata kjútípæ.

„Ég hef engu að tapa,“ hugsaði Úlli ökuréttindalausi.


Þetta var skrifað kl. 17:30 |

=================



Já, krakkar mínir, orð dagsins er megasmellur.


Þetta var skrifað kl. 10:16 |

=================

25 júlí 2007

Skjaldbakan sem flúið hafði skjöldinn sinn var kölluð Baka. Baka litla þjáðist af mikilli innilokunarkennd og hvergi fann hún betur fyrir frelsi en þegar hún krúsaði um á mótorhjólinu sínu. Vonandi klæddi hún sig miðað við aðstæður.


Þetta var skrifað kl. 21:19 |

=================



Orð dagsins: piparmyntute.


Þetta var skrifað kl. 18:32 |

=================




Hvað sagðirðu?


Þetta var skrifað kl. 15:52 |

=================

24 júlí 2007

Orð dagsins: Expelliarmus!


Þetta var skrifað kl. 21:38 |

=================



Sumir halda því fram að ,leiti‘ sé eingöngu ritað með einföldu i-i þegar það merkir hóll. Það er að einhverju leyti rangt, ,leita‘ í viðtengingarhætti nútíðar er ritað með einföldu.

Einnig gæti sumum þótt erfitt að sjá hólinn í gegnum orðin, t.d. kennileiti.

Ég er þó bjartsýnn að almennt öryggi með þessi orð sé á næsta leiti.


Þetta var skrifað kl. 19:17 |

=================



Blogg? Hvað er það? Eitthvað nammi?


Þetta var skrifað kl. 18:48 |

=================



Orð dagsins í gær var að sjálfsögðu koníaksæði.


Þetta var skrifað kl. 11:54 |

=================

23 júlí 2007

Ég gerði magnaðan díl við vagnstjórann. Fjórir strætómiðar á fimm hundruð krónur.

Verst að ég var búinn að missa alla miðana ofan í baukinn áður en díllinn var gerður.


Þetta var skrifað kl. 15:13 |

=================

20 júlí 2007

Orð dagsins eru mörg: Centro, Commercial, Gestapo, gestabók, sæliblessi.


Þetta var skrifað kl. 21:19 |

=================

19 júlí 2007

Fékk hurð framan í mig áðan. Leit fram hjá meiðslum og prísaði mig sælan að enginn sá til.


Þetta var skrifað kl. 18:48 |

=================



Orð dagsins: Rauðskalli Brennivínsson.


Þetta var skrifað kl. 16:28 |

=================



Málshættir eru stundum lélegir.

Það sem drepur þig ekki styrkir þig.

Ber þess glögglega merki að vera í flýti snarað yfir á íslenzku úr öðru tungumáli. Hrynjandin er klaufaleg og síðast en ekki sízt er lítið til í innihaldinu.

Öllu gamni fylgir nokkur alvara.

Hér er önnur alhæfing á ferðinni sem margir halda að sé sönn af þeirri ástæðu einni að fólk segir hana stundum. Hljómfallið leiðinlegt og ef hér er viðleitni til stuðlasetningar er hún kolröng.


Ég held lítið upp á þessa tvo.


Þetta var skrifað kl. 13:55 |

=================

18 júlí 2007

Orð dagsins: Heimsafneitun.


Þetta var skrifað kl. 21:38 |

=================



Ég var eitthvað að býsnast yfir því að mótmælendurnir umtöluðu séu útlendingar um daginn. Hvað kemur íslenzk náttúruvernd einhverjum helvítis útlendingum við? Geirfugl nokkur benti mér á að þetta væri svipað því ef ég færi til Bandaríkjanna að mótmæla dauðarefsingum. Ég hélt nú ekki, leyfði fuglinum ekki að halda að það væri einu sinni svipað. En eftir á að hyggja þá rústaði hann mér þarna, pakkaði mér saman. Ég játa mig hér með sigraðan, geirfugl.

Það breytir því þó ekki að þessir mótmælendur eru algjörir trúðar.


Þetta var skrifað kl. 17:15 |

=================

17 júlí 2007

Orð dagsins: Samræður.


Þetta var skrifað kl. 15:39 |

=================



Hvað kom fyrir?


Þetta var skrifað kl. 13:11 |

=================

16 júlí 2007

Nót tú self:

Ekki fara á kertavökur til minningar um hund nema líkið hafi fundizt.


Þetta var skrifað kl. 20:00 |

=================



Afsakið mig hvað þetta lítur illa út en þannig er mál með vexti að ég er að reyna að koma mer inn í þennan heim aftur.

blessbless í bili

Efnisorð:



Þetta var skrifað kl. 17:17 |

=================



Orð dagsins: Alþjóðakjarnorkumálastofnunarinnar


Þetta var skrifað kl. 16:42 |

=================



Prufa 2

'Eg er að komast í gang!


Þetta var skrifað kl. 16:41 |

=================



Allir þeir sem halda (því fram) að Mrs. Robinson sé lag með Bítlunum eru imbar.

Þó halda ekki allir imbar að Mrs. Robinson sé með Bítlunum.


Þetta var skrifað kl. 14:12 |

=================

13 júlí 2007

Orð dagsins: Morgunblaðið.


Þetta var skrifað kl. 20:18 |

=================



Loksins

Allar tilfinningar í þá átt að eff sé á eftir gé í stafrófinu eru horfnar.


Þetta var skrifað kl. 12:50 |

=================



Þegar ég var í grunnskóla gerði ég heimildaritgerð í sögu. Ég var svo ófyrirleitinn að ég skellti heimildinni Alnetið eftir Al Gore á heimildaskrána mína. Sögukennaranum þótti það ekkert sniðugt enda er ég ekki viss um að hann hafi skilið brandarann.

Það var ekki fyrr en í dag sem ég sá að auðvitað er Al Gore að segja satt þegar hann segist hafa fundið upp alnetið, annars héti það ekki Al-netið.


Þetta var skrifað kl. 11:18 |

=================

12 júlí 2007

Orð dagsins: Blekklessa.


Þetta var skrifað kl. 17:30 |

=================



Austurstræti 8: Geggjuð staðsetning.
Aðalstræti 6: Góð staðsetning.
Kringlan 1: Sæmileg staðsetning.
Hádegismóar 2: Vond staðsetning.


Þetta var skrifað kl. 12:50 |

=================



Orð dagsins: Ástríða.


Þetta var skrifað kl. 01:46 |

=================

11 júlí 2007

Það er næstum sama við hvern þú ert að tala, það er alltaf hægt að býsnast yfir tízkunöfnunum. Ef DarriSnær- og GlódísMist-nöfnin ber á góma kemur sami tónn úr öllum hálsum. Hneykslan og hryllingur.

Hvernig þrífast þessi nöfn þá?


Þetta var skrifað kl. 11:45 |

=================



Smári litli hlustaði á uppáhaldið sitt Elvis Presley á háum styrk. Allt í einu fann hann fyrir nístandi sársauka um næstum allan líkamann. Í sömu andrá gekk pabbi Smára inn í herbergið, til þess að segja honum að lækka; þegar hann sá angistarsvipinn á syni sínum varð hann auðvitað áhyggjufullur og spurði hvað væri að. Angistarsvipur Smára hvarf eins og dögg fyrir sólu, var skipt út fyrir indælan svip, svona svip sem bræðir fullorðið fólk. Smári sagði að allt væri í lagi og hugsaði með sér að kóngurinn hefði þarfari hnöppum að hneppa en að pæla í þessu helvíti.


Þetta var skrifað kl. 11:27 |

=================



Það er greinilegt að blessuðum er ekki ætlað að synda yfir Ermarsundið.


Þetta var skrifað kl. 00:22 |

=================

10 júlí 2007

Orð dagsins: Kungfú.

… og þessi sama kona var með appelsínuhúð í framan.


Þetta var skrifað kl. 21:00 |

=================



… sagði Guy Verhofstadt, forsætisráðherra Belgíu, við upphaf ráðstefnu um fólksflutninga sem hófst í gær.

Mér finnst skemmtilegt hvað einn stafur getur haft mikil áhrif.

… sagði Guy Verhofstadt, forsætisráðherra Belgíu, við upphaf ráðstefnu um fólksflutninga sem hófust í gær.


Þetta var skrifað kl. 19:34 |

=================



Ég kaupi öll mín leikföng í Völuskríni.


Með réttri markaðssetningu og góðu slagorði slægi leikfangaverzlunin Gamlir leggir líklega rækilega í gegn.


Þetta var skrifað kl. 16:28 |

=================



Einu sinni var ég ekkert mjög veraldarvanur. Ég fangaði skordýr innandyra og henti þeim út. Þegar ég henti þeim út datt mér ekki í hug að það heyrðist þegar dýrið lenti. Hvað þá vel. Nú er ég veraldarvanur og býst við lendingu.


Þetta var skrifað kl. 15:39 |

=================