Veldu þér tölu:

Fjötur

Henrik
Þingeyingurinn
Þóra Elísabet
(Arngunnur
Bessi
Edda og Egill
Jón Emil
Kristján
Söllenbergers)

Kátir piltar
Mottumaðurinn
Walrus

Gamalt og gott

janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
febrúar 2009
mars 2009
apríl 2009
maí 2009
júní 2009
júlí 2009
ágúst 2009
september 2009
október 2009
nóvember 2009
desember 2009
janúar 2010
febrúar 2010
mars 2010
apríl 2010
maí 2010
júní 2010
júlí 2010
ágúst 2010
september 2010
október 2010
nóvember 2010
desember 2010
janúar 2011
febrúar 2011
mars 2011
apríl 2011
maí 2011
júní 2011
júlí 2011
ágúst 2011
september 2011
desember 2011



30 desember 2005

Svári...og þú ert í þriðja klassa

Á sínum tíma var ég leiður yfir því að þurfa að fara, en nú get ég ekki lýst ánægju minni yfir því að hafa farið.

"Hvað á að gera um áramótin?" Þessi spurning prýðir margar bloggsíðurnar um þessar mundir og svörin eru oft skondin. Nasa, heimaparty, bærinn eru algeng svör, en það er víst hópur fólks sem ætlar að skella sér inná Þórshöfn. Hmm...skv. heimildum hefur þessi ákveðni ónafngreindi hópur úr mörgum stöðum að velja. Fyrst að Þórshöfn varð fyrir valinu þá hlýtur að vera e-ð varið í þann stað. Jú, ef minnið svíkur mig ekki er bar þarna sem heitir Hafnarbarinn (Hverfisbar norðursins)...
Jahá, spennandi að fylgjast með þessu, hvernig helgin á þórshöfn verður. Kannksi Ásgeir Kolbeins skelli sér á djammið á Hafnarbarnum og tjekki a stemmaranum þar?

Jú menn tala um hringrás lífsins, en það má ekki taka þessu of bókstaflega. Kynslóð eftir kynslóð og ekkert breytist. Hræðslan við að fara er ótrúlega sterk, eins og minnimáttakenndin sé fullkomnuð þegar fæti er stigið yfir landamærin. Ég hef kynnst þessu. Var kominn á kaf í þetta, en mér tókst að rífa mig upp úr þessari sjálfsvorkunn og komast á réttan kjöl. Veit ekki alveg hvað hjálpaði mér, en eitthvað var það.

"Pabbi, getum við keypt hús hérna?" Jebb, ég lét þessi orð falla á sínum tíma, en sem betur fer var ekki hlustað á mig, enda á ég skynsama foreldra sem hlusta ekki á svona bull!

Næsta sumar mun Nördafélagið leggja akur undir loppu og reyna að koma vitinu fyrir þessum þjóðflokk. Jú, það má líta á þetta sem einhverskonar kristniboðastarf. Get engu lofað en við munum gera okkar besta, en þetta verður hörð barátta.

Ég var að spjalla við félagana í gær. Þá barst til tals gamlárskvöld fyrir rétt tæpu ári síðan. Þar gerðist margt skemmtilegt og sniðugt. Þá var sagt við mig "ef þú hefðir spilað öðruvísi úr spilunum þá væriru kannski bara hamingjusamur núna" ég brást snöggur við, og áður en fiskur hafði verið dreginn að landi, svaraði ég um hæl "Hey, ég er hamingjusamur!"


Jæja...sí ja

Drekinn


Þetta var skrifað kl. 19:00 |

=================

26 desember 2005

Sævar...og þú ert brjálaður!

Ég sit hér heima og er að horfa á fótboltaleik númer 2 í dag. Ég byrjaði á að horfa á Chelsea vinna Fulham óverðskuldað eins og alltaf þegar Chelsea á í hlut. Fulham stóð sig vel og átti að fá víti þegar 2 min. voru eftir þegar fyrirliði Chelsea brá sér í gervi markmanns og skutlaði sér stórkostlega og varði með miklum tilþrifum inni í vítateig, þegar Brian Mc Bride átti hörkuskot að marki Chelsea.
Mér var svosem sama um þetta, skiptir ekki miklu máli. En svo byrjaði leikurinn, ohhhhh djöfulsins aumingjar...sorry leikurinn er enn í gangi. En já, Liverpool-Newcastle, draumaleikur. Leikir þessara liða hafa ávallt verið skemmtilegir og fjörugir, og Liverpool hefur oftar en ekki borið sigur úr bítum og svo virðist sem þessari velgengni ætli að halda áfram.
Leikurinn hefur verið frekar leiðinlegur hingað til. Liverpool byrjaði af miklum krafti og skoraði verðskuldað mark eftir 10 min. En...svo leið á leikinn og ég varð reiðari og reiðari. Í fyrsta lagi skil ég ekki hvernig varnarmenn Newcastle geta ekki tekið boltann af Hrossaflugunni a.k.a Peter Crouch...Trekk í trekk hélt hann boltanum og Titus Bramble og co, stóðu bara og horfðu á hann, kannski voru þeir að skoða þessar löngu lappir, eða kannski vildu þeir ekki snerta hann því sagan segir að Peter Crouch sé brothættari en gler. En allavega, til að fullkomna allt skoraði Crouch á 43. min. Já, ég sagði ekki mikið í hálfleik. En svo kom seinni hálfleikur. Ég aldeilis ekki búinn að játa mig sigraðan, kom að tækinu og byrjaði að horfa í búning og allt. Byrjar frekar rólega en svo gerðist það sem allir höfðu beðið eftir..slagsmál, og hver annar en lee bowyer sem átti upptökin....Það sauð úr mér, ég varð svo reiður, kellingin hann Snorri ma´r sem var að lýsa leiknum réttlætti þetta rauða spjald, þorði eflaust ekki öðru en góðir lesendur. Þetta var ekki rautt spjald!!! Alonso er eitthvað að bauka með boltann og Babayaro glefsar aðeins í lappirnar á honum, en Alonso stóð þetta af sér. Svo kom Bowyer með harða tæklingu og náði boltanum. Alonso liggur eftir vælandi, og hrossaflugan kemur og hrindir Bowyer, og svo kemur Steve Gerrard og tekur Bowyer hálstaki...dómaradjö...gaf Bowyer rautt og hrossaflugunni gult spjald. Ég varð svo reiður að é hætti að horfa. Steven Gerrard, mér líkaði vel við hann en núna, er hann kominn í hóp með Martin Keown og Guðmundi Benediktssyni. Hvað var hann að hugsa? Hann kemur að Boywer sem stóð bara þarna og rífur um hálsin á honum, en sleppti svo strax þegar hann áttaði sig á því að Boywer gerði ekkert á móti. Þessi Gerrard ætlaði bara að reita hann til reiði....ohhhh ég brjálaðist. Þessi Gerrard sem allir elska, ætti að skammast sín! en auðvitað fékk han ekki spjald, hvers vegna? Tja..af sömu ástæðu og fyrirliði Chelsea fékk ekki á sig víti kannski? Þessi Gerrard....ræfill!

jæja...farinn að spila fifa 2006. Tækla bara Gerrard í þeim leik.

--------------
Viðbót frá ára
--------------

Ég sá nú ekki betur en að það hafi verið hann Solano sem fékk sömu meðferð og fyrirliði Chelsea.

Hálstak? Þetta minnir mig nú bara á brandarann sem endar á pönsjinu: ,,Kyrktu hann, Emil, kyrktu hann!"

Og ekki láta það líta út eins og Alonso hafi verið að væla að ástæðulausu, ég er næstum vælandi núna þegar ég hugsa um þessa tæklingu.

Fyrirliði Newcastle er heldur ekki saklaus og fékk því hina frægu fyrirliðameðferð.

Takk fyrir.

ári

-------------
Viðbót lokið
-------------
later, Sv


Þetta var skrifað kl. 17:26 |

=================

23 desember 2005

300. færslan

Vinstri, hægri, vinstri, hægri. Þeir voru sannarlega jafnfljótir, mínir tveir í nótt. Milt var í veðri og snjór á jörðu. Klukkan var rétt rúmlega þrjú og ég var einn. Jólaljósin reyndu hvað þau gátu að yfirbuga skammdegisþunglyndið en án árangurs. En þegar ég gekk fram hjá Nesvegi 64 gerðist nokkuð. Tónlist ómaði frá húsinu. Ég stanzaði og horfði í átt til þess. Andrea Boccelli, með sitt frægasta lag. Mér finnst það bara sæmilegt en þarna snerti það mig. Ég stóð og horfði í átt að húsinu og hlustaði á næstum allt lagið. Ég hugsaði ekkert, ekki hvort að ég ætti ekki að fara að koma mér heim, ekki af hverju fólk var að blasta Andrea klukkan þrjú aðfaranótt föstudags, ekkert. Ég hlustaði bara. Mér varð hlýtt. Gleðileg jól.

Þið getið þetta aldrei:

1. Úti í hinum stóra heimi heyja menn enn stríð...
2. Þú ert góður, þú ert sætur...
3. Ég bíð, ég horfi út í myrkrið...
4. Allt er nú breytt, sameinumst í eitt...
5. Gluggagægir kom auga á Jóa...


Þetta var skrifað kl. 15:55 |

=================

22 desember 2005

Svári...og þú tryllist af gleði

Ég verð bara að tjá gleði mína. Henni er samt ekki hægt að lýsa með orðum, veit ekki alveg hvernig ég get túlkað gleði mína, svo að þið lesendur fáið tilfinningu fyrir henni, því hún er býsna mikil. En nú hugsa margir.."af hverju er hann svona glaður?" Jú sko, málið er einfalt. Ég kláraði reyndar prófin í gær en það er aukaatriði...Ég vaknaði í morgun klukkan 11:35, hugsið ykkur. Ég hef ekki sofið svona lengi síðan síðasta sumar. Æðisleg tilfinning að sofa svona lengi, en ég var ekki hress þegar ég vaknaði, ónei kæru lesendur. Ég var með þvílíkan hausverk, en það gerir ekkert til. Það hefði verið vandamál ef ég hefði þurft að vakna kl.8 til þess að fara að lesa, en nei, ég þurfti einungis að vakna til þess að fara í kringluna...kommon kringluna, þá er nú í góðu lagi að vera slappur. Já, síðustu vikur hef ég farið aðsofa klukkan 02 og vaknað um 8. Þá beið mín oftast bók á borði,en nú.......
Ég kom heim klukkan 3 í gærkvöldi og í slæmu ástandi. Ég var svo svangur og ákvað að fá mér að borða. Jú jú, ég komst upp stigann, eftir nokkrar tilraunir og labbaði inn í eldhús. Þá opnaði ég ísskápinn en sá ekkert merkilegt. En ég dó ekki...ráðalaus. Ég leitaði að brauðristinni og fann hana loksins , auðvitað var hún þar sem hún er alltaf. Ég setti brauð í og beið og beið. Svo loksins var brauðið til og ég byrjaði að borða það...en eitthvað vantaði, fullskrýtið brauð. Jú, ´
ég gleymdi smjörinu...hlaut að vera. Ég fór og náði í smjör, og setttist aftur við borðið, og kveikti á útvarpinu. En vitleysingurinn ég þurfti nú e-ð til að smyrja með...ég leitaði að hnífi en fann engann svo að ég tók bara skeið og notaði han a til þess að komasmjörinu á brauðið sem var orðið ansi kalt. Ég hætti þessu og fór niður, ætlaði bara að kveikja á tölvunni til þess að tjékka á Ríkjunum, en engin ríki. Svo vaknaði ég og klukkan orðin 11. Ég ljómaði allur!
Ég komst að því síðar um daginn að eldhúsið var ekki ég mjög góðu ástandi þegar fólkið kom að því snemma um morguninn. Sorry, tek þetta á mig.

"Wake me, take me back to the ground. You are the best loser I´ve ever found" Kallinn sleypur í enskunni...enda í stöðugri æfingu.

"You feel like the fool in the hill"

Hössi fékk hnéspark í magann í gær....ef ég hefði verið á staðnum ´þá hefði ég sko tekið í gaurinn.....haha

Klipping klipping...

Doktor...

1. Við skátar erum yfir höfuð ekki mikið inná krám...

2. Er lægst er á lofti sólin...

3. Við erum gættnir í umferðinni engum verðum að bana...


Later....Sv


Þetta var skrifað kl. 14:44 |

=================

21 desember 2005

Jólabókhlaðan

Margar bloggsíður hafa verið duglegar (þ.á m. þessi) að láta vita af því þegar jólin koma. Í dag komu jólin hjá einum. Ég gekk í bæinn og sá allt fólkið. Maður veit að það eru jól þegar maður horfir á mannfjölda á Laugaveginum og sér að mikill meirihluti er íslenzkur. Annars reyndi ég að kaupa jólagjafir. Nú er ég á Þjóðarbókhlöðunni, var að blasta Jimi Hendrix á tónhirzlunni. Hér eru nokkrir, skil ekki hvað þeir eru að gera. Ég keypti engar jólagjafir. En ferðin var þó ekki til einskis. Ég held að þreytan í fótleggjunum hafi líka sitt að segja um jólaskapið. Þegar ég er búinn að labba heim ætla ég að fá mér smákökur og mjólk, og láta þreytuna líða úr fótunum á meðan ég hugsa hvernig bezt væri að haga tiltekt í herberginu mínu. Hafið þið lesið stefnulausari texta?

Ég vaknaði þunnur í morgun. Það er skrítið. Af hverju er það skrítið, Kári? Já, sjáðu til, í fyrsta lagi verð ég aldrei þunnur, í annan stað kann ég mér hóf í áfengisdrykkju og í þriðja lagi hef ég ekki svo mikið sem þefað af áfengum drykk síðan í nóvember. Af hverju var ég þunnur?

Nú ætla ég að ganga í Úlfarsfell að reyna að klóra í bakkann í jólagjafainnkaupum, en í Úlfarsfelli fást allar jólagjafirnar nema ein, og það er Death Before Disco með Jeff Who?

En þið nennið ekkert að lesa það sem ég skrifa, þið viljið bara fá spurningar. Ja, Sv1 er nú búinn í prófum og líklega líður ekki á löngu þar til doktorinn lætur sjá sig.

Annars er ég hættur að gefa eitt stig í einu. Þegar sólarhringur er liðinn frá því að spurningar voru settar á netið fer að koma að því að ég loka fyrir fleiri svör og tel saman stig fyrir alla. Þetta gerir það að verkum að hver má gizka oftar en einu sinni en ef maður gizkar aftur hefur maður sjálfkrafa tekið sitt fyrra svar til baka.

Annars fengu Edda og Ásgeir og Edda sitt stigið hvort síðast. Og myndin er af flautuleikaranum Bobbi Humphrey. Ef þið ætlið að leita að henni á Google ætti að vera nóg að skrifa bara ,,Bobbi" því að þetta er ekkert algengt nafn.


Þetta var skrifað kl. 16:43 |

=================

19 desember 2005

Jæja, samleitnu raðirnar mínar. Þá er komið að því. Ég ætla að spyrja ykkur nokkurra spurninga. Mest bara eitthvað sem þið hafið ekki getað svarað áður. En eitthvað nýtt líka, gangi ykkur vel.

1. Ég var að hlusta á tónhirzluna mína og gaf henni skipun um að spila lög í slembiröð. Hún er svo sniðug að hún spilaði þessi lög í þessari röð: Calm Like a Bomb, Gasoline, Blow Up The Outside World. Það fannst mér nokkuð sniðugt af henni blessaðri. Af hverju fannst mér það?

2. Hver spilar á munnhörpu í Strax í dag með Stuðmönnum?

3. Á hvað spila
r þessi?




Síðan koma miklu fleiri spurningar síðar. Gangi ykkur allt í haginn.


Þetta var skrifað kl. 21:24 |

=================

17 desember 2005

Svári...og þú ert kominn í jólaskap


Erfiður dagur er að baki. 4 tíma svefn síðustu nótt, erfitt próf, krefjandi bolti og þannig mætti lengi telja. Eftir að hafa snætt kvöldmat í faðmi fjölskyldunnar, þar sem rifjaðar voru upp margar skemmtilegar minningar þar sem Jói fór með aðalhlutverk, settist ég niður í sófann og horfði á sjónvarpið. Jú, hlómsveit kvöldsins var að stíga á stokk, í þetta sinn ekki af lakari endanum. KK og Ellen Kristjánsdóttir áttu sviðið í kvöld.
Þar sem ég hef ávallt verið mjög duglegur við að vakna snemma síðstu morgna þá hef ég hlustað í bland við morgunmatinn á morgunútvarp rásar2 og heyrt ófá lög með þeim systkinum, og með það í huga þá ákvað ég að horfa á þáttinn.
Ég lá í sófanum, lokaði augunum og hlustaði...allir voru þarna, ég mamma, jói, pabbi og meira að segja maría. Um leið og fyrstu tónarnir litu dagsins ljós þá þögnuðu allir, rétt eins og einhver æðri hefði bara tekið allt hljóð í burtu. Þá fór um mig einkennileg tilfinning á meðan ég lá þarna. Mér leið eins og ég væri aleinn og þau tvö stæðu rétt fyrir framan mig, ja í bara svona nokkra metra fjarlægð, og spiluðu lögin sín fyrir mig. Nálægðin gerir þetta svo fallegt og innilegt allt saman. En svo hrökk ég upp, eftir að hafa legið þarna í sæluvímu, hvað haldiði, stjórnandi þáttarins hún "Magga stína" byrjaði að tjá sig, með sinni undarlegu sviðsframkomu. Sem betur fer talaði hún ekki lengi því aftur fór allt á fullt heima og allir byrjuðu að tala. Svo byrjuðu þau tvö aftur....Nú verður ekki hjá því komist, jólaandinn náði völdum í líkama mínum og tók sér bólfestu þar, og er ekki að fara neitt.

Já svona getur lítið atriði gert mann svona hamingjusaman,

Later...(Jóla)sv1


Þetta var skrifað kl. 22:25 |

=================



Árnagarður

Það styttist í það að ég gangi í fyrsta sinn inn í Árnagarð.

1. Í auglýsingu fyrir hvaða íslenzka veitingastað spilar djassgoðsögnin Django Reinhardt (á gítar)?
2. Hver spilar á munnhörpu í
Strax í dag (Stuðmenn)?
3. Á hvaða hljóðfæri spilar fagra konan á myndinni fyrir neðan?


Þetta var skrifað kl. 00:10 |

=================

16 desember 2005

Ómaklegt

Kastljósþátturinn í gær endaði á hugljúfu jólalagi í flutningi Eivarar Pálsdóttur, Moniku Abendroth, Hallfríðar Garðdal og tveggja kóra. Mörgum sem á horfðu þótti þetta viðeigandi með meiru en ekki mér.

Eivör er að keppa í Jólalagasamkeppni Rásar 2 um þessar mundir, með einmitt laginu sem hún söng í gær. En eins og við vitum öll komst Magnús Ingi Sveinbjörnsson, eða Maggi Trymbill eins og lesendur þessarar síðu þekkja hann, einnig í úrslit. Við megum ekki láta Eivöru nota frægð sína svona til að brjóta þessa samkeppni á bak aftur, minnir á Flugleiðir.

Þess vegna verðum við að gera allt sem í okkar valdi stendur til að koma henni í annað sæti í þessari keppni. Og þar eð það eru bara tvö lög í þessari keppni sem eitthvað er varið í (bæði heita þau Jólanótt) er ljóst að við verðum að kjósa Magga eins vel og mikið og hægt er. Berjumst gegn fákeppni, kjósum Magga!

Hér er hlekkur á síðuna sem þar sem hægt er að kjósa.

Gerizt frelsishetjur í dag.


Þetta var skrifað kl. 09:59 |

=================

15 desember 2005

Þessi síða tekur sig alvarlega, og leikinn líka.
Þetta er ekki gítar.


Þetta var skrifað kl. 18:47 |

=================



Jólapróf

Ef ekki er hægt að treysta á fræðin á maður víst ekki aðra úrkosti en að treysta á gáfur. Gáfur? Ég er bara ekki gerður til að læra fyrir próf. Ég ætla ekki að treysta á neitt, bara vona það bezta.

1. Hvað er Love Rock?
2. Hvað framleiðir bæði mótórhjól og gítara?
3. Tiltölulega óþekktur maður, Friðrik Ómar, er áberandi fyrir þessi jól. Hann kom fyrst fram á sjónarsviðið þegar hann tók lag í sjónvarpsþætti á Stöð 2. Hvaða lag?


Þetta var skrifað kl. 12:46 |

=================

13 desember 2005

Grænn skítur

Ein bezta bloggsíða síðari ára er auðvitað Grænn skítur þar sem fimm háskólanemar skiptust á pistlum. Oftar en ekki voru þeir beittir. En því miður er hún líklega dauð.

Þeim var einmitt alveg sama þótt að það væru próf. Þeir blogguðu sem óðir á þeim tíma. Ég líka, en ég nenni ekki að gera neitt sjálfstætt núna, þannig að þessi færsla verður morandi í texta eftir aðra.

Á Grænan skít.

Ég: Mmmmmjáááááá, Bjössi.
Viðmælandi: Sæll, X hérna.
Ég: Hvað segir hann?
Viðmælandi: Bara allt fínt. Búinn að lesa allt efnið þrisvar og glósa það einu sinni. En þú?
Ég: Var að byrja á þessu.
Viðmælandi: Nú, já. Sko, maður er ógeðslega lengi að lesa þetta. Svo þarf maður eiginlega að glósa þetta líka. Úff, þú verður að halda þér vel við efnið.
Ég: Gott að vita það.
Viðmælandi: Þú verður bara að fletta hratt í gegnum þetta eða eitthvað. Samt er oft spurt út í smáatriðin þannig að þetta er þungur róður.
Ég: Já, já, þetta er ekki gott.
Viðmælandi: Nei, en heyrðu ég verð að drífa mig. Ætla að lesa yfir glósurnar í rólegheitum fram að prófi. Gangi þér vel.
Ég: Takk fyrir að hringja.

Af Grænum skít.

Já, svona eru sumir. Y, vinur minn, er einn af þeim nema hann tönnlast líka á því hvað hann sé í ruglinu þótt hann sé öldum á undan mér í námsefninu. Ég þori ekki að segja við hann að mér finnist þetta óþægilegt, þannig að ég set þetta bara á netið, og vona (veit) að hann lesi þetta.

Á msn.


Y says:
ég tjáði foreldrum mínum það við matarborðið áðan að ég væri alvarlega að íhuga að hætta í þessu...

Af msn.

Á Grænan skít.

Nú er próflesturinn að fara í gang, eða ætti réttara sagt að vera að fara í gang. Á þessu tímabili verða ótrúlegustu og ólíklegustu hlutir eftirsóknarverðir; allir hlutir nema það að læra. Ég er til dæmis núna búinn að vera að fylgjast með umræðum á Alþingi í sjónvarpinu. Nú er Drífa Hjartardóttir, Samfylkingu, að ræða um dýralækna og heilbrigðisþjónustu við dýr. Hversu leiðinlegt er það? Drífa? Leiðinleg. Samfylkingin? Leiðinleg. Dýralæknar? Óspennandi. Heilbrigðisþjónusta við dýr? Whatever.

Á þessu tímabili gerast aðrir skrýtnir hlutir. Þessa dagana ganga skyndilega mun fleiri í jogging-buxum en venjulega. Ég hef aldrei áttað mig á þessu. Bara út af því að fólk er í prófum þá er allt í einu í lagi að fara í jogging-gallann sinn, setja á sig trefil, hætta að raka sig og vera sífellt með vatn í gosflösku. Þetta lið segir að þetta sé svo einstaklega þægilegt. Af hverju er það þá ekki svona alla daga? Nei, þetta er bara bölvuð tilgerð, rembingur og ranghugmyndir um það að vera í prófum sé þvílík þrekraun og pína að maður verður hreinlega að gera allt sem maður getur til þess að láta sér líða vel.

"Hey, sérðu þennan, hann er í jogging-buxum og með trefil. Hann hlýtur að vera í prófum, ææ hvað hann á erfitt, en duglegur er hann."

Svona heldur jogging-liðið að fólk hugsi þegar það sér búninginn. En nei, það er á öðrum nótum tel ég, líklegra að það sér eitthvað á þessa leið...

"Hey, sérðu þennan, hann er í jogging-buxum og með trefil. Djöfulsins gimp maður."

Af Grænum skít


Höfundar pistla voru Björn Viðarsson og Þorbjörn Sigurðsson. Höfundur msn-málsgreinar var Y Yson.


Þetta var skrifað kl. 22:30 |

=================

12 desember 2005

Þessir Verzlingar

Ég var að enda við að eyða nokkrum tíma á Þjóðarbókhlöðunni. Ég var svo heppinn að ná í borð númer 177 sem er eitt af mínum uppáhaldsborðum. En það skyggði á gleði mína mennirnir sem plöntuðu sér seinna á nágrannaborð mitt sem er fjórmenningsborð. Þetta voru þrír Verzlingar, eða fyrrverandi svoleiðis. Einn þeirra ber skammstöfunina JRJ, en köllum hina bara Gísla og Eirík. Verzlingarnir voru mjög duglegir. Gísli var duglegur að taka út og setja í sig eyrnatappa, JRJ var duglegur í þessu og Eiríkur var duglegur í því að góna út í loftið. Saman voru þeir duglegir að hvísla. Þegar klukkan var farin að ganga ellefu urðu þeir allir mjög órólegir. Þeir þurftu jú mat. Þeir skiptust á því að spyrja hvort að þeir ættu nú ekki að fara að éta eitthvað. Héldu því áfram í tvo tíma eða svo og fóru loksins að borða klukkan tólf. Ég veit ekki hvar svona verzlingar borða en þeir hljóta að hafa farið í Sambúð því að þeir áttu ekki afturkvæmt í hlöðuna fyrr en klukkan hálftvö. Ég vil líka hrósa þeim fyrir óbilandi traust á mannkyninu öllu því að JRJ skildi eftir fartölvuna sína og hinir skildu eftir þykkar og litríkar reiknivélar. Þeir komu aftur og fóru beint í þetta, núna allir saman. Stóðu og hvöttu þann sem spilaði til dáða, í hálfum hljóðum að sjálfsögðu. Þegar Eiríkur fór að veifa greiðslukortinu sínu af enginni sýnilegri ástæðu ákvað ég að ég þyrfti að fara. Og ég fór.

Afsakið að ég kalla þá Verzlinga, þeir eru að sjálfsögðu háskólanemar (sem voru nokkuð vissir á því að það kæmi eitthvað um jaðarframleiðslu á prófinu, nót ðat).


Þetta var skrifað kl. 15:26 |

=================

11 desember 2005

Það rignir á mig skemmtilegum bréfum. Í þetta sinn var það tölvupóstur:


Kæri nemandi,

Samkvæmt bókum okkar ert þú skráður í lokapróf í
Tölvunarfræði I/Ia, en hefur ekki skilað neinum
forritunarverkefnum. Athugið að til að öðlast
próftökurétt er nauðsynlegt að skila í það minnsta
8 forritunarverkefnum. Undantekning frá þessari kröfu
er gerð fyrir þá sem höfðu sannanlega öðlast próftökurétt
haustið 2004 eða 2003.

Vinsamlegast hafið samband við kennara ef þetta stenst ekki.

Magnús


Þetta var skrifað kl. 21:45 |

=================



Vísbendingaspurning

Spurt er um hljómsveit.
Fyrsta vísbending þrjú stig. Við sjáum mynd.


1. Hver er hljómsveitin?


Þetta var skrifað kl. 16:55 |

=================

10 desember 2005


Fegursta kona heims

Ég man þegar hún var skotin í Brynjari Erni Árnasyni. Nei, ég man það nú reyndar ekki.

Magnús Trymbill fær eitt stig frá mér fyrir að komast í sex laga úrslit í hinni frábæru Jólalagasamkeppni Rásar 2. Ég held að hann muni vinna.



Jólalag Köngulóarbandsins - Köngulóarbandið (lag og Texti: Köngurlóarbandið)
Jólanótt - Eirvör Pálsdóttir ásamt Kór og Gradualekór Langholtskirkju(Lag og texti: Eivör Pálsdóttir - Stjórnandi: Jón Stefánsson)
Við höldum jól - Halla Vilhjálmsdóttir (Lag og texti: Björn Guðni Guðjónsson - Hljóðfæraleikur: Vilhjálmur Guðjónsson)
Eru ekki jólin yndisleg? - Nesvinir(Lag og texti: Stefán Logi Sigurþórsson)
Jólanótt - Magnús Ingi Sveinbjörnsson(Lag og texti: Magnús Ingi Sveinbjörnsson)
Það er aðfangadagskvöld - Ragga Spes(Lag og texti: Rakel Axelsdóttir)


Þetta var skrifað kl. 16:11 |

=================

09 desember 2005

Svári...og þú ert fallinn

Kæru lesendur, ég tilkynni hér með að ég er fallinn.
Ég áttaði mig á þessu seint í gærkvöldi. Ég sat og var að hlusta á útvarpið inni í herberginu mínu. Allt i einu tek ég eftir því að ég er farinn að raula með...en þetta hefði verið í lagi ef lagið sem ég var að raula með hefði ekki verið jólalag!
Ég hugsaði með mér: Ekki, ekki...slökktu á útvarpinu...en ég gerði það ekki fyrr en 10 min. seinna.
Í jólaprófum hef ég fylgt eftirfarandi reglu; Forðast allt sem tengt er jólum þangað til að prófin eru búinn, en það getur verið erfitt, sérstaklega með jólalögin.

Svo rann dagurinn í dag upp. Ég fór og fékk mér að borða um 10 leytið, og kveikti á útvarpinu í algeru hugsunarleysi...J'ujú...jólalögin stoppa ekki og ég söng með eins og mér væri borgað fyrir það.

Nú hef ég sett sjálfan mig í einangrun og hlusta ekki á neitt...gengur ágætlega enn sem komið er. Ég vil hvetja all til að fara varlega því að jólalögin leynast víða.

Svo var það í dag.. mamma byrjaði að spóla í brekkunni fyrir framan húsið. Unnbjörg. maría og þórhanna koma til mín og segja að ég verði að hjálpa mömmu. Ég hleyp út og sé mömmu fasta í brekkunni. Hún biður mig að ýta bílnum en allt kom fyrir ekki, hann spólaði bara. Þá ákvað ég að prufa eitt. Ég sagði mömmu að reyna að keyra áfram og á meðan hún gerði það þá lyfti ég afturhlutanum á bílnum upp og rétti hann af, jú sjáiði til mamm var að reyna að bakka niður brekkuna en bíllinn rann bara stjórnlaus til hliðar og út í kannt. Ég lyfti og rétti bílinn af, ekkert mál, mamma fer sína leið og ég labba inn. Ég er ekki fyrr sestur fyrir framan skrifborðið mitt en Unnbjörg kallar; Mamma Pabbi,,vitið hvað, Sveinn hann hélt á bílnum hennar mömmu sinnar, hann er sko ógeðslega sterkur! Hann getur pottþétt haldið á okkar bíl líka, og bendir á Nissan Jeppa...
Ég hló og hugsaði með me´r hversu æðislega nágranna ég ætti...


later,


Þetta var skrifað kl. 18:42 |

=================



Uppáhaldshátíðin mín

Var að enda við að hlusta á Favorite Things með Incubus sem er mjög skemmtilegt lag eins og önnur á þessari æðislegu plötu. En það minnir mig á að ég hef ekki spurt ykkur að neinu lengi.

1. Hvaða brezka hiphop-hljómsveit dustaði rykinu af lagi úr Sound of Music fyrir fáum árum við góðan orðstír?
2. Enginn er orðinn leiður á John Lennon, það er bannað. Ásgeir fagnar því líklega að fá tækifæri til að svara þessari spurningu því að vegna samsærisins, þið vitið, fékk hann ekki að svara síðast. En hvert var fullt nafn stjörnunnar?


Þetta var skrifað kl. 13:05 |

=================

08 desember 2005

Algebra og hnitarúmfræði

Sem betur fer verður þessi færsla ekki að meira leyti um algebru og hnitarúmfræði. Enda er ég kominn með nóg af henni. Einmitt þess vegna sem ég er að slá þessi orð inn í tölvuna, vegna þess að ég nenni ekki að gera neitt annað, alla vegana ekki að læra um fáfengilig hlutrúm. Úps, sorrí.

Ég hef verið með þessa færslu í hausnum um nokkurt skeið. Ástæða þess að hún hefur ekki verið birt fyrr er sú að ég hef verið að gera það upp við mig hvað ég ætti að hafa nafnleynd á mörgum. Ég hef komizt að þeirri niðurstöðu að ég ætla engum að hlífa enda er Svári frjáls, óháður og ókeypis fyrir alla netnotendur.

Jæja, nú koma tvær sögur af mér. Sú fyrri átti sér stað úti í Króatíu í ágúst 2004:

Ég var að næturlagi að fylgjast með skák sem fram fór undir berum himni. Ekki leið á löngu þar til ég var farinn að tefla sjálfur, fyrirliði í mínu liði, á móti einhverjum aulum í hinu liðinu. Ekki leið á löngu þar til þessi skák var orðin anzi vinsæl og hópaðist fólk að til að sjá hvorir bæru sigur úr býtum. Þeirra á meðal var Jens, síðar bókmenntafélagi minn, og hann spurði mig: ,,Hver á leik?" og ég svaraði að bragði: ,,Hommarnir, þarna hinum megin". Það hefði ég ekki átt að gera, af því að ég vissi alveg að Jens var og er hommi. Mér leið ekki vel í litla og auma hjartanu mínu. Og enginn sagði neitt um stund.

Hin sagan gerðist í vetur:

Ég sat í bíl í mikilli hálku. Við vorum fimm í bílnum, Maggi, Smári, Ásgeir, ég og Leifur. Sumir okkar þekktust betur en aðrir, en ég myndi segja að við hefðum ekki þekkzt vel, að meðaltali. Ég sat í miðjunni í aftursætinu, vinstra megin við mig var Ásgeir og hægra megin Leifur. Hringdi síminn hjá Ásgeiri og hann fór að tala í hann. Í útvarpinu ómuðu fréttir, einhver var að tala þýzku og ég apaði upp eftir útvarpinu: ,,...die Russische..." með gallalausum hreim. Þá spurði Leifur mig hvort að ég og Ásgeir höfðum verið í þýzku í MR. Ég sá mér leik á borði og ákvað að gera smá grín að því að Ásgeir hafði alls ekki tekið þýðverskuna heldur hið mjög svo kvenlega mál, frönsku. Þannig að ég svaraði: ,,Ég var í þýzku, en ekki homminn við hliðina á mér". Leifur spurði þá aftur: ,,Ég eða hann Ásgeir?", ég vissi ekki hvaðan á mig stóð veðrið en hélt í töffaraskapinn og kláraði samtalið á töff hátt, fannst mér.
Seinna þetta kvöld komst ég að því að Leifur er hommi.

Ég vona að bæði Jens og Leifur fyrirgefi mér þetta ef þeir hafa nokkuð orðið sárir, ég held nefnilega að þeir séu báðir mjög jafnlyndir menn.

Og ég vona líka að þið lærið eitthvað á þessum sögum, lesendur góðir.


Þetta var skrifað kl. 16:15 |

=================




8. desember

Nú er ég að hlusta á lag sem heitir Across the Universe með hljómsveit sem kallaði sig The Beatles á sjöunda áratug síðustu aldar. Það er alger tilviljun, shuffle songs sko. En eftir að þetta lag er búið ætla ég svo sannarlega að breyta því og hlusta á öll bítlalög á þessari smátónhirzlu minni. En söngvarinn í The Beatles, þ.e. sá sem er að syngja í eyru mín þessa stundina, hét John Lennon. Nothing's gonna change my world, nothing's gonna change my world. En heimi hans var breytt fyrir tuttugu og fimm árum upp á dag. Dagurinn sem John Lennon gaf aðdáanda sínum, Mark Chapman, eiginhandaráritun var dagur sem er mörgum í fersku minni. Ég man ekki eftir honum enda voru tæp fimm ár í fæðingu mína en ég hef heyrt af honum og lesið um hann. Allir vita að 8. desember 1980 var mikill sorgardagur fyrir allflesta tónlistaráhugamenn (alla vegana þeir sem hafa séð Opus herra Hollands) og langflesta tónlistarspekinga og ég veit fyrir víst að það eru þó nokkrir þannig sem lesa þetta. En ég vildi bara minnast á hann og minnast hans í leiðinni á þessum degi. Og við skulum vera þakklát því að snillingurinn var uppi á þeim tíma sem hægt var að taka upp rödd hans og hljóðfæraleik. Hann mun lifa jafnlengi og mannkynið allt.

I've got blisters on my fingers!



Þetta var skrifað kl. 12:49 |

=================

07 desember 2005

Eftir (1. hvað marga daga?) eru (2. hversu mörg ár?) síðan (3. hvaða mjög frægi tónlistarmaður?) var myrtur. Blessuð sé minning hans.


Þetta var skrifað kl. 12:16 |

=================

05 desember 2005

Svári...og þú birtist aftur

Nei, ég er ekki gufaður upp. Ég er ekki fluttur. Ég er ekki farinn. Ég er ekki undir áhrifum fíkniefna. Ég er hér...

Ég hef gengið í gengnum margt síðustu daga. Ekki sem maður gerir dagsdaglega, en ég bið bara Tambúrínumanninn um að spila lag fyrir mig, og viti menn hann gerði það.

Hafið stóra stöðugt þrumar
stendur vörð um nætur,
hvenær kemur næsta sumar?
spyrð þú guð og grætur.




Later, ég hef bloggað ...


Þetta var skrifað kl. 02:25 |

=================

04 desember 2005

Það eru bara listamenn sem tjá sig svona á blogginu sínu:

Tuesday, May 17, 2005

"You're the only sense the World has ever made..."
Riding the train to work I was listening to my new I-Pod mini, a present from Kitten. The first song to come on was "Ode to Billy Joe" followed by "Switching Off" by Elbow. I closed my eyes and the song washed over me... "and the curtains sigh, in time, with you ..." and my thoughts drifted back to Kitten who I had left warm and soft and sweet smelling in bed only half an hour ago ....I still pinch myself when I realize how blessed I was to meet her. Her love for life, her beauty, her imagination, her cheekiness ... and her patience with me.When we make love or when we fuck, I adore her abandonment ... how she slips into her inner self, lets her instincts and desires take hold of her, and gives herself totally.When we lay together in the dark, sated, being with her closes the circle of my life...


Þetta var skrifað kl. 22:24 |

=================

03 desember 2005






Mér fannst þetta svo létt fyrr í kvöld þannig að ég hendi hér inn eins og fimm myndum. Hver þeirra er annaðhvort af eða vísar í tónlistarmann. Fyrir hvern tónlistarmann sem þið nefnið réttan fáið þið eitt stig. En munið n-regluna.


Þetta var skrifað kl. 21:58 |

=================



Vísbendingaspurning

Spurt er um tónlistarmann, fyrri vísbending, tvö stig:

Við sjáum mynd.





1. Hver er tónlistarmaðurinn?


Þetta var skrifað kl. 20:05 |

=================

01 desember 2005

Ég fékk mjög ánægjulegt bréf áðan:

Þitt sveitarfélag greiðir ekki fullan kostnað fyrir þig!

Ágæti nemandi/forráðamaður

Mikið óvissuástand ríkir nú í rekstri Tónlistarskólaf FÍH.
Við okkur blasir sá vandi að sveitarfélög utan Reykjavíkur hafa endursent þá reikninga sem Tónlistarskóli FÍH sendi þeim vegna kennslukostnaðar. Sveitarfélögin neita að greiða fyrirliggjandi reikninga og hafa lagt fram einhliða gjaldskrá sem er í engu samræmi við launakostnað skólans.
Þessu til viðbótar vísa þau til samkomulags sem gert var 29. október 2004 milli Sambands íslenskra sveitarfélaga og menntamálaráðuneytis um greiðslur vegna nemenda í framhaldsskólum. Þetta samkomulag er ekki lengur í gildi.
Þetta þýðir einfaldlega að Tónlistarskóli FÍH treystir sér ekki lengur til þess að standa við kennslu nemenda sem eiga lögheimili utan Reykjavíkur. Vegna þessa neyðist skólinn til að segja þér upp skólavist með þriggja mánaða fyrirvara. Uppsögnin tekur gildi frá næstu mánaðamótum frá dagssetningu þessa bréfs, sem þýðir, að óbreyttu, að eftir 1. mars 2006 telst þú ekki nemandi við Tónlistarskóla FÍH. Ef til þessa óyndisúrræðis kemur munum við að sjálfsögðu endurgreiða þér skólagjöld frá 1. mars hafir þú þegar greitt þau.

Undirrituðum þykir mjög miður að svona er komið og vísar ábyrgðinni alfarið á þitt sveitarfélag.
Það er samt von mín að þú getir haft áhrif á þær einhliða ákvarðanir sem teknar hafa verið af þínu sveitarfélagi svo að þú getir haldið áfram námi.

Til viðbótar sendi ég þér útdrátt [sem ég sé reyndar hvergi] úr bréfi því sem var forsenda inntöku þinnar í skólann.

Virðingarfyllst


Björn Th. Árnason skólastjóri.



Hafir þú hins vegar lögheimili utan Reykjavíkur þegar þetta er skrifað verður þú áfram á biðlista þar til þú getur sýnt fram á undirritaða staðfestingu frá heimasveitarfélagi um að það greiði kostnað við námið umfram skólagjöld. Hér er átt við launakostnað kennara. Áfram mun nemandinn standa straum af skólagjöldum. Samþykki sveitarfélags verður að hafa borist skrifstofu skólans fyrir 2. ágúst nk.

Bréfi lokið.



Jæjajæjajæjajæja, Maggi trymbill? Jói trompet? Helgi sax?


Þetta var skrifað kl. 18:48 |

=================



1. Eftirfarandi textabrot má finna í hvaða lagi með hvaða listamanni/hljómsveit?

is it good to you 'cause you're working me

I want your love to surround

this space voodoo

fell into your third eye

is it feeling right? Baby, you're so tight.

2. Yoko Ono líkti látnum manni sínum við W.A. Mozart opinberlega um daginn. Um leið líkti hún félaga hans, Paul McCartney, við... Ja, við hvern?

Tvö stig fyrir rétt svar við fyrri spurningunni.


Þetta var skrifað kl. 16:19 |

=================



sgt. pepper
Sgt. Pepper's Lonely Hearts Club Band


Which Beatles Album Are You?
brought to you by Quizilla


Þetta var skrifað kl. 13:56 |

=================