S V Á R I

31 maí 2005

Vinnan

Um mig:

A: Er komin önnur ný?
B: Afsakið, þetta er drengur.
A: Jaá, er kominn annar nýr?

Konur að spjalla:

C: Hallgrímur, Hallgrímur?
D: Hei, ég er ekki með typpi!

1. Hvað heitir þekktasti söngflokkur fatlaðra hér á landi?
2. Í hvað er vísað í nafni flokksins og af hverju?

Þetta var skrifað kl. 19:00 |
=================

Jæja, hringnum lokað!

Eins og allir, allavega flestir, vita rústaði Hössi þessum prófum með glans. Hann kom á forsíðu Morgunblaðsins daginn eftir, var í spurningu dagsins í Fréttablaðinu og nú að lokum birtist mynd af honum í DV. OK, Dv er nú ekki þekkt fyrir að fara með rétt mál en í þessu tilviki tel ég að allt sé satt og rétt. Þetta byrjar svona: Stolt mamma,
"Auðvitað er maður stolt af stráknum sínum, segir Kristín Höskuldsdóttir" Svo talar hún um hversu duglegur og samviskusamur hann sé og hversu góða og duglega vini Höskuldur eigi. Að lokum segir hún að þessi árangur sé í rauninni sigur fyrir alla. En það skemmtilega er að myndin af Hössa er frá því í þriðja bekk, þ.e. á skólafélagssíðunni.

Later!

Þetta var skrifað kl. 16:52 |
=================
30 maí 2005

Svári, og þú hömmar með...

Jæja klukkan að detta í 10 og maður bara vaknaður. Ég vaknaði að vísu klukkan 7 og horfði á Ísland í bítið. Frekar daufur þáttur en get þó ekki neitað því að þátturinn var svolítið lærdómsríkur en nenni ekki að fara út í þá sálma.
Laugardagskvöldið var mjög nett. Eftir góða stjórnun Gumma Stein þá var sko dansað. Hrói kallinn fór á kostum og Birgir stæ. var töff. Hefðin er sú að þeir sem yngri eru áttu að bjóða þeim sem eldri eru upp í dans. Eftir að hafa safnað kjarki við barinn fór ég á eitt borð með þremur fullorðnum konum. (kýs að nota orðið fullorðin í staðin fyrir gamall) Ég spurði: Sælar stelpur, má ekki bjóða einni af ykkur upp í dans? Þá fór smá kliður um borðið og þær flissuðu e-ð sín á milli en svo að lokum var mér hafnað vegna þess hve ungur ég var, eða kannski hve gamlar þær voru, man ekki alveg. En ég var ekki af baki dottinn. Ég óð að næsta borðii þar sem konur um fertugt sátu. Ég notaði sama bragðið sem hafði mistekist áður og sagði: Kvöldið stelpur, til í að dansa við kallinn? Þær voru tvær og önnur stóð strax upp og tók í höndina á mér og við dönsuðum við e-ð gott lag.
Ok, fórum því næst í bæinn eftir að hafa stoppað stutt á háskólatúninu. Fyrsti áfangastaður var kaffi Cultura. þar fór ég að spjalla við Elísabetu úr 6.U um mjög pólitísk mál. En ekki var spjallið komið langt þegar ég fann smá brunalykt og mér var óhemju heitt á handleggnum. Þá hafði ég lagt höndina á kerti sem lá á borðinu, en þar sem ég var í góðum jakkafötum gerðist ekki neitt, smá blettur en ekkert gat. Sem betur fer. Ekki gerðist neitt markvert um kvöldið en eitt var þó áhugavert. HVAR VAR EMIL? Ég missti klárlega af honum, alveg klárlega. Mig langaði að spjalla við kjallinn um...já bara gamla og fína tíma. En hann mætti ekki og ég varð vonsvikinn og ég geri klárlega ráð fyrir því að sumir hafi líka verið leiðir yfir því að Emil mætti ekki á staðinn.
jæja jæja...okkur langaði allvega að hitta hann.
Ég og meistari Einar Teitur áttum gott spjall og við vorum sammála um að láta ekkert slæmt viðgangast. Gott mál!
Já talandi um gott mál. Óli Odds. Hann átti þessi verðlaun svo sannarlega skilið ég er svo heppinn að hafa haft hann sem kennara og vona að Helga Svala og Jói fái hann einnig. Hugsið ykkur Bjarni Konn og Óli Odds, þvílíkir spaðar, svo að ég noti Hössa orðalag.
Jæja nóg í dag

Emil, þú ert frábær!

Þetta var skrifað kl. 11:43 |
=================
29 maí 2005

Gærkvöldið

Tómas Pajdak: Hvenær útskrifaðist þú?
Gamla konan: Fyrir 49 árum.
TP: Nú, þá máttu ekki vera hérna.
GK: Heyrðu nú mig, ég er fyrrverandi rektor!

Ólafur Oddsson er vel að þessu kominn.

Þetta var skrifað kl. 16:30 |
=================
28 maí 2005

Ég vil einnig segja að annar atburður gerðist í gær. Ég er ennþá harmi sleginn eftir þann fyrri en sá seinni var bara skemmtilegur.
Félagi Hannes Portner var að fagna skólalokum og var helnettur í bænum í gær.

En EMIL?

Þetta var skrifað kl. 16:37 |
=================

Já, ágæta fólk. Í kvöld varð ég vitni að mjög sorglegum hlut. Hann er svo sorglegur að ég get varla sagt frá honum. Já þeir sem urðu vitni að honum með mér voru mér algjörlega sammála.

KOmmon, EMIL! Ég er hættur að skilja upp né niður, aftur á bak né áfram fram eða aftur í þessu. Það festist við allar stelpur að vera...æi ég veit ekki hvernig ég get orðað það pent...best bara að sleppa því!

Later, annars góður dagur.

Þetta var skrifað kl. 06:27 |
=================
27 maí 2005

Já, þið segið það elsku stelpur...

Senn líður að útskrift og enginn veit neitt í sinn haus. Ok, ég verð að viðurkenna að þarna talaði ég aðeins fyrir sjálfan mig. Eftirfarandi setningu má umorða: Senn líður að útskrift og ég veit ekkert í minn haus. Þetta lítur mun betur út, þar sem ég veit ekki hvernig öðrum líður. Nú er búið að bjóða manni tvö party og maður verður að vera trúr og tryggur og mæta í bæði partýin. Ég gluggaði aðeins í enska leskafla úr 5.bekk áðan. Ég var búinn að gleyma hvað textarnir voru skemmtilegir, skemmtilegur orðaforði og soleiðis.
Já, senn líður að útskrift og ég veit ekkert í minn haus. Eftir helgina þá á ég aldrei eftir að sjá eða tala við fullt af manneskjum sem ég hef kynnst í MR. Ég veit ekki hvort ég á að vera að kveðja fólk e-ð formlega eða bara segja: Sjáumst seinna, sem verður síðan aldrei! ÉG er ekki alveg að samþykkja það. EN við skulum sjá hvað gerist, bíða spennt og sjá. Það eru sumar persónur sem ég vil allavega spjalla við. Nóg um þetta RUGL!
Síðustu nótt þá labbaði ég frá næstum því Álftanesi og heim. Ferðin hófst klukkan 3:10 á Heiðvangi 3 og endaði í Rauðagerði 36 klukkan 5:30. Það var mjög gaman í sjálfu sér en kuldin fór að segja til sín því að ég klæddist einungis þunnum bol.
Providence bara byrjaður aftur. Skemmtilegt stöff.
EN hvers á maður að gjalda? Ég hef verið að hugsa mikið síðasta dag og ég hef komist að niðurstöðu. Ekki get ég greunt frá henni að svo stöddu en hún er góð og gerir öllum gott. Ætla ekki að koma með Raufarhafnarsögu núna vegna þess að ég þarf að taka til, fyrir morgundaginn. Jæja nú kom mamma og bað mig um að ryksuga stigann og gólfið. Verður maður ekki að gera það? Jú, kommon,,,En mamma er samt sniðug í því að biðja mann um að gera e-ð lítið og svo er alltaf bætt við verkum...jújú núna var herbergið ekki nógu fínt...

Later lads and gals

Þetta var skrifað kl. 01:54 |
=================
25 maí 2005

Ég er ekki sáttur við þetta bil. Gá hvort að það hverfur með nýju bloggi.

En ég fór líka í bíó í gær. Ólétta Natalie Portman snilldarlega skrifuð inn í söguna (þ.e. handritinu var breytt eftir að í ljós kom að Natalie væri ólétt.

Ég hef ákveðið að blogga bara á heila og hálfa tímanum.

Til hamingju með 78 ára afmælið, þeir sem fæddust 25. maí, 1927!

Þetta var skrifað kl. 18:00 |
=================

Jæg tnder pa dig...

Já kallinn bara kominn með vinnu. Já ég er að fara að vinna með börnum. Hugsið ykkur! Ég, að fara að vinna með börnum. Aldrei hafði ég þorað að vona. Nú verð ég sá sem labba með börnin í gulum vestum og læt aðra öfunda mig. Ég hef verið í öfundarhlutverkinu, alloft.
Já já, Liverpool vs A.C. Milan. Ég verð að halda með Liverpool einungis fyrir hann ára minn. Þeir eiga það líka skilið finnst mér.
Viti menn. Ég, Sveinn Friðrik Gunnlaugsson fór í bíó í gær! Það er ekki frásögu færandi nema að því leyti að myndin hét STAR WARS. Ég er að umbyltast og það sem meira er, mér fannst seinni hlutinn skemmtilegur. Ég sofnaði reyndar fyrir hlé. Ég kom seinna en hinir, þ,e, Edda, Kári, Hössi og Jommi. Þau voru fremst og ég sá þau ekki og settist í þriðju öftustu röð sem var eiginlega tóm. þá lagðist ég aðeins fyrir og sofnaði. En svo vakti hössi mig ´´i hléinu, sem var eins gott. Við blasir heimurinn, himinnblár er bláminn, himneskur jökullinn.

En já. Eins og fáir vita heiti ég Sveinn Friðrik Gunnlaugsson, en flest ykkar þekkja mig undir nafninu Sveinn Gunnlaugsson. Ég hef ekki verið hlynntur nafninu Friðrik lengi, en nú þegar ég veit af hverju ég heiti það þá ætla ég að halda því uppi. Ég nenni ekki að segja af hverju ég heiti það, en eitt er víst að ef að ég hefði skírt son minn þessu nafni vegna sömu ástæðu þá hefði mér þótt leiðinlegt ef hann vildi ekki nota nafnið. Svo hananú. ...Og við svífum frá heimi til heims, ekkert fær okkur nú stöðvað...

Ég hef ákveðið að vera með smá söguhorn. Ekkert venjuulegt söguhorn heldur sögur frá Raufarhöfn, þar sem ég bjó í 4 ár. Þessar sögur eru skemmtilegar og ekki er nauðsynlegt að þekkja neinn á staðnum til að geta notið þeirra. Margir kannast við veiðiþjófasöguna og er hún væntanleg á næstunni.

Later lads 'nd gals

Þetta var skrifað kl. 16:27 |
=================
24 maí 2005

Jæja

Það er frábært að verða stúdent. Ólafur Oddsson segir að það sé ein besta tilfinning sem hann hefur upplifað á ævinni, að ganga um stoltur með hvíta húfu, þó að allir aðrir haldi að þú sért lögga. Það er frábært að ná þessum áfanga, og það einmitt á svipuðum tíma og Tupac Shakur er að ná einum merkasta áfanga í ,,lífi" sínu. Hann hefur nú gefið út meira efni eftir dauða sinn en fyrir. Til hamingju, Tupac, og til hamingju, ég.

Annars leit ekki út fyrir að ég fengi húfuna á föstudaginn lengi vel í dag. Þannig er mál með vexti að prófanefnd tónlistarskólanna er ein kona sem erfitt er að ná í. En hún gaf sig á endanum og svaraði í símann og ég og Yngvi erum sáttir núna.

Í prófunum lagði ég mikið á minnið hvað gerðist í fréttum svo ég gæti summað það svona upp hér á þessari síðu eftir prófin. Það var svo mikið að ég þori ekki að telja það upp vegna þess að ég á pottþétt eftir að gleyma einhverju stórvægilegu. Ég læt nægja að nefna Ungfrú Reykjavík & Ísland sem kom öllum á óvart.

Hlakka til samverunnar,

Kári, 6.Y, 8,5 í ritun eins og berlega sést.

E.S. Eftirfarandi sms sendi einn sérstakur vinur minn mér kl. 03:21:45 í nótt:

Djöf+ul5 er
the+ta skryuid
ad vera svoa
bsjátkaislega
drukin. éi vert
ekki+ hort ég a
ad sofa eda sofa

Ég held að hann hafi átt að fara að sofa.

Þetta var skrifað kl. 19:00 |
=================
23 maí 2005

Nei hver er mættur...kjallinn!

dginn nei, daginn kæru lesendur fjær og nær. Ég heilsa ykkur í friði og gleði. Nú þegar spænskuprófið er búið þá tel ég mig vera frjálsan mann. Já þið lásuð og heyrðuð rétt ef að þið lásuð þetta upphátt. Ekkert meir, jú nema að taka á móti gjöfum og fleiru. En hvað er næst á döfinni? Ég hef ekki hugmynd um það því að ég á ekki að þurfa að hafa áhyggur af neinu, nema einu.
Nú þegar sólin skín og fuglarnir syngja þá verð ég glaður. Ég verð að viðurkenna að ég er ekki uppá mitt besta í desember og janúar, nei frekar janúar og febrúar. Nú er sumar og sól og þá kætast allir...never felt like this before, want to make you mine...I'm talkin to you girl, just tell me where to start...can't wait another day. Eins og og Charlotte Nilsson sagði: Ég verð ástafanginn þegar ég heyri þetta lag. Ok...einntveirþrírfjórirfimmsexsjöáttaníutíu. Aðeins að róa mig niður.
Ég vil skamma einn mann rosalega, gaurinn sem tæklaði Rauðhærða gaurinn í Keflavík í gær. Þetta var svakalegt! Hann öklabrotnaði og leggurinn brotnaði einnig. Svona menn sem tækla eins og þessi gaur í ÍBV eiga ekki að vakna glaðir næstu mánuði. RUGL!..talkin to you girl.
Ég komst að einu um helgina. Það er ekki töff að ríma saman orðunum fire og desire. Þetta sagði hann Gísli litli klifurmús Baldursson í sjónvarpinu og svo komst ég að öðru. Gísli þolir ekki að horfa á sjálfan sig í sjónvarpinu, kemur pínu á óvart, hélt að hann væri öðruvísi tæpa, tópa, típa... loksins. YOU ARE THE ONLY ONE!!!
Ahhhhhh... Já hve lífið er yndislegt. ...það var einn morgun snemma sumars þegar sólin kíkti inn. Ég sat við gluggan með kaffið var að horfa á himininn. Geislarnir tipluðu inn á hvítum fótum og földu brosin sín og fundu þig undir sænginni mjúku opnuðu augun þín. Það er ljúft að horfa á þig og finna friðinn sem leggur frá þér, þú ert falleg svona nývöknuð þú ert allt sem ég óska mér... sorry varð

EN hvað segiði einn doktor?......................jájájá´já júbbbbí

1. Ég ungur gekk upp í gimbrafell til að gá að mínum sauðum...

2. Kysst á miðju stræti er kona ung og heit, keyra rúntinn piltar sem eru í stelpuleit.

3. Sjáið þessi veslalings börn sem eig'ei samastað og engan eiga að, hvað er að fást um það...( barnaþættir)

JÆjaaaaaa Ég er svo glaður í dag. later lads and gals...

Þetta var skrifað kl. 15:36 |
=================
21 maí 2005

Sveinn er í pásu vegna:

Spænsku

En ekki ég, til hamingju, ég!

Og til hamingju, Sveinn, með að búinn með öll próf nema spænsku.

Þetta var skrifað kl. 18:08 |
=================
03 maí 2005

Tónlistarspekingar athugið

Selma er að fara að taka þátt í júrúvisjón. Nú mega tónlistarspekingar giska á í hvaða sæti hún lendir.

Hver fær að giska á tvö sæti. Bannað er að giska á sæti sem annar er þegar búinn að giska á. Þá erum við auðvitað að tala um sæti í aðalkeppninni, 21. maí.

Ef einhver telur að hún komist ekki í aðalkeppnina þarf sá ekki að tilkynna í hvaða sæti hún lendir í forkeppninni heldur bara að hún komist ekki. Ef einhver giskar á það má hann ekki giska á annað sæti í viðbót.

Bara... gó nötts í kommentunum.

Og já, sá sem hittir á rétt fær heil þrjú stig frá mér.

Þetta var skrifað kl. 19:09 |
=================