Veldu þér tölu:

Fjötur

Henrik
Þingeyingurinn
Þóra Elísabet
(Arngunnur
Bessi
Edda og Egill
Jón Emil
Kristján
Söllenbergers)

Kátir piltar
Mottumaðurinn
Walrus

Gamalt og gott

janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
febrúar 2009
mars 2009
apríl 2009
maí 2009
júní 2009
júlí 2009
ágúst 2009
september 2009
október 2009
nóvember 2009
desember 2009
janúar 2010
febrúar 2010
mars 2010
apríl 2010
maí 2010
júní 2010
júlí 2010
ágúst 2010
september 2010
október 2010
nóvember 2010
desember 2010
janúar 2011
febrúar 2011
mars 2011
apríl 2011
maí 2011
júní 2011
júlí 2011
ágúst 2011
september 2011
desember 2011



31 mars 2006

Mikið að gera?

Já, það er mikið að gera hjá mér. Þetta gæti litið út fyrir að vera mont en ég er ekki að reyna. Ég er í fimmtán og hálfrar einingar háskólanámi, þar af átta einingum í stærðfræði. Ég stunda trommunám (sem reyndar hefur lítið farið fyrir síðustu vikur) við Tónlistarskóla FÍH. Einnig mætti segja að ég sé í djasshljómsveit. Ég vinn við ræstingar ásamt því að taka að mér gigg með Hljómsveit Egils Halldórssonar (vel á minnst, ég var að fá skemmtilega hugmynd, Egill, ef það er ekki of seint að sækja um eitthvað skapandi í Hinu húsinu). En það sem hefur tekið mestan tíma upp á síðkastið er söngleikurinn Sálsveitin Skuldbinding. Tuttugu klukkustundir hafa farið í æfingar bara þessa vikuna og ég er að fara í gerviútvarpsviðtal á eftir.

Sálsveitin Skuldbinding er söngleikur (kannski meira leikur fyrir hlé og söngur eftir hlé) eftir Atla Þór Albertsson, Bryndísi Ásmundsdóttur og leikfélagið C-Squad. Hann er gerður eftir írsku kvikmyndinni The Commitments sem var vinsæl árið 1991 og síðar cult-mynd. Jamm, þaðan kemur beinagrindin. En ég leik einmitt aðalhlutverkið í sýningunni. Því væri gaman að sjá sem flest andlit á mínum vegum í salnum.

Ég er búinn að selja þemaverkefnahópnum mínum og Brynjari miða. Sveinn, Höskuldur og Bessi hafa fallizt á að kaupa miða. Brynjar keypti tvo. En ég þarf að selja fleiri. Það kostar þúsundkall.

Sveinn og Höskuldur? Liggur þá ekki beinast við að Jón Emil fari líka?

Bessi? Þá tel ég upplagt að Bíó-Skytturnar gerist alþýðlegar og fari einu sinni á leiksýningu, ég skal redda poppi ef það er það sem þarf.

Brynjar? Með honum skyldu þó aldrei fylgja Una, Bragi og Amigosarnir?

Talið bara við mig um kaup á miða. (Þess má geta að miðaverð er innifalið í Brynjólfi.)



Þetta var skrifað kl. 11:53 |

=================

29 mars 2006

Æðislegt

Þessi hlekkur hér fyrir neðan er með þeim skemmtilegri sem ég hef fylgt lengi. Þó er hann sérstaklega skemmtilegur fyrir eftirfarandi gaura:

Höskuld Pétur Halldórsson
Ívar Kristleifsson
Kára Sigurðsson
Svein Friðrik Gunnlaugsson

Hmmm... Hvað eiga þessir fjórir sameiginlegt?

http://www.skhi.is/midja.php?s=9&m=4&intThread=47&skhi_vef=056e9190a64262c08c19dac62b3bbf54


Þetta var skrifað kl. 18:05 |

=================

28 mars 2006

Oh, you beauty

Ég man þá tíð þegar Liverpool fór glæsilega í gegnum Evrópukeppnina og vann. En þeir einmitt sigruðu Juventus á leið sinni til sigurs. Ég held því fram að Liverpool séu betri en Arsenal en ég ætla samt að spá og vona að Arsenal komist í næstu umferð. Áfram Arsenal (um sinn).


Þetta var skrifað kl. 16:18 |

=================





Blogg 365

Ef ég væri Chelsea-maður þyrfti ég að eignast bol með þessari mynd.

1. Hvað var Joe Tex að segja þegar hann söng S.Y.S.L.J.F.M. í laginu S.Y.S.L.J.F.M. um árið?
2. Hver var aldursmunur Jerrys Lees Lewis og konu hans?
3. Hvernig voru þau skyld?


Þetta var skrifað kl. 12:50 |

=================

24 mars 2006



Hversu lengi hefur þessi málfræðivilla verið í hlekk laga Litríkra postula?

Lög Litríkra postular.

Ég sé þetta fyrir mér. Þið eruð búin að vera að hlæja að mér óafvitandi. Fyrst var þetta bara dálítið fyndið, Kári þykist vera maður með góða málkunnáttu og leggur mikið upp úr góðu máli. Ég skil vel hvernig hvernig það gat verið fyndið. En svo liðu dagarnir og mánuðirnir og ykkur hætti ekki að finnast þetta fyndið. Nú haldið þið vikulega fundi þar sem þið hlæið að mér. Jæja, geim óver, nú hef ég lagað þetta og þeir sem höfðu tekið eftir þessu, ég tel þá ekki til vina minna lengur.


Þetta var skrifað kl. 09:39 |

=================

23 mars 2006

Getraun

Getraun dagsins er einföld.

Lífs eða liðinn?
1. 2pac?
2. Elvis Presley?
3. Jerry Lee Lewis?


Þetta var skrifað kl. 12:52 |

=================

21 mars 2006

Einkunn

Ég var rétt í þessu að fá tölvupóst. Ég hef ekki enn opnað hann. Hann er frá Sigríði Sigurjónsdóttur, málnotkunarkennaranum mínum. Í honum stendur einkunn mín úr miðannarprófinu sem er bara dálítið mikilvægt. Þess vegna er ég dálítið spenntur að fá að vita hvað stendur í honum. Ég ætla að leyfa ykkur að fylgjast með.

Hmmm... Pósturinn kom kl. 14:08. Ég á afmæli 14. ágúst. Þetta hlýtur að vera góðs viti.
Hlutlaus titill: Einkunn á miðannarprófi í 05.40.19 Málnotkun.
Nú opna ég...

Jæja, ágætt. Sæmó. Hvaða, hvaða. Jæja, fínt. Flott, ágætt.

1. Hvað eiga Felix Bergsson, Bjarni Arason og Stefán Hilmarsson sameiginlegt?
2. Hvaða eiga lögin Ástarsæla með Hljómum og Ég vil þig með Óðmönnum sameiginlegt?


Þetta var skrifað kl. 15:15 |

=================



Brúnó

Getraunin hér fyrir neðan var vel heppnuð. Aðeins eitt stig gefið, til Eddu, fyrir glæsilegt svar við fyrstu spurningunni.

Að gefnu tilefni vil ég impra aðeins á reglunum. Ef spaði svarar spurningu en er ekki alveg sáttur við svar sitt getur hann svarað aftur. Með því gefur hann hins vegar frá sér sitt fyrra svar, nema það sé greinileg betrumbót og ekkert annað á fyrra svari.

Bruce Willis leikur á saxófón, ekki harmonikku. Hann grípur reyndar stundum í munnhörpu (e. harmonica) en hann á ekkert í brytann sinn á það hljóðfæri. Eins fjarstæðukennt og sumur gætu hafa talið svar Alvars var hann skuggalega nálægt þessu.

Nýr spaði.


Þetta var skrifað kl. 10:15 |

=================

20 mars 2006

Skot í fót?

Í öllu fátinu við að gera nýja bloggsíðu gerðist nokkuð skemmtilegt. Ég var að gefa öllum sem skráðu sig til leiks yfirvald á bloggsíðunni nýju. Það er auðvelt, maður smellir bara á lítinn kassa og þá hefur maður veitt þeim völd, jafnvel völd til að svipta þig þessum völdum. Þá fór ég að fikta í þessu sama hér á Svára. Það vita ekki margir, en ég hef hingað til haft yfirvaldið. Ég ákvað nú að gefa Svenna þetta vald. En þá fór fýsnin að láta á sér kræla. Hvað myndi gerast ef ég smellti á minn kassa? Og ég gerði það, með einum smelli svipti ég mig völdum. Ég get bara bloggað.

Nú eigum við það á hættu að:

a) Svenni breyti útliti á síðunni.
b) Svenni reki mig.
c) Svenni eyði síðunni.
d) Svenni veiti mér vonandi aftur völdin.

Ég er samt ekkert mjög bjartsýnn á að hann veiti mér bara völdin. Ég er búinn að halda honum úti í kuldanum í rúmt ár. Ekki bjartsýnn.

1. Hvaða tveir úr strákabandinu Blue hafa verið áberandi í sólóferlunum sínum?
2. Á hvaða hljóðfæri spilar Bruce Willis aðallega?
3. (2 stig, þessi er erfið) Á hvaða hljóðfæri spilar hinn sálfræðimenntaði (kannski fyrrverandi) bryti Bruce?


Þetta var skrifað kl. 19:03 |

=================

17 mars 2006

Sævar......og fólk fer í taugarnar á þér

Sælir lesendur góðir

Undanfarna daga hef ég setið og hugsað mikið, en ef satt skal segja þá hafa hugsanir mínar ekki verið upp á marga fiska.
Ég hef mikið verið að velta ´ákveðnu fyrirbæri fyrir mér. Ég veit ekki hvort þið kannist við það, en hver veit. Ykkur að segja hefur Framsóknarflokkurinn verið mér ofarlega í huga síðustu daga.
Eins og margir vita þá á Framsókn undir högg að sækja, hvað kjörfylgi varðar. Flokkurinn hefur hrapað niður í´skoðanakönnunum og er nú aðeins nokkrum prósentum fyrir ofan Frjálslynda ef marka má kannanir fra´Gallup. En nú spyr ég, hver er ástæðan fyrir þessu slaka gengi flokksins?
Allir flokkar hafa heimskan sauð innan vegga sinna og þar er framsókn engin undantekning, en málið er að innan veggja flokksins leynast fleiri sauðir en góðu hófi gegnir.
Maður er nefndur Haukur Logi Karlsson. Hann er buinn að vera viðloðandi flokksstarfið í rúmlega 8 ár og hefur aldrei verið hressari. Hann er ekkert annað en frekjan og pelabarn. Ef hann er ekki ánægður með hlutina eins og þeir eru, þa´gefst hann ekki upp fyrr en hann hefur náð takmarki sínu, með einum eða öðrum hætti. Sem dæmi má nefna var verið að kjósa í kjördæmanefnd fyrir stuttu. Haukur var búinn að vera vera með sitt venjulega skítkast út í margar framsóknarkonur á heimasíðusinni, nokkrum dögum fyrir fundinn. Þar kallaði hann m.a. Önnu Kr, og Jónínu Bjartm. Paranoid kellingar... Fólk var á þeirri skoðun að Haukur Logi ætti ekki heima í þessari nefnd og ákváðu menn nú að bjóða sig fram og efla til kosningar, sem Haukur hafði ekki gert ráð fyrir.
Svo líður að fundi og Haukur og félagar koma inn, þegar þeir komast að því að það eigi að kjósa í nefndina ekki skipa menn í hana eins og hafði áður tíðkast, þá byrja þeir að skæla. Jú, tárinn runnu og runnu, og menn fóru að líta í kringum sig eftir björgunarvestum því þessu ætlaði ekki að linna. Haukur taldi að eftir öll sín störf í þágu flokksins ætti hann að eiga öruggt sæti í nefndinni, kosning ætti ekki að eiga se´r stað. Málið endar þannig að Haukur hleypur skælandi heim, og kosning fer fram. Ekki er ákveðið að telja atkvæðin strax, heldur var beðiði með það og fundi því frestað.
´Akveðið er að halda fundi áfram eftir prófkjör. Birtist ekki Haukur Logi ásamt ófríðu föruneyti. Hann hefur gert það eina sem fólk virðist kunna í þessum flokki, en það er að smala...rollum eða fólki, skiptir ekki mali. En þó hafa menn einbeitt sér upp á síðkastið að smala manneskjum á fundi eða í opin prófkjör. En allavega....
Haukur kemur og heimtar að fyrri kosning verði ógild og að kosið verði aftur, en fundarstjóri tekur það ekki til greina, því fyrri kosningin var algjörlega lölgeg að öllu leyti. Haukur og félagar lýsa þá vantrausti á fundarstjóra, sem nennir ekki að standa í þessi lengur og gengur af fundi, því að vanrausstillagan hefði verið samþykkt af þeirri einföldu ástæðu að rollurnar hans Hauks voru mun fleiri en almennir fundargestir.

Ég verð að segja að ég lít ekki lengur á Framsóknarflokkinn sem stórnmálaflokk, heldur samtök þar sem ákveðinn hópur hefur náð völdum á siðlausan máta, svo ekki sé meira sagt, já Bingi...taktu þetta líka til þín.
Venjulegir Flokksmenn keppast nú við að birta greinar sem lýsa þeirri stöðu sem kominnn er upp í flokknum. Engin samstaða, ekkert traust, aðeins frekja og yfirgangur....
Ég hef ekki fullkomið svar við því hvers vegna flokkurinn hefur dalað svona mikið en ég er fullviss um að SUF frekjurnar með Hauk Loga í broddi fylkingar eiga stóran hlut í máli. Ég hvet alla til þess að hugsa sig vel um í vor og kjósa ekki Framsóknarflokkinn, heldur líta betur í kringum sig.
kv. Sv


Þetta var skrifað kl. 18:49 |

=================



Laugardagsboltinn

Ég ákvað upp á mína eigin drumba að búa til bloggsíðu fyrir laugardagsboltann. Mér hefur fundizt dálítið stress alltaf þegar dregur að helgum. Menn eru ekki vissir hvar og hvenær boltinn verður háður, hvort einhverjir hafa rottað sig saman og myndað lið í vikunni, hvernig stemmningin er og svona. Þess vegna bjó ég til síðuna og ætla mér að láta alla meðlimi hafa fullan aðgang að síðunni enda er ég enginn aðalspaði boltans. Já, Guð forði mér frá því. Já, endilega kíkið á síðuna og komið ykkur upp aðgangi hjá mér eða einhverjum sem ég hef látið hafa aðgang. Takk fyrir.


Þetta var skrifað kl. 14:25 |

=================


Þetta var skrifað kl. 09:47 |

=================

15 mars 2006




Hér eru þrjú plötuumslög. Hvert þeirra á sér hljómsveit. Hvert ykkar má telja upp tvær hljómsveitir. Fyrir hverja hljómsveit sem hver telur upp sem á disk hér fær stig ef enginn annar hefur áður nefnt hljómsveitina á sama vettvangi. Orða ég þetta nógu óskýrt?


Þetta var skrifað kl. 09:49 |

=================

14 mars 2006

Sími hringir.
Kona svarar hárri röddu:
,,Bíddu aðeins, ég er á bókasafninu. Nei, ég er á bókasafninu! Bíddu bara aðeins! Ég ætla bara að hlaupa fram. Já"
Alger þögn.

Jæja, ég er einmitt á bókasafninu alveg að fara að gera verkefni. Búinn að taka einhliða ákvörðun um stigagjöf í þeim botnum sem eftir voru. Eftir það vermir Jón Emil toppsætið. Kannski er ekki langt í að einhver rassvarmur nái því marki fljótlega því að í lok þessarar færslu verður fyrripartur.

Ég vil benda mönnum á að á heimasíðunni hans Guðmundar er í gangi mjög svo róleg einhliða umræða um Valgerði Sverrisdóttur og fyrirætlanir hennar. Ég vona að lesendur þessarar síðu geti hleypt smá lífi í tuskurnar.

Að gefnu tilefni vil ég minna menn á að beygja bæði nöfn ef svo ber undir. Þarna kemur Jón Emil. Líkar ykkur við Jón Emil? Jóni Emil finnst þið ágæt. Hví ekki að fara í heimsókn til Jóns Emils. Sveinn Friðrik er sveinn. Svein Friðrik langar í bók eftir Jóhannes úr Kötlum. Sveini Friðrik finnst hún skemmtileg. Jólasveinavísurnar eru sérsvið Sveins Friðriks. Höskuldur Pétur er frá Húsavík. Húsvíkingum er annt um Höskuld Pétur. Höskuldi Pétri er haldið frá hvers kyns freistingum. Nafni Höskulds Péturs verður haldið á lofti eftir hans dag.

(Þess má geta að Sveini Friðriki finnst... hefði líka gengið. Höskuldar er líka viðurkennt eignarfall en Höskulds er eldra og fegurra.)

Álver hér og álver þar,
er nú mál að hætta?


Þetta var skrifað kl. 13:21 |

=================

13 mars 2006

Bjarni Fel

Í þá gömlu góðu dagana hlustaði ég á Bjarna Fel. Nú er eins og hann hafi snúizt gegn mér.

Ensku mörkin í síðustu viku:
Bjarni Fel (um mark Fowlers): Já, hann er rangstæður, það fer ekki á milli mála.

Ensku mörkin áðan:
Bjarni Fel (um brottrekstur Alonsos): Hvað er hann að gera? Nýbúinn að fá gult spjald!

Hvort tveggja vitleysa. Þ.e. Fowler var réttstæður og Alonso datt á manninn (kannski vegna þess hvað Highbury er lítill). Jæja, ég þarf að fara að gera eitthvað róandi.

1. Samhliða vinsældum kvikmyndarinnar Notting Hill sló ,,strákur" sem var orðinn að manni í gegn með hugljúfu lagi. Hvað heitir lagið?
2. Hver söng?
3. Hver er frægastur í 30 Odd Foot Of Grunts?


Þetta var skrifað kl. 17:53 |

=================

11 mars 2006

Svári...og allt er á floti

Neinei...hvað er gerast? Veistu, ég hef bara ekki hugmynd, en ég vildi fá að vita það.

Ég fór í mitt annað próf á þessu ári í dag. Í þetta sinn var það hagfræðipróf, og reyndist það vera nokkuð skemmtilegt. Ég mætti í prófið, galvaskur, vel lærður og töff. Kom inn í stofu 423 og gjörsamlega átti heiminn...mér leið eins og ég gæti gert nánast allt t.a.m haldið á yfirsetumanninum, sem vó örugglega 150kg, með vinstri. En ég lét það sem betur fer vera og gekk að borðinu mínu.
Fyrir aftan mig sátu tveir verzlingar, jújú töff voru þeir mjög en ekki held ég að hagfræðikunnátta þeirra hafi verið upp á marga fiska. Eftir mjög svo vafasamar 30 min. skiluðu þeir prófinu og fóru út, sigri hrósandi. Ég var feginn að vera laus við þá og hélt ótrauður áfram með prófið.
Já, prófið var skemmtilegt í alla staði. Ég var rosalengi með annað dæmið, það var ekki fyrr en ég tók eftir að teygnin var -1 að ég fattaði þetta...kjáninn ég. Ég gerði eitt í prófinu sem ég hef aldrei gert áður í prófi, ég var í vafa hvort að ég ætti að gera þetta en svo lét ég til skarar skríða. Ég læddist ofan í skólatöskuna sem lá á gólfinu, gramsaði í stóra hólfnu og dró upp...linsuboxið mitt! Já, ég tók úr mér linsurnar í p´rofinu í dag, það var gaman.
Núna er ég heima, nýbúinn að hlaða Dælunni niður af simanum.is og er að hlusta á rússneska útvarpsstöð í gegnum Dæluna. Þetta er rosasniðugt, e-ð fyrir hann Villa.

Fólk hefur verið að kvarta yfir erfiðum rímorðum. Ég tek ekki mark á þessu væli, því að auðvitað yrki ég ekki með hagsmuni lesandans í huga. Ég fylgi bara hjartanu...

Já, miði á úrslitaleikinn í meistaradeildinni segiði...ég segi það hér með og skrifa að ég mun fara á úrslitaleikinn þann 17.mai n.k. með tveimur skilyrðum þó. Í fyrsta lagi ´þá verður annað liðið að heita Barcelona og hitt liðið Arsenal, kannski Juventus og í öðru lagi þá mun ég ekki fara einn, ég fer til Frakklands á úrslitaleikinn einungis ef einhver kemur með!

Hagyrðingur kvöldsins...

Teygni kennir tregum hausum
tilfærsluna'ð skilja...


Later. Sv


Þetta var skrifað kl. 00:30 |

=================

10 mars 2006

Magnað

Www.pandora.com er heimasíða sem margan manninn hefur glatt. Ég er einmitt í þessum skrifuðu orðum með heyrnartól í eyrunum sem tengjast tölvunni sem tengist þessari heimasíðu.

Jamm, ég settist hér við tölvuna um klukkan 13:20. Nú er klukkan 14:27 og ég er á fimmta laginu. Ég er búinn að hlusta á tæplega fimm lög á 67 mínútum. Það er þrettán og hálf mínúta á lag. Þess má geta að ég tók ekki eftir að fyrstu fjögur lögin hafi verið eitthvað sérstaklega löng en ég held að lagið sem ég er að hlusta á núna hafi ómað í fjörutíu mínútur eða eitthvað. Jim O'Rourke byrjaði lagið á að spila eftirfarandi á gítar:

EeEeEeEeEeEeEeEeEeEeEeEeEeEeEe...

(þar sem áttund er á milli e og E) alveg brjálæðislega lengi. Síðan, eftir svona kortér fór að draga til tíðinda og hann skipti um hljóm í smá stund og spilaði eitthvað aðeins flóknara, síðan tók við smá EeEeEe... og loks kom suð. Já, suð sem byrjaði fyrir klukkan tvö og kláraðist klukkan 14:30 (lagið hefur klárast núna, 14:30) með smá viðkomu í EeEeEeEe... Þetta er sannarlega listrænt. Alla vegana komst ég áfram í líkindareikningum við þetta suð. En alla vegana, ég mæli með laginu. Það heitir Happy Days.


Þetta var skrifað kl. 15:23 |

=================

09 mars 2006

Fyrsta skref

Vó! Hvað er að gerast?

Vikum saman hefur verið í bígerð útlitsbreyting á síðunni. Þetta er fyrsta skrefið til að sparka í rassinn á okkur til að stíga skrefið til fulls (þetta var gott dæmi um klaufalegar myndlíkingar).


Þetta var skrifað kl. 14:54 |

=================



Leiðrétting

Ég skrifaði fyrir nokkru blogg um fordóma. Þetta var fyrsta bloggið síðan maður sem lengi hefur staðið sig með ágætum í tónlistarleik okkar komst í fyrsta sinn á toppinn að ég held. Mig langaði til að skrifa um fordóma en mig langaði líka til að vekja athygli á hver toppmaðurinn væri nú. Þess vegna skrifaði ég færsluna og skaut inn á nokkrum stöðum nafni Jóns. Nú þegar ég hef lesið þessa færslu yfir með gagnrýnum augum sé ég að það sem ég vildi koma á framfæri komst alls ekki þangað. Nú sé ég að þetta tvennt átti ekki að vera saman heldur í tvennu lagi. Jafnvel í tveim færslum.

Nú ætla ég því að gera þetta betur:

Fordómar

Hugsaðu þér eftirfarandi, eitt í einu:

Barnaníðing
Heimspekinema
Indverskan Breta
Mann sem reykir fyrir utan Þjóðarbókhlöðuna
Konu sem heitir Jósefína Behrens

Í öllum þessum tilfellum náðir þú nokkuð skýrri mynd af hverjum fyrir sig. Og í öllum tilfellum voru þetta bara fordómar. Svona hugsaði ég mér fólkið:

Sveittan gaur með yfirgreiddan skalla
Ungan mann með sítt hár að reykja hass
Í gæruúlpu, með barta og illskulegt augnaráð
Megn ilmvatnslykt, fjólublátt hár, feitir ökklar

Hvar værum við án fordóma? Ef við þyrftum að vita alltaf allt til að mynda okkur skoðanir? Ef heimspekinemi þýddi einungis manneskja sem stundar heimspekinám, ef barnaníðingur þýddi einungis manneskja sem níddi börn á einn eða annan hátt, ef pönkari þýddi einvörðungu manneskja sem hlustar á pönktónlist. Kannski væri þetta fyrirmyndarsamfélag en ég tel að það væri bæði leiðinlegra og hægvirkara samfélag sem við byggjum í ef ekki væri fyrir fordóma. Eins og með svo margt annað þurfum við að finna hinn gullna meðalveg.

Ekki afneita annarri merkingu orða eins og fordómar eða fullkominn.

Ég gekk inn á Þjóðarbókhlöðuna fyrir ekki svo löngu og fyrir utan blöstu við mér algjörir nördar, tveir vinir með rautt hár og gleraugu. Og þeir voru að reykja. Var einhver ykkar með svona gaur í hausnum? Ekki ég.

Nú kemur fyrri partur:

Fordómarnir flæða um
í fótbolta og fleiru...

Reynið nú að hugsa um homma án allra fordóma.


En nú að allt öðru. Það er kominn mynd af nýjum spaða sem hefur verið iðinn við að svara Svára upp á síðkastið; hann hefur reyndar verið duglegur lengi. Hvað sem því líður er forysta Jóns Emils verðskulduð. Hann er sá vinur minn sem auðveldast er að tala við um popptónlist því að hann hefur vit á því og hefur litla fordóma gagnvart tónlistarstefnum í heild sinni. Til hamingju, Jón!


Þetta var skrifað kl. 12:58 |

=================

08 mars 2006





Sjaldan eftir Óli gaf,
eins og Grettir sterki.

Botnið og munið eftir greinarmerkjum.

Nördar eru í tízku. Ég er í tölvuveri nörda og ég finn á mér að Björn Leví er ekki langt undan.

1. Hvert var nafn fyrstu plötu nördahljómsveitarinnar Weezer og hvað heitir söngvarinn?
2. Fyrir hvað stendur skammstöfunin N.E.R.D. (sbr. hljómsveit Neptunes-bræðra)?
3. Hvernig lézt ofurnördinn Buddy Holly og á hvað spilaði hann?


Þetta var skrifað kl. 14:27 |

=================



Brandari

Ég bjó til brandara í gær. Hafði litla trú á honum. Sagði hann einum. Féll vel í geð. Trú mín jókst. Verð að fara að hætta að blogga um leið og ég horfi á sjónvarpið. Kemur niður á stílnum

Q: Hvað eiga hórumangari og námudvergur sameiginlegt?

A: Báðir segja þeir ,,Hæ hó" í vinnunni!


Þetta var skrifað kl. 00:29 |

=================



Auglýsingar

Nú eru auglýsingar í gangi. Dagblöð og strætóskýli.

1+3=1. 3+5=1. 6+2=1. 7+1=1.

Úff, hvað ég var alltaf nálægt því að skrifa rétt svar. En já, síðan er alltaf sama grafið sem fylgir með auglýsingunni og, eins og allir vita, trúir fólk staðreyndum frekar ef eitthvað vísindalegt fylgir með.

Ég tek þessu sem móðgun við mig og alla Stigla. Hvað er verið að reyna? Hvað vinnst? HVAÐ ER Í GANGI!? Nú er ég reiður. Staðhæfingar sem eru stærðfræðilega rangar eru vondar.

Urr...


Þetta var skrifað kl. 00:09 |

=================

07 mars 2006


Kæra dagbók,

meistaradeildarkvöld í kvöld og annað kvöld. Helzt ber að nefna leik Börsunga og Tjelsýslinga í kvöld. Barcelona vann fyrri leikinn með tveimur mörkum gegn einu en sá leikur var háður á Brúnni, heimavelli Chelsea. Í svona aðstöðu, þegar annað liðið er marki yfir og með tvö mörk á útivelli þegar heimaleikurinn er eftir, eru menn oftast á einu máli um að umrætt lið eigi eftirleikinn auðveldan. En það er eitthvað við þennan leik, stærð liðanna, rimman í fyrra, það er eitthvað sem togar í mann og segir: ,,Þetta er ekki svona einfalt". Engu að síður spái ég því að Messi og félagar á Nýja-Garði (ég veit ekkert hvort þessi þýðing sé út í bláinn) komist áfram í næstu umferð í kvöld.

Á morgun tekur Rauði herinn á móti Benfica á Anfieldveginum. Benfica leiða með einu marki gegn engu í þessari viðureign. Fowler ætlar að skora og annað er bara formsatriði. Tvö eða þrjú mörk ættu að fylgja marki Fowlers og sem fyrr eru Carragher og Hyypia mjög traustir.

Önnur athyglisverð viðureign er rimma strákanna úr Vopnabúrinu og ÍM (Íþróttafélag Madrid). Arsenal eru yfir og leikurinn á morgun er á Hágröf þannig að þeir hafa pálmann í höndunum. ÍM hafa þó leikmannaskrá sem gnæfir yfir aðrar. Mín tilfinning er sú að Arsenal komist áfram.

1. Hvaða áfenga drykk höfðu strákarnir í Athlete um hönd á tónleikum sínum á Roskilde-hátíðinni?
2. En The Game?
3. Hvað með Mugison?


Kvartið eins og þið viljið.


Þetta var skrifað kl. 15:06 |

=================

06 mars 2006

Trótalaus föstudagur
Átta stig á Berðu betur (i-hljóðvarp)
Kalli og kúkkulaðigerðin
Suðurver
Bílastæði við Perluna
Drasl í bílnum
Kringlan
Enskur bolti
Íslenzkur bolti
Enskur bolti
Mark Fowlers
Rangur aðstoðardómari á röngum tíma
Pítsa
Spil með vaníslenzku nafni
Ís
Madagaskar
Hreingjörningur
Snúður
Viðaminni hreingjörningur
Trommur
Kjúklingur
Uppvask
Keila, 167-140
Pítsa
Bíltúr
Ákvörðun

Já, helgin var skemmtileg. Margt þarna á listanum mjög skemmtilegt. En það sem stóð upp úr var mark Fowlers, það var ótrúlega skemmtilegt. En ég er hræddur um að tónlistargetraun okkar sé eitthvað stöðnuð, ætla ég mér nú að reyna að bæta úr því.

1. Robbie Fowler er góður knattspyrnumaður. Þó hefur hann gerzt frægur fyrir margt annað en fótboltaiðkun. Hann er til dæmis auðugasti knattspyrnumaður Bretlandseyja, vegna fasteignabrasks ýmiss konar auk þess sem hann var að slá sér upp með einni frægustu söngkonu Bretlands fyrir margt löngu. Hver var það (gælunafn dugir)?
2. Þessi fyrrverandi kærasta Robbies var í mjög vinsælli hljómsveit. Nefnið fornafn og eftirnafn þriggja úr hljómsveitinni.
3. Hann Robbie er líka þekktur fyrir að vera með plástur á nebbanum. Hvaða rappari er þekktur fyrir að vera með plástur á kinninni?


Þetta var skrifað kl. 10:01 |

=================

04 mars 2006

Sævar...og allt er öfugsnúið

Laugardagar eru vanalega skemmtilegir. Svoleiðis er það nú bara hvort sem þér líkar það betur eða verr.
Á öllu er þó til undantekning, og er dagurinn í gær gott dæmi. Hann byrjaði ósköp venjulega, hagfræðitími klukkan 11:05 og svo heim að lesa blöðin...ég held að hlutirnir hafi byrjað að gerjast í fyrradag. Þá einhvern veginn var maður eins og autt blað við hliðina á öðru blaði sem innihélt sönnun á Píþagórasi.
Veggirnir mála sig sjaldnast sjálfir, ritaði skáldið. Þetta átti svo sannarlega við í fyrradag, að vera eins og autt blað við hliðina á örðu mun betra og merkilegra . Auða blaðið lítur á sig sem merkisrit, það á bara eftir að rita á það, en því langaði bara að ganga beint á fund pappírstætarans.
.
Já, laugardagar segiði, bolti er nú orðinn fastur liður á laugardögum. Kannski, ég veit ekki. Tómarúm sálarinnar yfirgnæfir allar hugsanir á stundum sem þessum, var e-ð að? en mér fannst ekki. Ósköp venjulegur tími, bara þetta venjulega. En...já,

Það er ekki gaman að hlusta á Boys II men aftur og aftur...en einu sinni enn!

Hugsanir mínar þær sigla til suðurs
sálin hún döpur fylgir með...


later, Sv


Þetta var skrifað kl. 23:55 |

=================

03 mars 2006

Svári...og þú lætur í þér heyra!

Sæææælar

Margt hefur drifið á daga mína undanfarið. Ég fann gömlu blokkflautuna mína um daginn. Ég reyndi aðeins fyrir mér en ekkert gekk að spila á hana. En blokkflauta var einmitt fyrsta hljóðfærið sem ég lærði á 6 ára gamall. Fyrir löngu síðan ákvað ég að hætta að spila á nlokkflautuna mína og þess í stað ákvað ég að læra á gítar. Nú síðast í dag spiluðum við María saman. ´Hún spilaði á rafmagnsgítar og ég á kassagítar, og lögin sem við tókum voru ekki af verri endanum. Persónulega fannst mér skemmtilegast að spila Sgt. Pepper með bítlunum. Þá fórum við alveg á fullt og fórum gjörsamlega á kostum. En ekki hjálpar það manni í framtíðinni...

Ég er karlkyns og mér finnst gamana að velta ýmsum hlutum fyrir mér. Ég spái t.d oft í það af hverju hundum finnst svo gaman í bíl en köttum ekki? Ég veit ekki af hverju ég er að spá í þetta en, ég bara geri það. Eins spyr ég oft sjálfan mig af hverju ég er ég? Ekki það að ég sé ósáttur við að vera ég en af hverju er ég ekki einhver önnur manneskja? Ég nenni ekki að tala meira um þetta...því þetta er viðkvæmt mál. Ekki hjálpar þetta manni í framtiðinni....

Ég hata vetur, en ég elska sumarið. En samt vil ég ekki hafa sumarið allt árið, því þá þyrfti maður að vera í skolanum á heitum sumarsdögum, sem er ekki gott mál. Veturinn má heldur ekki vera of stuttur því þá væri ekki mikið pláss fyrir skólann...já skóli, merkilegt fyrirbæri!


smá hagyrðingafyrripartur...

Framsókn ei flokkur lengur er
því freki-Bingi þar öllu stjórnar...


botniði nú...(Bingi...Björn Ingi)


Later...Sv


Þetta var skrifað kl. 01:09 |

=================