Veldu þér tölu:

Fjötur

Henrik
Þingeyingurinn
Þóra Elísabet
(Arngunnur
Bessi
Edda og Egill
Jón Emil
Kristján
Söllenbergers)

Kátir piltar
Mottumaðurinn
Walrus

Gamalt og gott

janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
febrúar 2009
mars 2009
apríl 2009
maí 2009
júní 2009
júlí 2009
ágúst 2009
september 2009
október 2009
nóvember 2009
desember 2009
janúar 2010
febrúar 2010
mars 2010
apríl 2010
maí 2010
júní 2010
júlí 2010
ágúst 2010
september 2010
október 2010
nóvember 2010
desember 2010
janúar 2011
febrúar 2011
mars 2011
apríl 2011
maí 2011
júní 2011
júlí 2011
ágúst 2011
september 2011
desember 2011



28 desember 2006

Langalangamma mín átti fyrsta gítarinn í Rangárvallasýslu.


Þetta var skrifað kl. 16:30 |

=================



Uppáhaldsbarn:

- I'll be back in a sec.

Barn 2:

- I'll be back in a sack.


Þetta var skrifað kl. 00:46 |

=================

25 desember 2006

Blogg í samvinnu við pabba

Jólin, jólin alls staðar er eftir Jón bassa og eiginkonu hans Jóhönnu. Þau voru foreldrar Didda fiðlu sem á soninn Ólaf Kjartan baritón sem leikur það einstaka afrek að syngja mandólínuaríu Don Giovanni og leika sjálfur undir á mandólín. Það þykir okkur jólalegt.


Þetta var skrifað kl. 18:17 |

=================

24 desember 2006

Og þá fann Joe friðinn í hjartanu taka yfir. Í þann mund hugsaði hann: ,,Oj barasta, klisjutilfinning.


Þetta var skrifað kl. 17:16 |

=================

23 desember 2006

Góðmennskujólaörsaga

Lottóvinningur á jólunum

Hún átti nóg. Góðgerðastarfsemi? Já, hún skyldi stofna heimili fyrir munúðarleysingja. Munúðarleysingjahæli.


Þetta var skrifað kl. 16:30 |

=================

22 desember 2006

Örsaga

Þar sem þau stóðu þarna bæði við barinn fann hann hjá sér óstjórnlega þörf til að vita hvort hún kæmi oft hingað. Hvernig ætti hann að koma orðum að því?


Þetta var skrifað kl. 20:38 |

=================



Þegar maður prófarkales Blaðið svona á jólunum nýtist það manni, betur en áður, að hryggurinn hefur lítið sem ekkert með hamborgara að gera.

Einnig hef ég náð að troða inn hljómhlöðu. Leitið og þér munuð finna.


Þetta var skrifað kl. 13:36 |

=================


Þetta var skrifað kl. 12:22 |

=================

21 desember 2006

Í Ameríku

Uppáhaldsbarn:

- Look, mommy, no hands!


Barn 2:

- Look, mommy, no pants!


Þetta var skrifað kl. 11:50 |

=================

20 desember 2006

Vindurinn gnauðar. Rigning og tíu stiga hiti. Langloka úti í Select. Verkfræðinemar segja að Lagrange hafi verið hellaður.

Það eru að koma jól.


Þetta var skrifað kl. 17:48 |

=================



2003

Ef Diffurjöfnur eftir Birgi Guðjónsson var ekki tilnefnd til Íslensku bókmenntaverðlaunanna 2003 er ég illa svikinn.


Þetta var skrifað kl. 01:00 |

=================

19 desember 2006

- Ha? Eru Hössi og Kári enn þá í prófum?

- Já, skiptir það máli?

- Skiptir það máli?! Ertu hálfviti? Auðvitað skiptir það máli.

- En við getum ekkert gert í því núna. Leikurinn verður í kvöld.

- Nei, nei, ekki að ræða það. Leiknum verður frestað þangað til ljósvíkingarnir frá Fróni geta setzt niður saman, slappað af og í góðu slitið vinskapnum í 2x45 mínútur.


Þetta var skrifað kl. 21:20 |

=================



Málfar í fjölmiðlum

Nú nálgast jólin (þótt prófmenn taki ekki eftir því) og aðventunni fylgja ógrynnin öll af auglýsingum og þá þarf alls kyns lýður að búa til auglýsingar. Þá getur farið illa.

Lang mesta úrvalið held ég að Blómaval og Húsasmiðjan auglýsi. Lang? Hvað er það?

Þegar Simmi Vill segir í útvarpinu að eitthvað fáist í Hagkaup finnst mér það skrítið. Mér finnst töff þegar Siggi Hall segir frá Hagkaupi en Hagkaupum ætti að teljast réttasta myndin. Reynum a.m.k. að fallbeygja!

Svo er það eitt sem bæði Hagkaup og Blómaval láta bendla sig við. Það er náttúrutenórinn frá Vestmannaeyjum. Gjöf sem ömmu og afa langar í... og öllum hinum líka. Er þetta grín?


Kaupum bara jólamatinn í Nóatún. Ég mæli með jólatrjám frá Europris þótt Blómavali langi það varla. Það er örugglega alveg jafn gott.


Þetta var skrifað kl. 16:30 |

=================



Ég heyrði í útvarpinu að allir væru búnir í prófum.

Ef þið viljið afsaka mig ætla ég út á hlað að dansa af gleði.


Þetta var skrifað kl. 01:00 |

=================

18 desember 2006

Jólaball

Systir mín stundar nám í Menntaskólanum við Reykjavík. Hún er í fjórða bekk.

Í kvöld er jólaball MR og hún, eins og sannur fjórðubekkingur, er að fara. Fyrst fer hún í partý til bekkjarbróður síns. Þar verður gullþema sem er mjög viðeigandi því vinsælasti meðlimur 4. T ber nafnið Christopher Gould. Ekki alveg Gold en nógu nálægt. Svo verða mistilteinar í hverju horni. Já, gestgjafinn Steinar hefur þetta allt saman á hreinu, enda hommi.

Aldrei hefur mig meira langað í fjórðubekkjarpartý síðan ég var fjórðubekkingur sjálfur.

Nú eru margir fjórðubekkjarstrákar hálfvitar. Ég geri ráð fyrir að bekkurinn hennar Helgu Svölu sé engin alger undantekning í þeim efnum. Því held ég að margir T-strákar séu uggandi yfir því að fara í mistilteinapartý til homma.

Frímann Gunnarsson myndi hugsa sig tvisvar um.


Þetta var skrifað kl. 20:57 |

=================



Sum lög eru svo leiðinleg að maður verður pirraður á því hvað þau eru lengi að feida út.


Þetta var skrifað kl. 12:00 |

=================



Ég á heima í Samblandi, samblandi...

Allt í einu birtist (og birti yfir) ljósapera fyrir ofan hausinn á mér. Ég fékk ekkert frábæra hugmynd en ég fattaði að Katrín Jakobsdóttir og tvíburarnir Sverrir og Ármann Jakobssynir eiga sér öll sama Jakobinn. Þetta fannst mér stórmerkileg uppgötvun.

Ég les stundum bloggið hans Ármanns. Það er, held ég, eina bloggið sem ég les sem er eftir mann sem ég hef aldrei talað við. Þetta var alveg sérstaklega mögnuð málsgrein, má kalla þetta kansellístíl?

Ármann er að nokkru leyti mín fyrirmynd í blogginu, hann skrifar oftast stuttar og hnitmiðaðar færslur sem eru fyndnar en stundum skrifar hann líka langar færslur. Ég held að mitt (okkar) blogg sé svipað en honum ferst það bara betur úr hendi.

Hann hefur til dæmis skrifað hátt í fimmtíu færslur bara í desember og ég held að tíðni sé mikilvæg. Engin þeirra er jafnleiðinleg og þessi hefur verið hingað til. En nú vil ég segja eitthvað skemmtilegt sem mér datt í hug þegar ég var að lesa Ármann.


Ein sjónvarpsþula (dóttir Ármanns?) er mjög góð í því að segja ,,hvað leynist í næsta glugga jóladagatalsins?" með sama svip og tóni og ef hún ætlaði að segja ,,hvað leynist undir bungunni á buxunum þínum?".

Göngum við í kringum einiberjarunn hefur mjög sérstakar hugmyndir um hvernig eigi að ganga um kirkjugólf. Veit ekki með ykkur en ég ætla ekki að taka þessum ráðleggingum.

Annað jólalag um Adam kennir okkur hvernig á að sá. Þessi aðferð hefur verið tekin til skoðunar og komið hefur í ljós að hún er bæði óþægileg og hægvirk.


Þetta var skrifað kl. 10:54 |

=================

17 desember 2006

I get no sanity

Hvað er það sem rímar við bíó en er leiðinlegra?


Þetta var skrifað kl. 17:48 |

=================



Í gær

Ég man það eins og það hefði gerzt í gær. Mamma var að mála herbergið sitt. Svo færði ég henni fréttirnar

- Mamma, ég ætla að skipta yfir á málabraut.

Vanþóknunarsvipnum gleymi ég aldrei. Hún rétti mér pensilinn.

- Þá getur þú klárað þetta.

Svo fór hún í fússi.


Þetta var skrifað kl. 14:39 |

=================

15 desember 2006

- Það er þá á svona stundum sem þeir segja, fagnaðarlætin ætluðu aldrei að byrja,

hugsaði rostungurinn með sér og horfði döprum augum á land og út á haf til skiptis.


Þetta var skrifað kl. 16:45 |

=================



Upp seg letur heilsubrunnur,
reitt er Harrans náðiborð,
og tín svári syndarunnur
verður lektur við Guðs orð'.


Þetta var skrifað kl. 14:00 |

=================

14 desember 2006

Krakkar,

lærið heima!


Þetta var skrifað kl. 15:56 |

=================

13 desember 2006

Atti katti nóa

Mikið hafa vísindamenn skeggrætt um uppruna ljóðsins Atti katti nóa. Nýjustu kenningar eru á þá leið að þetta hafi verið samstarfsverkefni sjálfskipaðra mestu ljóðskálda nítjándu aldar. Þeir eiga að hafa komið hvaðanæva að úr heiminum en hvaðan er ekki víst. Vísindamenn telja þó að síðustu línuna hafi nízkur Bandaríkjamaður samið (eða alla vegana maður sem annt var um peningana sína).

Dollara missa, dey.


Í öðrum fréttum er það helzt að brandarar mínir súrna í línulegu sambandi við mig og að ég hef í veskinu mínu miða á Incubus-tónleika.


Þetta var skrifað kl. 19:18 |

=================



Blóð

Nú eru að koma jól. Svo kemur næstum því febrúar. Annan febrúar fer ég að gefa blóð. Það verður gaman. Blóðgjöfin klikkar ekki.

Ég hvet alla sem enn hafa ekki uppgötvað dásemdir blóðgjafanna að skella sér.

Blóðbankinn segist þurfa 70 blóðgjafa á dag. Það eru 8500 mjög virkir kvengjafar. Eða 6400 mjög virkir karlgjafar.


Þetta var skrifað kl. 16:30 |

=================



Geirfugl í hættu

Þetta verða að teljast mjög vondar fréttir.


Þetta var skrifað kl. 16:15 |

=================

11 desember 2006

Hvaða, hvaða

Ég lít á hljómhlöðu sem farartæki. Þegar ég geng með tónlist í eyrunum er tíminn svo fljótur að líða að ég lít á hljómhlöðu sem farartæki.

Hvor á ég að taka strætó eða hljómhlöðu?

Í dag gekk ég drykklanga stund með hljómhlöðu. Það er skemmtilegt að ganga með tónlist í eyrunum og syngja með. Verst hvað ég get verið hræddur um að vera álitinn geðveikur. Því geng ég syngjandi en hætti, eða lækka róminn, þegar það er fólk í augsýn. Mér er alveg sama um ósýnilega fólkið, það veit örugglega ekkert hver ég er.

Já, í dag var ég að syngja með laginu, það var Crazy með Gnarls Barkley. Raulaði á Bónus-planinu en þegar ég var kominn úr mannmergðinni fór ég að syngja, hætti því þó snögglega því ég sá þar að maður kom aðvífandi á móti mér. Viðlagið var að koma, ég varð víst að sætta mig við að hlusta bara. En þegar maðurinn kom nær mér sá ég hvaða maður þetta var, þetta var geðveiki karlinn sem býr í götunni minni! Hann gengur ósjaldan um bæinn og rökræðir trúmál við sjálfan sig. Þetta var þá allt í lagi, ég tók við mér, blastaði hverfið:

,,Does that make me craaaaaaaaaaaazeeeeeeeeeeeyy, does that make me craaaaaaaazeeeeeeeey..."


Þetta var skrifað kl. 20:57 |

=================



Örsaga án tilgangs

,,Pabbi, er ég einn af þessum 4634 börnum?"

,,Hvað meinarðu, ertu ekki ánægður með jólabaunina þína?"


Þetta var skrifað kl. 20:19 |

=================

10 desember 2006

Litlausar grænar hugmyndir sofa tryllingslega.

Eins og þú í desember.


Þetta var skrifað kl. 18:17 |

=================

08 desember 2006

Ef þú hefur einhvern tímann velt fyrir þér óendanleikanum og átt erfitt með að sjá hann fyrir þér væri kannski hjálplegt að velta þessu fyrir sér:

Gæðamunurinn á lögunum Fönn, fönn, fönn og Fun, Fun, Fun.


Þetta var skrifað kl. 20:00 |

=================



Þéttir á kantinum!

Ég hef lært tvo nýja lagatexta.

Okkur var ekki skemmt,
okkur var ekki skemmt,
okkur var ekki skemmt
þegar þú hafðir skemmt allt fyrir okkur.


Don't blame it on the Reina,
don't blame it on the Hamann,
don't blame it on the Finnan...

...blame it on Traore.


Það hafa örugglega margir lýst þessu yfir og ég hef örugglega gert það áður en það er kominn tími: Mér finnst ekkert mjög skemmtilegt að verzla í Hagkaupum.

Svári er mikill og tvöfaldur aðdáandi Sigtisins. Mér fannst þátturinn í gær æðislegur. Ef sá maður er til sem enn hefur ekki kynnt sér verk Frímanns Gunnarssonar verður að fara að gera það. Hann hressir, bætir, kætir:

Einu sinni voru saman í flugvél Ernest Hemingway, Halldór Laxness og Franz Kafka. Allt í einu heyrist í kallkerfinu flugstjórinn láta vita af því að flugvélin sé að hrapa. Þá segir Hemingway: ,,Bloody Hell!" og fær sér viskíslurk, hann drakk nefnilega svo mikið. ,,Hvar er nóbellinn minn?" spurði Laxness. Svo litu þeir báðir á Kafka því ekkert hafði heyrzt í honum. Þá hafði hann breytzt í bjöllu.


Þetta var skrifað kl. 10:18 |

=================

07 desember 2006

Ég veit ekkert!

Rétt skal vera rétt!


Fólk átti erfitt mað að skilja þessa veru. Hvaðan kom hún? Af hverju vall þessi vitleysa upp úr henni?

Allir voru þó sammála um að hún var fallegasta og bezta vera sem nokkurt þeirra hafði kynnzt.


Þetta var skrifað kl. 19:18 |

=================



Bolli

Mengi fólks sem ég veit hvað heitir er stærra en mengi fólks sem ég heilsa.

Hjá Bolla Thoroddssen er það öfugt.


Þetta var skrifað kl. 12:33 |

=================

06 desember 2006

Lesið eftirfarandi setningar upphátt


Ég seldi Jóni gamla hestinn.

Ég seldi Darra gamla hestinn.






Ef þetta hefur hepppnazt hefur Jón gamli fengið hest og Darri fengið gamlan hest.

Er það? Breyta nýtízkuleg nöfn merkingum setninga? Það væri skemmtilegt.


Þetta var skrifað kl. 12:44 |

=================

05 desember 2006

Ég var búinn að skrifa alveg dutlandi leiðinlega færslu en þar eð mér þykir vænt um flesta lesendur mína hlífi ég þeim við þessu rugli í mér.

Í staðinn vil ég benda á nýjasta hlekkinn hér til hægri. Kátir piltar.

Þrátt fyrir nafnið hefur Steinn Ármann ekkert með þetta að gera.


Þetta var skrifað kl. 20:00 |

=================

03 desember 2006

Skemmtigarðurinn

Ekki kom mikið í kassann fyrsta daginn í nýja skemmtigarðinum.

Stofnendur garðsins voru niðurlútir en einn var þó bjartsýnn. ,,Hvað er þetta, strákar? Nú verðum við bara að spýta í lófana og gera garðinn frægan."


Þetta var skrifað kl. 20:19 |

=================



Hægt er að þýða enska orðið factor með íslenzka orðinu þáttur.

Þá héti X-factor X-þátturinn. Já, ég vildi helzt sleppa þessu x-i líka en úr því þetta er keypt fyrirbæri vilja allsráðendurninr líklega hafa x-ið.

X-þátturinn - Sjónvarpsþáttur með X-þáttinn...

Æ, ég veit það ekki, gleymið því.


Til hamingju með daginn, aðventistar!

Vissuð þið að aðventistar halda ekkert meira upp á aðventuna en annað fólk (það gæti reyndar alveg verið að þeir haldi alls ekkert upp á hana). Nei, á aðventunni erum við að bíða eftir jólunum (aðvent- þýðir eitthvað um bið) en aðventistar bíða endalaust, bara eftir heimsendi.


Þetta var skrifað kl. 18:00 |

=================

02 desember 2006



Desember!


Þetta var skrifað kl. 12:22 |

=================